പന്ത്രണ്ട് കൂറുകാർക്കും ഈ വാര, എങ്ങനെയെന്ന് വിശദമായി വായിക്കാം.
മേടം (അശ്വതി, ഭരണി, കാർത്തിക ¼)
തൊഴിൽ രംഗത്ത് മുന്നേറാൻ മേടക്കൂറുകാർക്ക് ധാരാളം അവസരങ്ങൾ ലഭിക്കും. ആഴ്ചയുടെ തുടക്കത്തിൽ തന്നെ സുഹൃത്തിന്റെയോ സ്വാധീനമുള്ള ഒരു വ്യക്തിയുടെയോ സഹായത്താൽ ലാഭകരമായ പദ്ധതികളുടെ ഭാഗമാകാൻ സാധിക്കും. സർക്കാർ സഹായത്തോടെ ആഗ്രഹിച്ച നേട്ടങ്ങൾ കൈവരിക്കാൻ സാധിച്ചേക്കും. അധിക വരുമാന സ്രോതസ്സുകളിലൂടെ സാമ്പത്തിക നില മെച്ചപ്പെടുത്താൻ സാധിക്കും. ഭൂമി, വീട് തുടങ്ങിയവ സംബന്ധിച്ച ഇടപാടുകൾ നടത്താൻ സാധ്യതയുണ്ട്. ആഡംബര കാര്യങ്ങൾക്കായി ഈ ആഴ്ച കൂടുതൽ പണം ചെലവാക്കിയേക്കും. പ്രണയ ജീവിതവും ദാമ്പത്യ ജീവിതവും സന്തോഷത്തോടെ മുമ്പോട്ട് പോകും.
ഇടവം (കാർത്തിക ¾, രോഹിണി, മകയിരം ½)
ഏറെ നാളായി തൊഴിൽ അന്വേഷിച്ചിരുന്നവർക്ക് ഈ ആഴ്ച അനുകൂലമായ വാർത്ത ലഭിക്കുന്നതാണ്. ജോലി സ്ഥലത്തും ബിസിനസ് രംഗത്തും അനുകൂലമായ മാറ്റങ്ങൾ ഉണ്ടാകും. അപ്രതീക്ഷിത ലാഭം ഉണ്ടാകും. ഈ ആഴ്ച നിങ്ങൾക്ക് ചെറിയ ആരോഗ്യ പ്രശ്നങ്ങൾ ഉണ്ടാകാൻ സാധ്യതയുള്ളതിനാൽ ശ്രദ്ധിക്കുക. മംഗളകരമായ കാര്യങ്ങൾക്കായി കുറച്ച് പണം ചെലവാക്കിയേക്കാം. വളരെക്കാലത്തിനു ശേഷം പ്രിയപ്പെട്ട ഒരാളെ കണ്ടുമുട്ടും. പ്രണയ ജീവിതത്തിലെ പ്രശ്നങ്ങൾ ഒരു സ്ത്രീ സുഹൃത്തിന്റെ സഹായത്തോടെ പരിഹരിക്കും. ചില പ്രധാന തീരുമാനങ്ങൾ എടുക്കുമ്പോൾ കുടുംബാംഗങ്ങളുടെ പൂർണ്ണ പിന്തുണ ലഭിക്കുന്നത് വലിയ ആശ്വാസമാകും.
മിഥുനം (മകയിരം ½, തിരുവാതിര, പുണർതം ¾)
റിയൽ എസ്റ്റേറ്റ്, മാർക്കറ്റിങ് തുടങ്ങിയ മേഖലകളിൽ ജോലി ചെയ്യുന്നവർക്ക് അനുകൂല സമയമാണ്. ഈ വാരം ചില മംഗളകരമായ ചടങ്ങുകളിൽ പങ്കെടുക്കാൻ സാധിച്ചേക്കും. എല്ലാ കാര്യങ്ങളിലും മതപതാക്കൾ ഉൾപ്പടെയുള്ള കുടുംബാംഗങ്ങളുടെ പൂർണ്ണ പിന്തുണ ഉണ്ടാകും. പരീക്ഷകൾക്ക് തയ്യാറെടുക്കുന്ന വിദ്യാർത്ഥികൾക്ക് ഈ ആഴ്ച ശുഭകരമായിരിക്കും. വിദേശത്ത് ജോലി ചെയ്യുന്നവർക്കും ഗുണകരമായ സമയമാണ്. മനസ്സിൽ തോന്നിയ പ്രണയം തുറന്ന് പറയാവുന്നതാണ്. ദാമ്പത്യവും സന്തോഷകരമായി മുമ്പോട്ട് പോകും.
കർക്കടകം (പുണർതം ¼, പൂയം, ആയില്യം)
ആഴ്ചയുടെ തുടക്കത്തിൽ കുടുംബാംഗങ്ങളുമായോ പ്രിയപ്പെട്ടവരുമായോ അഭിപ്രായവ്യത്യാസങ്ങൾ ഉണ്ടാകുന്നത് കാരണം മനസ്സ് അൽപ്പം അസ്വസ്ഥമാകും. പങ്കാളിത്ത ബിസിനസിൽ ചില പ്രശ്നങ്ങൾ ഉണ്ടാകാം. എതിരാളികൾ നിങ്ങളുടെ പ്രവർത്തനങ്ങളെ തടസ്സപ്പെടുത്താൻ ശ്രമിച്ചേക്കാം. എടുത്തുചാട്ടത്തിൽ ജോലി ഉപേക്ഷിക്കാൻ ശ്രമിക്കരുത്. വാഹനമോടിക്കുന്നവർ വളരെയധികം ശ്രദ്ധിക്കേണ്ടതുണ്ട്. അപകട സാധ്യത നിലനിൽക്കുന്നു. അധിക വരുമാന സ്രോതസ്സുകളിലൂടെ സാമ്പത്തികനില മെച്ചപ്പെടും. പ്രയാസകരമായ സമയങ്ങളിൽ, പങ്കാളി നിഴൽ പോലെ നിങ്ങളോടൊപ്പമുണ്ടാകും.
ചിങ്ങം (മകം, പൂരം, ഉത്രം ¼)
തീരാതെ കിടന്നിരുന്ന ചില ജോലികൾ ആഴ്ചയുടെ തുടക്കത്തിൽ തന്നെ പൂർത്തിയാക്കാൻ സാധിക്കും. തൊഴിൽ രംഗത്ത് നിങ്ങളുടെ പ്രയത്നത്തിന് തക്കതായ അംഗീകാരം ലഭിക്കും. മതപരമായ പ്രവർത്തനങ്ങളിൽ ഈ വാരം ഏർപ്പെടുന്നതായിരിക്കും. സ്വാധീനമുള്ള വ്യക്തിയെ കണ്ടുമുട്ടുന്നത് ഭാവിയിൽ വലിയ നേട്ടങ്ങൾ നൽകും. കുടുംബജീവിതത്തിലെ പ്രശ്നങ്ങൾ പരിഹരിക്കുകയും ബന്ധുക്കളുമായുള്ള അഭിപ്രായ വ്യത്യാസങ്ങൾ നീങ്ങുകയും ചെയ്യും.
കന്നി (ഉത്രം ¾, അത്തം, ചിത്തിര ½)
സംസാരത്തിലും പെരുമാറ്റത്തിലും വളരെയധികം ശ്രദ്ധിക്കേണ്ടതുണ്ട്. തൊഴിൽ രംഗത്ത് എല്ലാവരുമായും നല്ല ബന്ധം പുലർത്തേണ്ടതുണ്ട്. ജോലികൾ പൂർത്തിയാക്കാൻ കൂടുതൽ കഠിനാധ്വാനം വേണ്ടി വരും. ജീവിതപങ്കാളിയ്ക്കായി അഭിപ്രായ വ്യത്യാസം ഉണ്ടാകാനിടയുണ്ട്. കുടുംബ പ്രശ്നങ്ങൾ ബിസിനസിനെയും ജോലിയെയും ബാധിച്ചേക്കാം. തെറ്റിദ്ധാരണ അകറ്റാൻ തർക്കത്തിന് പകരം ആശയവിനിമയം നടത്തുക. ആഴ്ചയുടെ അവസാനത്തോടെ, ബിസിനസ്സുമായി ബന്ധപ്പെട്ട് ദീർഘദൂരമോ ചെറുതോ ആയ യാത്ര വേണ്ടി വന്നേക്കാം.
തുലാം (ചിത്തിര ½, ചോതി, വിശാഖം ¾)
ഏർപ്പെടുന്ന കാര്യങ്ങളിലെല്ലാം വിജയം നേടാനാകും. മംഗളകരമായ പരിപാടികളിൽ പങ്കെടുക്കാൻ സാധിക്കുന്നതാണ്. കുടുംബത്തോടൊപ്പം സന്തോഷത്തോടെ സമയം ചെലവഴിക്കാൻ ധാരാളം അവസരങ്ങൾ ഉണ്ടാകും. ദീർഘദൂര അല്ലെങ്കിൽ ഹ്രസ്വദൂര യാത്രകളും ഉണ്ടാകാനിടയുണ്ട്. തൊഴിലിലും ബിസിനസ്സിലും ആഴ്ചയുടെ മധ്യത്തിൽ പുരോഗതിക്കുള്ള അവസരങ്ങൾ ഉണ്ടാകും. ജോലി മാറാൻ ആഗ്രഹിക്കുന്നവർക്ക് നല്ല അവസരങ്ങൾ ലഭിക്കുന്നതാണ്. ജോലി ചെയ്യുന്ന സ്ത്രീകൾക്ക് ആഴ്ചയുടെ രണ്ടാം പകുതി അൽപ്പം ബുദ്ധിമുട്ടായിരിക്കും. ഈ സമയത്ത്, ജോലിയും കുടുംബവും സന്തുലിതമാക്കുന്നതിൽ ചില ബുദ്ധിമുട്ടുകൾ നേരിടേണ്ടി വന്നേക്കാം. ആരോഗ്യത്തിലും പ്രത്യേക ശ്രദ്ധ ചെലുത്തേണ്ടതുണ്ട്. സ്നേഹബന്ധങ്ങൾ ദൃഢമാകും, പരസ്പര വിശ്വാസം വർദ്ധിക്കും. ദാമ്പത്യ ജീവിതം സന്തോഷകരമായിരിക്കും.
വൃശ്ചികം (വിശാഖം ¼, അനിഴം, തൃക്കേട്ട)
ഈ ആഴ്ച വൃശ്ചിക രാശിക്കാർക്ക് ഉയർച്ച താഴ്ചകൾ നിറഞ്ഞതായിരിക്കും. സുഹൃത്തുക്കളിൽ നിന്നും മുതിർന്നവരിൽ നിന്നും സഹായ സഹകരണങ്ങൾ ലഭിക്കും. കുടുംബവുമായി ബന്ധപ്പെട്ട ഏത് സുപ്രധാന തീരുമാനവും എടുക്കുന്നതിന് സഹോദരങ്ങളുടെ പൂർണ്ണ പിന്തുണ ഉണ്ടാകും. ബിസിനസ്സിൽ ഏർപ്പെട്ടിരിക്കുന്ന ആളുകൾക്ക് അവരുടെ എതിരാളികളിൽ നിന്ന് കടുത്ത മത്സരം നേരിടേണ്ടി വന്നേക്കാം. സാമ്പത്തിക പ്രതിസന്ധി ഈ കാലയളവിൽ ഉണ്ടാകാനും സാധ്യതയുണ്ട്. കുടുംബത്തിന്റെ സന്തോഷം നിലനിർത്താൻ, നിങ്ങളുടെ ജീവിതപങ്കാളിക്കും കുടുംബത്തിനും വേണ്ടി നിങ്ങളുടെ തിരക്കിൽ നിന്ന് കുറച്ച് സമയം നീക്കിവെക്കുന്നത് നന്നായിരിക്കും.
ധനു (മൂലം, പൂരാടം, ഉത്രാടം ¼)
ജോലികൾ പൂർത്തിയാക്കാനും ആഗ്രഹിച്ച വിജയം നേടാനും സാധിക്കും. എന്നാൽ ഈ വാരം കൂടുതൽ കഠിനാധ്വാനം ചെയ്യേണ്ടി വരും. കുടുംബത്തിൽ ഉണ്ടാകരുന്ന ചില പ്രശ്നങ്ങൾ നിങ്ങളെ വിഷമിപ്പിച്ചേക്കും. കുടുംബത്തിലെ ഒരു സ്ത്രീ അംഗത്തിന്റെ ആരോഗ്യം മോശമാകാനിടയുണ്ട്. ഒപ്പം നിങ്ങളുടെ ആരോഗ്യ കാര്യത്തിലും ശ്രദ്ധ വേണം. ചില ജോലികൾ ഒരു സ്ത്രീയുടെ സഹായത്തോടെ പൂർത്തിയാക്കാൻ സാധിക്കും. പ്രണയ പങ്കാളിയുമായി കൂടുതൽ സമയം ചെലവിടാൻ സാധിക്കും.
മകരം (ഉത്രാടം ¾, തിരുവോണം, അവിട്ടം ½)
ചില പ്രശ്നങ്ങൾക്ക് ഈ ആഴ്ച തന്നെ പരിഹാരം കണ്ടെത്തും. തൊഴിൽ, ബിസിനസ്സ് എന്നിവയുമായി ബന്ധപ്പെട്ട ആശങ്കകൾ നീങ്ങും, ജോലി ചെയ്യുന്ന ആളുകൾക്ക് സഹപ്രവർത്തകരിൽ നിന്ന് പ്രതീക്ഷിക്കുന്ന പിന്തുണ ലഭിക്കും. ജോലിയുമായി ബന്ധപ്പെട്ട് നിങ്ങളുടെ പ്രയത്നത്തിന്റെയും കഠിനാധ്വാനത്തിന്റെയും പൂർണ ഫലം ഈ ആഴ്ച നിങ്ങൾക്ക് ലഭിക്കുന്നതാണ്. പങ്കാളിയുടെ പുരോഗതിയിൽ അഭിമാനം കൊള്ളും. കോടതിയിലുള്ള കേസിൽ തീരുമാനം നിങ്ങൾക്ക് അനുകൂലമായേക്കാം. ആരെങ്കിലും നിങ്ങളെ തെറ്റിദ്ധരിപ്പിക്കാൻ ശ്രമിച്ചേക്കാം. അതിനാൽ ജാഗ്രത കൈവിടരുത്. ആഡംബര കാര്യങ്ങൾക്കായി കൂടുതൽ പണം ചെലവഴിച്ചേക്കും. പ്രണയം വിവാഹ ജീവിതത്തിലേയ്ക്ക് മാറാം. ദാമ്പത്യത്തിൽ വിശ്വാസം ദൃഢപ്പെടും.
കുംഭം (അവിട്ടം ½, ചതയം, പൂരുരുട്ടാതി ¾)
ചില പ്രധാനപ്പെട്ട ജോലികൾ ആഴ്ചയുടെ തുടക്കത്തിൽ തന്നെ ചെയ്ത് തീർക്കാൻ സാധിക്കും. കുടുംബ ജീവിതം സന്തോഷകരമാക്കാനും ശ്രമങ്ങൾ നടത്തും. കുടുംബത്തോടൊപ്പം ദീർഘദൂര യാത്രകൾ പോകാനിടയുണ്ട്. ലാഭകരമായ ചില പദ്ധതികളുടെ ഭാഗമാകാൻ നിങ്ങൾക്ക് കഴിയും. മതപരമായ കാര്യങ്ങളിൽ കൂടുതൽ താല്പര്യം പ്രകടമാക്കുന്നതാണ്. പൊതുപ്രവർത്തകർക്ക് ഈ ആഴ്ച കൂടുതൽ ഉത്തരവാദിത്തങ്ങൾ ലഭിച്ചേക്കാം. പ്രണയ ജീവിതത്തിലും ദാമ്പത്യത്തിലും വിശ്വാസവും സ്നേഹവും ദൃഢമാകും.
മീനം (പൂരുരുട്ടാതി ¼, ഉതൃട്ടാതി, രേവതി)
ലക്ഷ്യങ്ങളിൽ ശ്രദ്ധ കേന്ദ്രീകരിച്ച് പ്രവർത്തിച്ചാൽ വിജയം നേടാം. കാരണം നിങ്ങളുടെ എതിരാളികൾ നിങ്ങളെ ലക്ഷ്യത്തിൽ നിന്ന് വ്യതിചലിപ്പിക്കാൻ ശ്രമിച്ചേക്കാം. വീട്ടിലെ പ്രശ്നങ്ങൾ ജോലി സ്ഥലത്തും ജോലി സ്ഥലത്തെ പ്രശ്നങ്ങൾ വീട്ടിലും പ്രതിഫലിക്കാതിരിക്കാൻ ശ്രദ്ധിക്കണം. ചില പദ്ധതികളിൽ നിക്ഷേപിച്ച പണം ലഭിക്കാൻ കാലതാമസം ഉണ്ടാകും. ഈ ആഴ്ച പണമിടപാടുകളിൽ പ്രത്യേകം ശ്രദ്ധിക്കേണ്ടതുണ്ട്. വരുമാനം കുറവും ചെലവുകൾ കൂടുതലുമാകുന്നത് പിരിമുറുക്കം വർധിപ്പിക്കും. ചെറുകിട വ്യാപാരികൾക്കും ബിസിനസ് രംഗത്തും സാമ്പത്തിക പ്രതിസന്ധി അനുഭവപ്പെട്ടേക്കാം. തൊഴിൽ രംഗത്ത് പുതിയ ഉത്തരവാദിത്തങ്ങൾ നിങ്ങൾക്ക് ലഭിച്ചേക്കാം.