ഇറ്റാലിയൻ പ്രീമിയം ബൈക്ക് നിർമ്മാതാക്കൾ ആയ ഡ്യുക്കാട്ടി തങ്ങളുടെ സ്പോർട്സ് ബൈക്ക് ശ്രേണിയാണ് പാനിഗാലേയിലേക്ക് പുത്തൻ താരത്തെ ഉടൻ അവതരിപ്പിക്കും. 15.30 ലക്ഷം രൂപ വിലയുള്ള 959 പാനിഗാലേയ്ക്ക് പിൻഗാമിയായി പാനിഗാലേ വി2 ആണ് ഉടൻ ഇന്ത്യയിൽ ലോഞ്ച് ചെയ്യുക. കഴിഞ്ഞ വർഷം നവംബറിൽ EICMA മോട്ടോർ ഷോയിൽ ഡ്യുക്കാട്ടി അവതരിപ്പിച്ച ഈ ബൈക്കിന്റെ ബുക്കിങ് ഡുക്കാട്ടി ഇന്ത്യ ആരംഭിച്ചു.
1 ലക്ഷം ആണ് ഡ്യുക്കാട്ടി പാനിഗാലേ വി2-ന്റെ ബുക്കിങ് തുക. ഈ മാസം അവസാനത്തോടെ ഡ്യുക്കാട്ടി പാനിഗാലേ വി2-ന്റെ ഇന്ത്യ ലോഞ്ച് നടക്കും എന്നാണ് പ്രതീക്ഷിക്കുന്നത്. പാനിഗാലേ ശ്രേണിയിലെ തലയെടുപ്പുള്ള താരം ആയ പാനിഗാലേ വി4-ന്റെ കുഞ്ഞനിയൻ എന്ന് ഒറ്റനോട്ടത്തിൽ തന്നെ പറയും വിധമാണ് പാനിഗാലേ വി2 തയ്യാറാക്കിയിരിക്കുന്നത്. അതെ സമയം ഒതുക്കമുള്ള ബോഡി പാനലുകളാണ് പാനിഗാലേ വി2-ന്.
955 സിസി സൂപ്പർക്വാഡ്രോ എൻജിനാണ് പാനിഗാലേ വി2-യ്ക്ക്. ഇതേ എൻജിൻ ആണ് 959 പാനിഗാലേയ്ക്ക് എങ്കിലും ബിഎസ് 6 മലിനീകരണ നീയന്ത്രമാ മാനദണ്ഡങ്ങൾക്ക് അനുസൃതമായി എൻജിൻ പരിഷ്കരിച്ചിട്ടുണ്ട്. ഇതിന്റെ ഭാഗമായി പവർ 5 എച്പി വർദ്ധിച്ചു. 10,750 ആർപിഎമ്മിൽ 155 എച്ച്പി പവറും 9,000 ആർപിഎമ്മിൽ 104 എൻഎം ടോർക്കും ആണ് ഈ എൻജിൻ പാനിഗാലേ വി2-ൽ നിർമിക്കുന്നത്. 6 സ്പീഡ് ഗിയർബോക്സുമായാണ് ഈ എഞ്ചിൻ ബന്ധിപ്പിച്ചിരിക്കുന്നത്.
76 ലക്ഷം രൂപയുടെ ഡ്യുക്കാട്ടി സൂപ്പർബൈക്ക്, ആദ്യ ഉടമ ആരാണെന്നറിയാമോ?
ഫ്രേയിം, സസ്പെൻഷൻ എന്നിങ്ങനെയുള്ള പാനിഗാലേ വി2-ന്റെ സൈക്കിൾ പാർട്സുകളിൽ പാലത്തതും യഥാർത്ഥത്തിൽ 959 പാനിഗാലേയുടെ ഘടകങ്ങൾ പരിഷ്കരിച്ചതാണ്. 43 എംഎം ബിഗ്-പിസ്റ്റൺ മുൻ ഫോർക്കും, സാഷ്സ് മോണോ പിൻ സസ്പെൻഷനുമാണ് ഡ്യുക്കാട്ടി പാനിഗാലേ വി2-യ്ക്ക്.
കറുപ്പിനഴക്! ട്രയംഫ് ബോൺവിൽ T100, T120 ബ്ലാക്ക് എഡിഷൻ എത്തി
6-ആക്സിസ് ഐഎംയു സഹായത്തോടെയുള്ള ഇലക്ട്രോണിക് സ്യൂട്ട് ആണ് പാനിഗാലേ വി2-ലെ പ്രധാന ആകർഷണം. കോർണറിംഗ് എബിഎസ്, ആന്റി വീലി, എഞ്ചിൻ ബ്രേക്ക് കൺട്രോൾ എന്നിവ ഇതിൽ ഉൾപ്പെടുന്നു. റേസ്, സ്പോർട്ട്, സ്ട്രീറ്റ് എന്നിങ്ങനെ മൂന്ന് റൈഡിങ് മോഡുകൾ, പുതിയ 4.3 ഇഞ്ച് കളർ ടിഎഫ്ടി ഇൻസ്ട്രുമെന്റ് എന്നിവയാണ് മറ്റുള്ള ആകർഷണങ്ങൾ. Rs 15.30 ലക്ഷത്തിന് മുകളിൽ വില സ്വാഭാവികമായും ഡ്യുക്കാട്ടി പാനിഗാലേ വി2-യ്ക്ക് ഇന്ത്യയിൽ പ്രതീക്ഷിക്കാം.