2020 വെസ്പ VXL, SXL സ്കൂട്ടറുകൾ എത്തി; വില 1.10 ലക്ഷം മുതൽ

ഇറ്റാലിയൻ ലൈഫ്സ്റ്റൈൽ സ്കൂട്ടർ നിർമ്മാതാക്കളായ വെസ്പ പുത്തൻ VXL, SXL സ്കൂട്ടറുകൾ വില്പനക്കെത്തി. ഇതുവരെ വില്പനയിലുണ്ടായിരുന്ന പോലെ തന്നെ 2020 വെസ്പ VXL, SXL സ്കൂട്ടറുകളും 125 സിസി, 150 സിസി എന്നിങ്ങനെ രണ്ട് എൻജിൻ ഓപ്ഷനുകളിൽ തന്നെയാണ് വില്പനക്കെത്തിയിരിക്കുന്നത്.

2020 വെസ്പ VXL 125 മോഡലിന് Rs 1.10 ലക്ഷവും, SXL 125-ന് Rs 1.14 ലക്ഷവുമാണ് എക്‌സ്-ഷോറൂം വില. അതെ സമയം ഡിസ്പ്ലേസ്മെന്റ് കൂടിയ എഞ്ചിനുള്ള 2020 വെസ്പ VXL 150 മോഡലിന് Rs 1.22 ലക്ഷവും, SXL 150 മോഡലിന് Rs 1.27 ലക്ഷവുമാണ് എക്‌സ്-ഷോറൂം വില.

2020 വെസ്പ VXL, SXL സ്കൂട്ടറുകൾ ഫേസ്-ലിഫ്റ്റ് മോഡലുകളാണ് എന്ന് മാതൃകമ്പനിയായി പിയാജിയോ അവകാശപ്പടുന്നുണ്ടെങ്കിലും കാഴ്ചയിലുള്ള വ്യത്യസ്തനാണ് വളരെ ചുരുക്കമാണ്. എൽഇഡി ഹെഡ്ലൈറ്റ്, ഡേടൈം റണ്ണിങ് ലാമ്പുകൾ, യുഎസ്ബി ചാർജിങ് പോയിന്റ് എന്നിവയാണ് പ്രധാന മാറ്റങ്ങൾ. മോണോകോക്ക് ഫുൾ സ്റ്റീൽ ബോഡിയിൽ തന്നെയാണ് 2020 വെസ്പ VXL, SXL സ്കൂട്ടറുകളുടെയും നിർമാണം. വ്യത്യസ്തമായ നിറങ്ങളിൽ പുത്തൻ വെസ്പ VXL, SXL സ്കൂട്ടറുകൾ തുടർന്നും ലഭ്യമാവും.

Also read: ഏറ്റവും വിലക്കുറവുള്ള ബിഎസ്6 വെസ്പ സ്കൂട്ടർ എത്തി

ഭാരത് സ്റ്റേജ് മലിനീകരണ നിയന്ത്രണ മാനദണ്ഡങ്ങൾ പാലിക്കുന്ന എൻജിൻ തന്നെയാണ് പുത്തൻ വെസ്പ VXL, SXL സ്കൂട്ടറുകളുടെയും സവിശേഷത. 9.9 എച്പി പവറും 9.6 എൻഎം ടോർക്കും ഉത്പാദിപിപ്പിക്കുന്ന 124.45 സിസി സിംഗിൾ സിലിണ്ടർ, ഫ്യുവൽ ഇൻജെക്ടഡ് എൻജിൻ ആണ് 2020 വെസ്പ SXL 125, VXL 125 മോഡലുകളെ ചലിപ്പിക്കുന്നത്. അതെ സമയം വെസ്പ SXL 150, VXL 150 മോഡലുകളിൽ 10.5 എച്ച്പി പവറും 10.6 എൻഎം ടോർക്കും ഉത്പാദിപ്പിക്കുന്ന 149.5 സിസി, സിംഗിൾ സിലിണ്ടർ, ഫ്യുവൽ ഇൻജെക്ടഡ് എൻജിൻ ആണ് പ്രവർത്തിക്കുന്നത്.

Also read: നൊസ്റ്റാൾജിയ കൂട്ടുപിടിച്ച് വെസ്പ റേസിംഗ് സിക്സ്റ്റീസ് വരുന്നു

മോഡൽ അനുസരിച്ച് ആന്റി ലോക്ക് ബ്രേക്കിംഗ് സിസ്റ്റം അല്ലെങ്കിൽ കംബൈൻഡ് ബ്രേക്കിംഗ് സിസ്റ്റം ആണ് വെസ്പ VXL, SXL സ്കൂട്ടറുകൾക്ക്. ട്വിൻ പോട്ട് കാലിഫർ ഡിസ്ക് ബ്രേക്കുകളുമുണ്ട്. വലിപ്പം കൂടിയ ടയറുകൾ ഘടിപ്പിച്ചിരിക്കുന്ന 5 സ്പോക്ക് പെറ്റൽ ഡിസൈൻ അലോയ് വീൽ, ക്രമീകരിക്കാവുന്ന പിൻ സസ്‌പെൻഷൻ എന്നിവയാണ് വെസ്പ VXL, SXL സ്കൂട്ടറുകളിലെ മറ്റുള്ള ശ്രദ്ധേയമായ ഘടകങ്ങൾ.