Navratri 3rd Day:നവരാത്രി വ്രതം മൂന്നാം ദിനം; ചന്ദ്രഖണ്ഡ ദേവിയെ പൂജിക്കാം

നവരാത്രി വ്രതത്തിൻ്റെ മൂന്നാം ദിവസം പൂജിക്കേണ്ടത് ചന്ദ്രഖണ്ഡ ദേവിയെ ആണ്. ദുർഗാദേവിയുടെ വിവാഹരൂപമാണ് ചന്ദ്രഖണ്ഡ ദേവി. 'ചന്ദ്രക്കലയെ ശിരസ്സിൽ ചൂടിയവൾ' എന്നാണ് ദേവിയുടെ ചന്ദ്രഖണ്ഡ എന്ന പേരിൻ്റെ അര്‍ത്ഥം.

ഭക്തരോട് ദേവി അതിസൗമ്യയായാണ് സാന്നിധ്യമരുളുക. എങ്കിലും കോപം വന്നാൽ ഉഗ്രസംഹാരിണിയാകും. ധീരതയും സൗന്ദര്യവും ഒത്തിണങ്ങിയ സ്വര്‍ണവര്‍ണമുള്ള രൂപമാണ് ചന്ദ്രഖണ്ഡ ദേവി. ത്രിനേത്രങ്ങളും ആയുധമേന്തിയ പത്തുകൈകളും ചന്ദ്രഖണ്ഡ ദേവിയ്ക്കുണ്ട്. കടുവയാണ് ചന്ദ്രഖണ്ഡ ദേവിയുടെ വാഹനം.

സർവാഭീഷ്ട വരദായിനിയായ ദേവിയെ ധ്യാനിക്കുന്നതിലൂടെ പോസിറ്റീവ് എനര്‍ജിയും ഊ‍ര്‍ജ്ജവും ഭക്തരിൽ നിറയും. മുല്ലപ്പൂവാണ് ഇഷ്ട പുഷ്പം. ഹൈന്ദവവിശ്വാസപ്രകാരം ചന്ദ്രഖണ്ഡ ദേവിയാണ് ശുക്രനെ നിയന്ത്രിക്കുന്നത്.