കഴിഞ്ഞ മാസമാണ് ടിവിഎസ് തങ്ങളുടെ അപ്പാച്ചെ ആർടിആർ ശ്രേണിയിലെ വിലക്കുറവുള്ള ബൈക്കായ ആർടിആർ 160 4Vയെ പരിഷ്കരിച്ച് വില്പനക്കെത്തിച്ചത്. ഒരു മാസം തികയുമ്പോഴേക്കും ആർടിആർ ശ്രേണിയിലെ വല്യേട്ടനായ 200 4Vയുടെയും പരിഷ്കരിച്ച പതിപ്പ് ടിവിഎസ് വില്പനക്കെത്തിച്ചു. 2022 ടിവിഎസ് അപ്പാച്ചെ ആർടിആർ 200 4V എന്നാണ് പേര് എങ്കിലും പുത്തൻ ബൈക്കിലെ മാറ്റങ്ങൾ മുൻവശത്ത് മാത്രമാണ്. കൃത്യമായി പറഞ്ഞാൽ ഹെഡ്ലാംപിൽ മാത്രം. ഹെഡ്ലാംപിന് മുകളിലായി ഇരുവശത്തും സ്ഥാപിച്ച ബൂമറാങ് ശൈലിയിലുള്ള ഡേടൈം റണ്ണിങ് ലാമ്പിന് പകരം പുത്തൻ മോഡലിൽ ഹെഡ്ലാംപിനകത്തായി തിരശ്ചീനമായാണ് ഡേടൈം റണ്ണിങ് ലാംപ് ക്രമീകരിച്ചിരിക്കുന്നത്. ഒപ്പം ഹെഡ്ലാംപിനോട് ചേർന്നുള്ള ഫെയറിങ്ങും മഠം വരുത്തിയിട്ടുണ്ട്. 2020 മോഡലുമായി താരതമ്യം ചെയ്യുമ്പോൾ പുത്തൻ മോഡലിന്റെ ഹെഡ്ലാംപ് കൂടുതൽ ആകർഷകമാണ്.
ഡ്രം, ഡിസ്ക് വേരിയന്റുകളിൽ ലഭ്യമായ 2022 ടിവിഎസ് അപ്പാച്ചെ ആർടിആർ 200 4Vയ്ക്ക് യഥാക്രമം 1,33,840 രൂപയും 1,38,890 രൂപയുമാണ് എക്സ്-ഷോറൂം വില. 2021 മോഡലുമായി താരതമ്യം ചെയ്യുമ്പോൾ 775 രൂപയാണ് വർദ്ധിപ്പിച്ചിരിക്കുന്നത്.
ഹെഡ്ലാംപിലെ പരിഷ്കാരം മാറ്റിനിർത്തിയാൽ 2022 ടിവിഎസ് അപ്പാച്ചെ ആർടിആർ 200 4Vയിൽ മാറ്റങ്ങൾ ഒന്നും തന്നെയില്ല. 8,500 ആർപിഎമ്മിൽ 20.2 ബിഎച്ച്പി കരുത്തും 7,500 ആർപിഎമ്മിൽ 16.8 എൻഎം പീക്ക് ടോർക്കും നിർമ്മിക്കുന്ന 197.75cc, സിംഗിൾ-സിലിണ്ടർ, ഫോർ-വാൽവ്, ഓയിൽ-കൂൾഡ് എൻജിനാണ് ബൈക്കിന്. മൂന്ന് റൈഡ് മോഡുകൾ (സ്പോർട്ട്, അർബൻ, റെയിൻ), പ്രീലോഡ്-അഡ്ജസ്റ്റബിൾ ഷോവ ഫ്രണ്ട് സസ്പെൻഷൻ, ഷോവ റിയർ മോണോ-ഷോക്ക്, SmartXonnect ബ്ലൂടൂത്ത് കണക്റ്റിവിറ്റി, ക്രമീകരിക്കാവുന്ന ബ്രേക്കുകളും ക്ലച്ച് ലിവറുകളും എന്നവിവയാണ് മറ്റുള്ള പ്രധാന ഫീച്ചറുകൾ.
ഗ്ലോസ് ബ്ലാക്ക്, പേൾ വൈറ്റ്, മാറ്റ് ബ്ലൂ എന്നീ മൂന്ന് നിറങ്ങളിൽ വാങ്ങാവുന്ന 2022 ടിവിഎസ് അപ്പാച്ചെ ആർടിആർ 200 4V കൊമ്പുകോർക്കുന്നത് ബജാജ് പൾസർ NS200, യമഹ FZ25, ബജാജ് പൾസർ N250, ഹോണ്ട ഹോർനെറ്റ് 2.0 എന്നീ ബൈക്കുകളോടാണ്.
ഡ്രം, ഡിസ്ക് വേരിയന്റുകളിൽ ലഭ്യമായ 2022 ടിവിഎസ് അപ്പാച്ചെ ആർടിആർ 200 4Vയ്ക്ക് യഥാക്രമം 1,33,840 രൂപയും 1,38,890 രൂപയുമാണ് എക്സ്-ഷോറൂം വില. 2021 മോഡലുമായി താരതമ്യം ചെയ്യുമ്പോൾ 775 രൂപയാണ് വർദ്ധിപ്പിച്ചിരിക്കുന്നത്.
ഹെഡ്ലാംപിലെ പരിഷ്കാരം മാറ്റിനിർത്തിയാൽ 2022 ടിവിഎസ് അപ്പാച്ചെ ആർടിആർ 200 4Vയിൽ മാറ്റങ്ങൾ ഒന്നും തന്നെയില്ല. 8,500 ആർപിഎമ്മിൽ 20.2 ബിഎച്ച്പി കരുത്തും 7,500 ആർപിഎമ്മിൽ 16.8 എൻഎം പീക്ക് ടോർക്കും നിർമ്മിക്കുന്ന 197.75cc, സിംഗിൾ-സിലിണ്ടർ, ഫോർ-വാൽവ്, ഓയിൽ-കൂൾഡ് എൻജിനാണ് ബൈക്കിന്. മൂന്ന് റൈഡ് മോഡുകൾ (സ്പോർട്ട്, അർബൻ, റെയിൻ), പ്രീലോഡ്-അഡ്ജസ്റ്റബിൾ ഷോവ ഫ്രണ്ട് സസ്പെൻഷൻ, ഷോവ റിയർ മോണോ-ഷോക്ക്, SmartXonnect ബ്ലൂടൂത്ത് കണക്റ്റിവിറ്റി, ക്രമീകരിക്കാവുന്ന ബ്രേക്കുകളും ക്ലച്ച് ലിവറുകളും എന്നവിവയാണ് മറ്റുള്ള പ്രധാന ഫീച്ചറുകൾ.
ഗ്ലോസ് ബ്ലാക്ക്, പേൾ വൈറ്റ്, മാറ്റ് ബ്ലൂ എന്നീ മൂന്ന് നിറങ്ങളിൽ വാങ്ങാവുന്ന 2022 ടിവിഎസ് അപ്പാച്ചെ ആർടിആർ 200 4V കൊമ്പുകോർക്കുന്നത് ബജാജ് പൾസർ NS200, യമഹ FZ25, ബജാജ് പൾസർ N250, ഹോണ്ട ഹോർനെറ്റ് 2.0 എന്നീ ബൈക്കുകളോടാണ്.