Vastu for Main Entrance Steps: വീട്ടിലെ പടികളുടെ എണ്ണം എത്രയാണ്? അവിടെയാണ് ലാഭവും നഷ്ടവും

നമ്മുടെ വീടുകളിലെ പടികളുടെ എണ്ണത്തിനു പിന്നിൽ ചില ശാസ്ത്രങ്ങളുണ്ട്. ചിലര്‍ പടികളുടെ എണ്ണത്തിൽ ശ്രദ്ധ കൊടുക്കാതെ വീട് പണിയും. ഇതിനുശേഷം പൊളിച്ച് വീണ്ടും പണിയും. ഇതിനു പിന്നിലെ ശാസ്ത്രം മനസിലാക്കിയാൽ ഇത്തരം പ്രവര്‍ത്തികളെ ഒഴിവാക്കാൻ സാധിക്കും.

വാസ്തു ശാസ്ത്ര വിധി പ്രകാരം പടികളുടെ എണ്ണം ഇപ്പോഴും ഇരട്ട സഖ്യ ആയിരിക്കണം. ഗൃഹത്തിൻ്റെ ഭൂമിയിൽ നിന്ന് തറ ഉയരത്തിൻ്റെ മധ്യത്തിൽ തടസമായി പടി വരാതിരിക്കാനാണ് ഇരട്ട സഖ്യആയിരിക്കണമെന്ന് പറയുന്നത്. ലാഭം, നഷ്ടം,ലാഭം എന്ന് എണ്ണി പടികളെ നിരീക്ഷിക്കുക. ഉദാഹരണം ആദ്യ പടി ലാഭവും, രണ്ടാം പടി നഷ്ടവും പിന്നീട് തറയിലേക്ക് ലാഭവുമായി കണക്കാക്കുന്നു.

വീട്ടിലേക്കുള്ള പടികള്‍ ഒരിക്കലും ഒറ്റ സംഖ്യയിൽ അവസാനിക്കരുത്. ഒറ്റ സംഖ്യയിലുള്ള പടികള്‍ വീടിന് ദോഷകരമാണ്. ഇത് സാമ്പത്തിക നഷ്ടം ഉണ്ടാക്കാൻ കാരണമാകും.വീട്ടിലെ താഴത്തെ നിലയിൽ നിന്ന് മുകളിലത്തെ നിലയിലേക്ക് കയറുന്ന പടികളുടെ എണ്ണവും ഇത്തരത്തിലായിരിക്കണം. വലതുകാൽ വച്ച് തുടങ്ങുന്നുവ വലതുകാൽ വച്ച് തന്നെ അവസാനിക്കുക എന്നതാണ് ഇതിന് പിന്നിലെ തത്വം.