പൂരുരുട്ടാതി അവസാന കാൽ ഭാഗം, ഉതൃട്ടാതി, രേവതി ഇവ ചേർന്ന മീനക്കൂറുകാരുടെ പുതുവർഷഫലം.
ജോലി
ഈ വർഷം, ജോലിയിലും ബിസിനസ്സിലും നിങ്ങൾക്ക് വെല്ലുവിളികൾ നേരിടേണ്ടി വരും. തൊഴിൽ രംഗത്ത് പൊതുവെ സമ്മർദ്ദം കൂടുതലായിരിക്കും. എന്നാൽ മെയ് മാസത്തിന് ശേഷം പുതിയ അവസരങ്ങളോ ഉത്തരവാദിത്തങ്ങളോ നിങ്ങൾക്ക് ലഭിച്ചേക്കാം. ജോലി മാറാൻ ആഗ്രഗിക്കുന്നവർക്ക് അത് സാധിക്കും. പ്രമോഷൻ, സ്ഥലം മാറ്റം എന്നിവ ആഗ്രഹിച്ചവർക്കും അത് സാധിക്കും. തൊഴിൽ രംഗത്ത് പല അഭിപ്രായ വ്യത്യാസങ്ങളുമുണ്ടാകാം.
Also read: കുംഭക്കൂറുകാരുടെ പുതുവർഷഫലം
സാമ്പത്തികം
ബിനിസസിൽ നിന്ന് നേട്ടമുണ്ടാകും. ബിസിനസ് വിപുലീകരിക്കാൻ ആഗ്രഹിക്കുന്നവർ അതിനുള്ള ശ്രമം ആരംഭിക്കും. എന്നാൽ ഇതിനായി വളരെയധികം കഠിനാധ്വാനം ചെയ്യേണ്ടി വരും. വ്യാപാര രംഗത്തെ തെറ്റായ തീരുമാനം ധനനഷ്ടം ഉണ്ടാക്കും. പണമിടപാടുകളിൽ ജാഗ്രത കൈവിടരുത്.
പ്രണയം, കുടുംബം
പ്രണയ ജീവിതം നയിക്കുന്നവർക്കും കുടുംബ ജീവിതം നയിക്കുന്നവർക്കും മിശ്രിത ഫലങ്ങളുള്ള വർഷമാണ് 2024. ഏത് ബന്ധങ്ങളും വളരെ വിവേകത്തോടെ കൈകാര്യം ചെയ്യേണ്ടതുണ്ട്. സന്താനങ്ങളുടെ വിദ്യാഭ്യാസം, തൊഴിൽ എന്നിവയെക്കുറിച്ച് നിങ്ങൾക്ക് ആശങ്ക നിലനിൽക്കും. സന്താന സൗഭാഗ്യം ഇല്ലാതിരുന്ന ദമ്പതിമാർക്ക് ഈ വർഷം തന്നെ ആഗ്രഹം സഫലമാകും. കുടുംബത്തിൽ പൂർവിക സ്വത്ത് സംബന്ധമായ തർക്കങ്ങൾ നിലനിൽക്കുന്നത് മാനസിക പിരിമുറുക്കം വർധിപ്പിക്കും.
ആരോഗ്യം
ആരോഗ്യത്തിന്റെ കാര്യത്തിൽ, ഈ വർഷം മീനരാശിക്ക് ഉയർച്ച താഴ്ചകൾ നിറഞ്ഞതായിരിക്കും. നിങ്ങളുടെ ഭക്ഷണക്രമത്തിലും ജീവിതശൈലിയിലും ശ്രദ്ധിക്കേണ്ടതുണ്ട്, അല്ലാത്തപക്ഷം ഇത് നിങ്ങളുടെ ആരോഗ്യത്തെ പ്രതികൂലമായി ബാധിച്ചേക്കാം. കാലിന് പരിക്കുകളോ അസ്ഥി സംബന്ധമായ പ്രശ്നങ്ങളോ ഉണ്ടാകാൻ സാധ്യതയുണ്ട്. ഉദരരോഗങ്ങൾക്കും സാധ്യതയുണ്ട്. പിതാവിന്റെയോ വീട്ടിലെ മുതിർന്ന വ്യക്തിയുടെയോ ആരോഗ്യ സംബന്ധമായ പ്രശ്നങ്ങൾ കാരണം നിങ്ങൾക്ക് പണവും സമയവും ചെലവഴിക്കേണ്ടി വന്നേക്കാം.
പ്രതിവിധി
ദോഷങ്ങളകറ്റാൻ മീനക്കൂറുകാർ ശ്രീരാമ രക്ഷാ സ്തോത്രം പാരായണം ചെയ്യണം. ചൊവ്വാഴ്ച്ചകളിൽ ഹനുമാൻ സ്വാമിക്ക് പ്രസാദം നൽകുക. രുദ്രാക്ഷം ധരിക്കണമെങ്കിൽ ഏഴോ എട്ടോ മുഖമുള്ള രുദ്രാക്ഷം ധരിക്കാം.