സൂര്യ ഗ്രഹണം നഗ്ന നേത്രങ്ങളാൽ നോക്കുന്നത് കണ്ണിനെ ദോഷകരമായി ബാധിക്കും. കാഴ്ച്ച പൂർണമായും നഷ്ടമാകുന്ന അവസ്ഥ വരെയുണ്ടാകാം. ഗ്രഹണ സമയത്ത് പ്രവഹിക്കുന്ന ശക്തിയേറിയ രശ്മികൾ റെറ്റിനയിലെ കോശങ്ങളെ സാരമായി ബാധിക്കുന്നതിനാലാണ് ഇത്.
സൂര്യഗ്രഹണ സമയത്ത് പ്രവഹിക്കുന്ന രശ്മികള്ക്ക് വളരെയേറെ ശക്തിയാണ് ഉള്ളത്. ഇത് റെറ്റിനയിലെ കോശങ്ങള്ക്ക് പല തരത്തിലുള്ള പ്രശ്നങ്ങള് ഉണ്ടാക്കും. ചിലപ്പോള് സ്ഥിരമായ കാഴ്ച്ചാ പ്രശ്നങ്ങള് ഇത് മൂലമുണ്ടാകാം. എന്നാല് വളരെ സുരക്ഷിതമായ രീതിയില് സൂര്യഗ്രഹണ സമയത്ത് സൂര്യനെ നോക്കാന് ചില മാര്ഗ്ഗങ്ങള് ഉണ്ട്. കണ്ണിനെ സംരക്ഷിച്ചുകൊണ്ട് തന്നെ സൂര്യഗ്രഹണം കാണാം, എങ്ങനെയെന്ന് നോക്കാം.
• പ്രത്യേക ഗ്ലാസ്സ് ഉപയോഗിക്കുക
അൾട്രാ വയലറ്റ് രശ്മികളെ തടയാൻ കഴിവുള്ള ഗ്ലാസ്സുകൾ ഉപയിഗിച്ചുകൊണ്ട് ഗ്രഹണം കാണാൻ ശ്രമിക്കുക. എന്നാല് ഗ്ലാസ്സ് തിരഞ്ഞെടുക്കുമ്പോള് ശ്രദ്ധിക്കേണ്ട ചില കാര്യങ്ങളുണ്ട്.
• ഗ്ലാസ്സില് പോറലുണ്ടാവരുത്
• പൊട്ടിയ ഗ്ലാസ്സ് ആയിരിക്കരുത്
• പഴയ ഗ്ലാസ്സ് ആയിരിക്കരുത്
സൂര്യ ഗ്രഹണത്തിന് ശേഷം :
സൂര്യ ഗ്രഹണത്തിന് ശേഷം ഗ്ലാസ് മാറ്റി ഉടൻ തന്നെ ആകാശത്തേയ്ക്ക് നോക്കാൻ ശ്രമിക്കരുത്. ഇതും നിങ്ങളുടെ കാഴ്ചയെ ദോഷകരമായ രീതിയിൽ ബാധിക്കും.
എളുപ്പ വഴികൾ വേണ്ട :
സൂര്യ ഗ്രഹണം കാണാൻ ശരിയായ മാർഗങ്ങൾ മാത്രം ഉപയോഗിക്കുക. കൃത്യമായ മാര്ഗ്ഗത്തിലൂടെ അല്ലാതെ കാമറ, ടെലസ്കോപ്, മറ്റ് ഉപകരണങ്ങള് എന്നിവ ഉപയോഗിച്ച് ഒരിക്കലും സൂര്യഗ്രഹണസമയത്ത് സൂര്യനെ നോക്കരുത്. കൃത്യമായി ലെന്സെല്ലാം ഘടിപ്പിച്ച ശേഷം മാത്രം ഗ്രഹണ കാഴ്ച്ച കാണുക. സൂര്യഗ്രഹണ സമയത്തെ ശക്തിയേറിയ സൂര്യ രശ്മി കണ്ണിനു മാത്രമല്ല കൃത്യമായ രീതിയിലല്ലെങ്കില് ക്യാമറക്കും ലെന്സിനും ടെലസ്കോപ്പിനും വരെ പ്രശ്നമുണ്ടാക്കും.
കണ്ണട ധരിക്കുന്നവരോട് :
കണ്ണട ധരിക്കുന്നവർ അതിന് മുകളിൽ സോളാർ ഗ്ലാസ് ധരിക്കേണ്ടതാണ്. അതിന് ശേഷം മാത്രമേ ഗ്രഹണം കാണാൻ ശ്രമിക്കാവൂ