ഈ വർഷത്തിന്റെ തുടക്കത്തിലാണ് (ജനുവരി 8) റോയൽ എൻഫീൽഡ് തങ്ങളുടെ ബൈക്ക് നിരയിലെ ഏറ്റവും ഡിമാന്റുള്ള മോഡലുകളിലൊന്നായ ക്ലാസിക് 350-യെ ഭാരത് സ്റ്റേജ് 6 മലിനീകരണ നിയന്ത്രണ മാനദണ്ഡങ്ങൾക്കനുസരിച്ച് പരിഷ്കരിച്ച് വിപണിയിലെത്തിച്ചത്. പരിഷ്കരിച്ച എൻജിനോടൊപ്പം ചില ബൈക്ക് ഘടകങ്ങൾക്കും പുത്തൻ മോഡലിൽ മാറ്റമുണ്ട്. ബിഎസ്4 ക്ലാസിക് 350 ഒമ്പതോളം നിറങ്ങളിൽ വില്പനയിലുണ്ടായിരുന്നപ്പോൾ ജനുവരിയിൽ ലോഞ്ച് ചെയ്തപ്പോൾ പുത്തൻ ക്ലാസിക് 350 ആറ് നിറങ്ങളിൽ മാത്രമാണ് വില്പനക്കെത്തിയിരുന്നത്. അതെ സമയം ഇപ്പോൾ പുത്തൻ ക്ലാസിക് 350 പത്തോളം നിറങ്ങളിൽ ലഭ്യമാണ്. വിലക്കുറവുള്ള സിംഗിൾ ചാനൽ എബിഎസ് മോഡലുകളുടെ വരവാണ് വേരിയന്റുകളുടെ എണ്ണം വർദ്ധിപ്പിച്ചത്.
കളർ | എബിഎസ് | എക്സ്-ഷോറൂം വില | ഓൺറോഡ് വില |
മെർക്കുറി സിൽവർ | സിംഗിൾ-ചാനൽ | Rs 1,58,324 | Rs 1,84,662 |
പ്യുർ ബ്ലാക്ക് | സിംഗിൾ-ചാനൽ | Rs 1,58,324 | Rs 1,84,662 |
റെഡിച്ച് റെഡ് | സിംഗിൾ-ചാനൽ | Rs 1,58,324 | Rs 1,84,662 |
ചെസ്റ്റ്നട്ട് റെഡ് | സിംഗിൾ-ചാനൽ | Rs 1,58,324 | Rs 1,84,662 |
ക്ലാസിക് ബ്ലാക്ക് | ഡ്യുവൽ-ചാനൽ | Rs 1,66,315 | Rs 1,66,315 |
ഗൺമെറ്റൽ ഗ്രേ (സ്പോക്ക്) | ഡ്യുവൽ-ചാനൽ | Rs 1,68,166 | Rs 1,95,675 |
ഗൺമെറ്റൽ ഗ്രേ (അലോയ്) | ഡ്യുവൽ-ചാനൽ | Rs 1,79,968 | Rs 2,088,81 |
സിഗ്നൽസ് സ്റ്റോംറൈഡർ സാൻഡ് | ഡ്യുവൽ-ചാനൽ | Rs 1,76,586 | Rs 2,050,97 |
സിഗ്നൽസ് എയർബോൺ ബ്ലൂ | ഡ്യുവൽ-ചാനൽ | Rs 1,76,586 | Rs 2,050,97 |
ക്രോം | ഡ്യുവൽ-ചാനൽ | Rs 1,83,237 | Rs 2,12,438 |
സ്റ്റെൽത്ത് ബ്ലാക്ക് | ഡ്യുവൽ-ചാനൽ | Rs 1,83,237 | Rs 2,12,438 |
കിടിലൻ വില! റെട്രോ-ലുക്കിൽ ഹസ്ക്വര്ണ ബൈക്കുകൾ എത്തി
2020 റോയൽ എൻഫീൽഡ് ക്ലാസിക് 350 ബിഎസ്6
ഇതുവരെ വില്പനയിലുണ്ടായിരുന്ന ബിഎസ്4 ക്ലാസിക് 350-യെ ചലിപ്പിച്ചിരുന്ന 346 സിസി, സിംഗിൾ സിലിണ്ടർ, എയർ-കൂൾഡ് എൻജിൻ, കാർബുറേറ്ററിന് പകരം ഫ്യുവൽ ഇൻജെക്ഷൻ സാങ്കേതിക വിദ്യ കൂട്ടിച്ചേർത്താണ് ബിഎസ്6 മാനദണ്ഡങ്ങൾക്കനുസരിച്ച് പരിഷ്കരിച്ചത്. കാർബുറേറ്റഡ് എൻജിൻ 19.8 ബിഎച്ച്പി പവർ ഉത്പാദിപ്പിച്ചിരുന്നപ്പോൾ ബിഎസ്6 എൻജിനിൽ പവർ ഒരല്പം കുറവാണ്, 19.1 ബിഎച്പി. ടോർക്ക് മാറ്റമില്ലാതെ 28 എൻഎമ്മിൽ തുടരുന്നു. 5-സ്പീഡ് ട്രാൻസ്മിഷൻ തന്നെയാണ് പുത്തൻ ക്ലാസിക് 350-യിലും.
ബജാജ് ഡോമിനാർ 250 എത്തി; ഡോമിനാർ 400-നേക്കാൾ 30,000 രൂപ കുറവ്
സ്റ്റെൽത്ത് ബ്ലാക്ക്, ഗൺമെറ്റൽ ഗ്രേ നിറങ്ങളിലുള്ള പുത്തൻ മോഡലിൽ സ്റ്റാൻഡേർഡായി നൽകിയിരിക്കുന്ന അലോയ് വീലുകളും ട്യൂബ്ലെസ്സ് ടയറുകളും കൂടാതെ ഓക്സിജൻ സെൻസർ, ബെൻഡ് പൈപ്പിൽ കാറ്റലറ്റിക് കൺവെർട്ടർ, വലിപ്പം കൂടിയ ഹീറ്റ് പ്രൊട്ടക്ടറുള്ള എക്സ്ഹോസ്റ്റ് മഫ്ലർ എന്നിവയാണ് പുത്തൻ ക്ലാസിക് 350-യിലെ വേറെ മാറ്റങ്ങൾ.