ഹീറോ മോട്ടോകോർപ്പിന്റെ ഇരുചക്രവാഹന നിരയിലെ ഓഫ്റോഡിങ്ങ് സ്വഭാവമുള്ള ബൈക്ക് ആണ് എക്സ്പൾസ്. അത്യാവശ്യം ഓഫ്റോഡിങ് യാത്രകൾക്ക് പറ്റിയ എക്സ്പ്ൾസ് കഴിഞ്ഞ വർഷം മെയ് മാസത്തിലാണ് ഇന്ത്യൻ വിപണിയിലെത്തിയത്. കർശനമായ ഭാരത് സ്റ്റേജ് 6 മലിനീകരണ നിയന്ത്രണ മാനദണ്ഡങ്ങൾ പാലിക്കുന്ന എക്സ്പ്ൾസിന്റെ പുത്തൻ മോഡൽ ലോഞ്ച് ചെയ്യാനിരിക്കെയാണ് കൊറോണ വൈറസ് ബാധയും ലോക്ക്ഡൗണും വില്ലനായെത്തിയത്. അതെ സമയം ലോക്ക്ഡൗൺ കണക്കിലെടുക്കാതെ ബിഎസ്6 എക്സ്പൾസുമായി ബന്ധപ്പെട്ട വിവരങ്ങൾ ഹീറോ മോട്ടോകോർപ് വെബ്സൈറ്റിൽ വെളിപ്പെടുത്തി.
ബിഎസ്4 ഹീറോ എക്സ്പൾസ് കാർബുറേറ്റഡ്, ഫ്യുവൽ ഇൻജെക്ഷൻ എന്നീ എഞ്ചിനുകളിൽ വാങ്ങാമായിരുന്നെങ്കിൽ ബിഎസ്6 ഹീറോ എക്സ്പൾസ് ഫ്യുവൽ ഇഞ്ചക്ഷനിൽ മാത്രമേ ലഭ്യമാവൂ. ബിഎസ്4 എക്സ്പൾസിന് Rs 1,06,500 രൂപയായിരുന്നു എക്സ്-ഷോറൂം വില. പുത്തൻ മോഡലിന് 10,000 രൂപ വർദ്ധിച്ച് Rs 1,16,500 ആവാനാണ് സാദ്ധ്യത.
പുതിയ FZ 25 ലോഞ്ചിന് തയ്യാർ, ടീസർ പുറത്തുവിട്ട് യമഹ
18 എച്പി പവറും 17.1 എന്എം ടോർക്കും നിർമിക്കുന്ന 199.6 സിസി, എയര് കൂള്ഡ് സിംഗിള് സിലിണ്ടര് എന്ജിനാണ് എക്സ്പൾസിനെ ചലിപ്പിച്ചിരുന്നത്. ഇതേ എൻജിൻ ബിഎസ്6 പരിഷ്ക്കാരങ്ങൾക്ക് ശേഷം 17.8 ബിഎച്പി പവറും 16.4 എൻഎം ടോർക്കും ആണ് ഉത്പാദിപ്പിക്കുന്നത്. പവറിലും ടോർക്കിലും കുറവ് വന്നിട്ടുണ്ട് എന്ന് മാത്രമല്ല ഭാരം 3 കിലോഗ്രാം കൂടി പുത്തൻ മോഡലിന് 157 കിലോഗ്രാം ആണ്.
3 ഹാർലി സ്ട്രീറ്റ് 750-യുടെ വില! ഇത് ഒരൊന്നൊന്നര റോയൽ എൻഫീൽഡ്
ഡിസൈനിലോ ബാക്കി ഫീച്ചറുകളിലോ ബിഎസ്4 എക്സ്പൾസും ബിഎസ്6 എക്സ്പൾസും തമ്മിൽ വ്യത്യാസമില്ല. വൈറ്റ്, മാറ്റ് ഗ്രീൻ, മാറ്റ് ഗ്രേ, സ്പോർട്സ് റെഡ്, പാന്തർ റെഡ് ഇനീ നിറങ്ങളിലാണ് തുടർന്നും എക്സ്പൾസ് വില്പനയിലുണ്ടാവുക.
കൂടുതൽ ഓഫ്റോഡിങ്ങിന് റാലി കിറ്റ്
റാലീയിങ് സീരിയസ് ആയി പരിഗണിക്കുന്നവർക്ക് എക്സ്പൾസിൻ്റെ ഓഫ്റോഡ് സ്വഭാവം വർദ്ധിപ്പിക്കാൻ റാലി കിറ്റും ഹീറോ ഈയിടെ അവതരിപ്പിച്ചിരുന്നു. 38,000 രൂപ കൂടുതൽ നൽകി ഈ കിറ്റ് വാങ്ങാം. ഹീറോയുടെ ഇന്ത്യയിലെ ജയ്പ്പൂരിൽ പ്രവർത്തിക്കുന്ന റിസർച് ആൻഡ് ഡെവലപ്മെന്റ് ഹബ്ബിൽ വികസിപ്പിച്ചെടുത്ത കിറ്റിൽ ട്രാവൽ കൂടിയ സസ്പെൻഷൻ (Rs 25,000), ഓഫ്-റോഡിങ്ങിന് അനുയോജ്യമായ മാക്സിസ് ടയറുകൾ (Rs 10,000), ഹാൻഡിൽ ബാറിന്റെ ഉയരം കൂട്ടാൻ റൈസർ (Rs 500), ഓഫ്-റോഡിങ്ങിന് അനുയോജ്യമായ ഫ്ലാറ്റ് സീറ്റ് (Rs 2,500), ഓഫ്-റോഡിങ് ബൂട്ടുകൾ നല്ല ഗ്രിപ്പ് കിട്ടുന്നവിധം നീളം കൂടിയ ഗിയർ പെഡൽ എന്നിവയടങ്ങുന്നു.250 എംഎം ട്രാവലുള്ള മുൻ സസ്പെൻഷനും 220 എംഎം ട്രാവലുള്ള പിൻ സസ്പെൻഷനും ചേർന്ന് റാലി കിറ്റ് ഘടിപ്പിച്ച എക്സ്പൾസിന്റെ ഗ്രൗണ്ട് ക്ലിയറൻസ് വർദ്ധിപ്പിക്കും.