വിവാഹത്തിന് ഈ നാളുകൾ തമ്മിൽ പൊരുത്തം

വിവാഹത്തിന് നക്ഷത്രപ്പൊരുത്തം നോക്കുന്നത് പല സമുദായങ്ങളിലും ഉള്ളതാണ്. വിവാഹപ്പൊരുത്തം നോക്കുമ്പോൾ 10 പൊരുത്തങ്ങളാണ് ഉള്ളത്. ഇതനുസരിച്ച് ചില നക്ഷത്രങ്ങൾക്ക് മറ്റു ചില നക്ഷത്രങ്ങൾ പൊരുത്തമായി വരും. ഇത് സാമാന്യേന ഉള്ള ഫലമാണ്. ഗ്രഹനിലപ്രകാരം വ്യത്യാസം വരാം. അതായത് താഴെപ്പറയുന്ന അതേ നക്ഷത്രങ്ങളെങ്കിലും നാൾപ്പൊരുത്തമെങ്കിലും ഗ്രഹനിലപ്രകാരം വ്യത്യാസം വരാം.

നക്ഷത്രപ്പൊരുത്തം

ഇതുപോലെ ഇതല്ലാത്ത നക്ഷത്രങ്ങളുമായും ചേർന്ന് വരാം. ഇവിടെ പറയുന്ന സാമാന്യേന ഉത്തമമായ നക്ഷത്രങ്ങളാണ്. ഇതിൽ തന്നെ ഗ്രഹനില പ്രകാരം, ജാതകപ്രകാരം, ജനനസമയപ്രകാരം വ്യത്യാസങ്ങളുണ്ടാകാം. എന്നാൽ ഈ നക്ഷത്രങ്ങൾ തമ്മിൽ പൊരുത്തമുണ്ടെന്നർത്ഥം. ഇതിൽ തന്നെ സ്ത്രീ, പുരുഷ നക്ഷത്രങ്ങൾ എന്നതും പ്രധാനമാണ്. അതായത് സ്ത്രീയ്ക്ക് പറയുന്ന നക്ഷത്രം പുരുഷനും പുരുഷന് പറയുന്നത് സ്ത്രീയ്ക്കുമെങ്കിലും വ്യത്യാസമുണ്ടാകാം.
Also read: ഈ നക്ഷത്രങ്ങള്‍ വിവാഹം ചെയ്താല്‍ ദോഷഫലം

ഈ നക്ഷത്രക്കാർ

മധ്യമരഞ്ചുദോഷങ്ങളിൽ വരുന്ന ഒൻപത് നക്ഷത്രങ്ങളിൽ ഒന്നാണ് അശ്വതി. അശ്വതി സ്ത്രീ നക്ഷത്രവും പുരുഷനക്ഷത്രം അനിഴവും ചേർന്ന് വരും. ഭരണിയ്ക്ക് ചേരുന്ന പുരുഷനക്ഷത്രമാണ് വിശാഖം നക്ഷത്രം. മകയിരത്തിന് മൂലവും സാമാന്യേന നക്ഷത്രപ്പൊരുത്തമാണ്. തിരുവാതിരയ്ക്ക് സാമാന്യേന അഞ്ച്, ആറ് പൊരുത്തത്തിൽ കൂടുതൽ ഉത്രാടം നക്ഷത്രമാണ്. പൂയം നക്ഷത്രത്തിൽ ജനിച്ച സ്ത്രീകൾക്ക് രേവതി നക്ഷത്രം സാമാന്യപ്പൊരുത്തമാണ്. എന്നാൽ ഗ്രഹനില പരിശോധിയ്ക്കുമ്പോൾ വ്യത്യാസമുണ്ടാകാം.

ഇക്കൂട്ടരുടെ പൊരുത്തം

ഇതുപോലെ ഉത്രം സ്ത്രീയും രേവതി പുരുഷനക്ഷത്രവുമെങ്കിൽ നക്ഷത്രപ്പൊരുത്തമുണ്ട്. അനിഴം നക്ഷത്രത്തിന് പൂയം ചേർന്ന് വരുന്നു. തിരുവോണത്തിന് അത്തം നക്ഷത്രമാണ്. എന്നാൽ ഇവ അനുജന്മ നക്ഷത്രംകൂടിയാണ്. ഇതിനാൽ ഗ്രഹനിലപ്പൊരുത്തം നോക്കേണ്ടത് അത്യാവശ്യമാണ്. അവിട്ടത്തിന് ചോതി ഉത്തമമായ നക്ഷത്രമാണ്.

ഇത്തരം പൊരുത്തങ്ങൾ സാമാന്യപ്പൊരുത്തം, അതായത് പൊതുഫലമാണ്. ഓരോരുത്തർക്കും വരുന്ന കൃത്യമായ പൊരുത്തങ്ങൾ വിദഗ്ധനായ ജ്യോതിഷനെക്കൊണ്ട് പരിശോധിപ്പിച്ച് തീരുമാനിയ്‌ക്കേണ്ട ഒന്നാണ്.