ടിവിഎസ് ഐക്യൂബ്
3.04 kWh ബാറ്ററിയുമായിട്ടാണ് ടിവിഎസ് ഐക്യൂബ് സ്കൂട്ടർ വരുന്നത്. ഒറ്റ ചാർജിൽ 100 കിലോമീറ്റർ വരെ റേഞ്ച് നൽകാൻ ഈ സ്കൂട്ടറിന് സാധിക്കുന്നു. മണിക്കൂറിൽ 78 കിലോമീറ്ററാണ് സ്കൂട്ടറിന്റെ ഉയർന്ന വേഗത. 7 ഇഞ്ച് ടിഎഫ്ടി ടച്ച്‌സ്‌ക്രീൻ ഇൻസ്ട്രുമെന്റ് ക്ലസ്റ്റർ, ബ്ലൂടൂത്ത് കണക്റ്റിവിറ്റി, റിവേഴ്‌സ് മോഡ് തുടങ്ങിയ ഫീച്ചറുകളുമായിട്ടാണ് ഐക്യൂബ് ഇലക്ട്രിക് സ്കൂട്ടർ വരുന്നത്. ഈ ഇലക്ട്രിക്ക് സ്കൂട്ടറിന്റെ എക്സ് ഷോറൂം വില 1.23 ലക്ഷം രൂപയാണ്. യുഎസ്ബി ചാർജിംഗ് പോർട്ടും 32 ലിറ്റർ സ്റ്റോറേജ് കപ്പാസിറ്റിയും സ്കൂട്ടറിലുണ്ട്.
Read More: പേരിലുള്ള സ്പീഡ് ഡെലിവറിയിലില്ല; ട്രയംഫ് സ്പീഡ് 400 വെയിറ്റിങ് പിരീഡ് നാല് മാസമായി ഉയർന്നു
ഒല എസ്1 എയർ
1.10 ലക്ഷം രൂപ എക്സ്-ഷോറൂം വിലയുള്ള ഒല എസ്1 എയർ ഇലക്ട്രിക്ക് സ്കൂട്ടറിൽ 3 kWh ബാറ്ററിയാണ് നൽകിയിട്ടുള്ളത്. ഒറ്റ ചാർജിൽ 125 കിലോമീറ്റർ റേഞ്ച് നൽകാൻ ഈ ഇലക്ട്രിക്ക് വാഹനത്തിന് സാധിക്കും. 4.5 kW മോട്ടോറാണ് വാഹനത്തിലുള്ളത്. ഒല എസ്1 എയറിന്റെ പരമാവധി വേഗത 85 കിലോമീറ്ററാണ്. എൽഇഡി ഹെഡ്‌ലാമ്പ്, 7.0 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, സീറ്റിനടിയിൽ 34 ലിറ്റർ സ്റ്റോറേജ് എന്നിവയും ഈ ഇലക്ട്രിക്ക് സ്കൂട്ടറിലുണ്ട്.
ഐവൂമി എസ്1
ഐവൂമി എസ്1 ഇലക്ട്രിക്ക് സ്കൂട്ടറിന് 84,999 രൂപയാണ് എക്സ്-ഷോറൂം വില. 60V/35 Ah സ്വാപ്പബിൾ ബാറ്ററിയാണ് ഈ സ്കൂട്ടറിൽ ഉള്ളത്. ഈ സ്കൂട്ടർ110 കിലോമീറ്റർ സർട്ടിഫൈഡ് റേഞ്ച് നൽകുന്നു. S1 80, S1 200, S1 240 എന്നീ മൂന്ന് വേരിയന്റുകളിൽ സ്കൂട്ടർ ലഭ്യമാകും. സ്കൂട്ടറിന്റെ പരമാവധി വേഗത 55 kmph ആണ്. ട്രൂ റെഡ്, സ്കാർലറ്റ് റെഡ്, പേൾ വൈറ്റ്, മൂൺ ഗ്രേ, മിഡ്നൈറ്റ് ബ്ലൂ, പീക്കോക്ക് ബ്ലൂ എന്നിങ്ങനെ ആറ് കളർ ഓപ്ഷനുകളിലാണ് ഇലക്ട്രിക് സ്കൂട്ടർ ലഭ്യമാകുന്നത്.
Read More: സിംഹരാജാവ് എഴുന്നള്ളുന്നു; പുതിയ റോയൽ എൻഫീൽഡ് ബുള്ളറ്റ് 350 ആഗസ്റ്റ് 30ന് പുറത്തിറങ്ങും
ഒകിനാവ പ്രെയ്സ് പ്രോ
ഒകിനാവ പ്രെയ്സ് പ്രോ ഇലക്ട്രിക്ക് സ്കൂട്ടറിന് 99,645 രൂപയാണ് എക്സ്-ഷോറൂം വില. 2.08 kWh ബാറ്ററിയാണ് സ്കൂട്ടറിലുള്ളത്. ഒറ്റ ചാർജിൽ 81 കിലോമീറ്റർ വരെ റേഞ്ച് നൽകാൻ ഈ ബാറ്ററിക്ക് സാധിക്കും. 56 കിലോമീറ്റർ പരമാവധി വേഗതയുള്ള ഈ ഇലക്ട്രിക് സ്കൂട്ടറിൽ യുഎസ്ബി ചാർജിംഗ് പോർട്ട്, ടെലിസ്‌കോപ്പിക് സസ്‌പെൻഷൻ, ആന്റി-തെഫ്റ്റ് അലാറമുള്ള സെൻട്രൽ ലോക്കിങ്, റിമോട്ട് കീലെസ് എൻട്രി സിസ്റ്റം തുടങ്ങിയ സവിശേഷതകളുണ്ട്. ഗ്ലോസി സ്പാർക്കിൾ ബ്ലാക്ക്, ഗ്ലോസി റെഡ് ബ്ലാക്ക്, ഗ്ലോസി ബ്ലൂ ബ്ലാക്ക് എന്നിങ്ങനെ മൂന്ന് കളർ ഓപ്ഷനുകളിൽ ഒകിനാവ പ്രെയ്സ് പ്രോ ഇലക്ട്രിക്ക് സ്കൂട്ടർ ലഭ്യമാകും.
ഹീറോ ഇലക്ട്രിക് ഒപ്റ്റിമ സിഎക്സ്
ഹീറോ ഇലക്ട്രിക് ഒപ്റ്റിമ സിഎക്സ് ഇലക്ട്രിക്ക് സ്കൂട്ടറിൽ 51.2V/30Ah ഡ്യുവൽ ബാറ്ററിയാണുള്ളത്. പൂർണമായും ചാർജ് ചെയ്താൽ 140 കിലോമീറ്റർ റേഞ്ച് നൽകുന്ന ബാറ്ററിയാണിത്. മണിക്കൂറിൽ 45 കിലോമീറ്ററാണ് ഈ സ്കൂട്ടറിന്റെ ഉയർന്ന വേഗത. ഒപ്റ്റിമ സിഎക്‌സിൽ ടെലിസ്‌കോപ്പിക് സസ്‌പെൻഷനും 12 ഇഞ്ച് അലോയ് വീലുകളുമുണ്ട്. ചാർജിംഗിനായി യുഎസ്ബി പോർട്ടും സ്കൂട്ടറിലുണ്ട്. 85,190 രൂപ മുതലാണ് ഈ ഹീറോ ഇലക്ട്രിക്ക് സ്കൂട്ടറിന്റെ ഇന്ത്യയിലെ എക്സ് ഷോറൂം വില ആരംഭിക്കുന്നത്. ഗ്രേ, ബ്ലൂ, വൈറ്റ് കളർ ഓപ്ഷനുകളിൽ സ്കൂട്ടർ ലഭ്യമാകും.
Read More: റോയൽ എൻഫീൽഡിനെ തോൽപ്പിക്കാനാവില്ല മക്കളേ; 350 സിസിയിൽ എൻഫീൽഡ് ബൈക്കുകളുടെ സർവ്വാധിപത്യം
