ഇഷ്ടഭഗവാനെ എത്ര തവണ പ്രദക്ഷിണം ചെയ്യണം?

ക്ഷേത്ര ദർശന സമയത്ത് ഇഷ്ടഭഗവാനെ എത്ര തവണ പ്രദക്ഷിണം ചെയ്യണം എന്നത് കൃത്യമായി അറിയാവുന്നവര്‍ വിരളമാണ്. പ്രദക്ഷിണത്തിന്‍റെ കണക്ക് തെറ്റിച്ചാൽ ഫലത്തിന് പകരം അത് ദോഷമായിരിക്കും സമ്മാനിക്കുക എന്നറിയാമോ. ക്ഷേത്രത്തിലെ പ്രധാന ആചാരമായ പ്രദക്ഷിണം ഗണപതിക്ക് ഒന്നു മാത്രം മതിയാകും. ചിലയിടത്ത് മൂന്ന് പ്രദക്ഷിണം വേണമെന്ന് പറയുന്നതിൽ അടിസ്ഥാനമില്ല.

നവഗ്രഹത്തിൽ സൂര്യന് ഒന്ന് എന്ന കണക്കിൽ 9 ഗ്രഹങ്ങൾക്കും കൂടി 9 പ്രദക്ഷിണം വെയ്ക്കണം. ഭദ്രകാളിക്ക് 2 പ്രദക്ഷിണവും മഹാവിഷ്ണുവിനും വിഷ്ണുവിന്‍റെ അവതാരങ്ങൾക്കും 4 പ്രദക്ഷിണവുമാണ് കണക്ക്. ശാസ്താവിനും അയ്യപ്പനും 5 പ്രദക്ഷിണവു സുബ്രമണ്യന് 6 പ്രദക്ഷിണവും (ഷൺമുഖൻ) വെയ്ക്കണം.

ദുർഗ്ഗാ ഭഗവതിക്ക് 7 പ്രദക്ഷിണമെന്നതാണ് കണക്ക്, വൃക്ഷരാജനായ അരയാൽ മരത്തിന് 7 പ്രദക്ഷിണവും വെയ്ക്കാം. പരമശിവന് 3 പ്രദക്ഷിണം വേണം വെയ്ക്കാൻ, എന്നാൽ ഇക്കാര്യത്തിൽ ഒരു കാര്യം ശ്രദ്ധിക്കണം , ഓവ് മുറിച്ച് കടക്കാതെ പുറകോട്ട് വന്ന് പ്രദക്ഷിണമായി ഓവിന്‍റെ മറുവശത്ത് വന്ന് വീണ്ടും പ്രദക്ഷിണമായി പ്രദക്ഷിണം ചെയ്താണ് ശിവപ്രദക്ഷിണ രീതിയെന്ന് അറിയുക. ശിവചൈതന്യത്തെ മുറിച്ച് കടക്കാൻ പാടില്ലെന്നും ഇങ്ങനെ മാത്രമേ ശിവന് പ്രദക്ഷിണം പാടുള്ളൂ എന്നുമാണ് ആചാരം. ഈ ആചാരം പിന്തുടേണ്ടാത്തതായിട്ടുള്ള ശിവക്ഷേത്രങ്ങളും നിലവിലുണ്ട് എന്നും അറിഞ്ഞുവെച്ചോളൂ.