അമേരിക്കൻ ആഡംബര ഇരുചക്ര വാഹന നിർമാതാക്കളായ ഹാർലി-ഡേവിഡ്സൺ 2018ലാണ് തങ്ങളുടെ ആദ്യ ഇലക്ട്രിക്ക് ബൈക്ക് ആയ ലൈവ്വയറിനെ അവതരിപ്പിച്ചത്. 2019-ൽ ഹാർലി ഡേവിഡ്സൺ ഇന്ത്യയിൽ പ്രവർത്തനം ആരംഭിച്ച് 10 വർഷം തികഞ്ഞപ്പോൾ ലൈവ്വയറിനെ പ്രദർശിപ്പിക്കുകയും ചെയ്തു. 2020-ൽ ഇന്ത്യയിലും വില്പനക്കെത്തും എന്നായിരുന്നു പ്രതീക്ഷ എങ്കിലും കഴിഞ്ഞ വർഷം അവസാനത്തോടെ ഹാർലി ഇന്ത്യയിലെ പ്രവർത്തനം അവസാനിപ്പിക്കുകയാണ് എന്ന് പ്രഖ്യാപിച്ചതോടെ ലൈവ്വയറിൻ്റെ വരവ് അവതാളത്തിലായി. ഹാർലി-ഡേവിഡ്സൺ ചെയർമാനും, പ്രസിഡന്റും, ചീഫ് എക്സിക്യൂട്ടീവ് ഓഫീസറുമായ ജോചെൻ സീറ്റ്സ് രൂപപ്പെടുത്തിയ 'ദി റീവയർ' തന്ത്രത്തിന് ഭാഗമായാണ് കമ്പനി ഇന്ത്യ വിട്ടത് (ഇന്ത്യ ബിസിനസ് പിന്നീട് ഹീറോ മോട്ടോകോർപ്പ് ഏറ്റെടുത്തു). ഇതേ തന്ത്രത്തിന്റെ ഭാഗമായി ലൈവ്വയർ എന്ന പുത്തൻ ഇലക്ട്രിക്ക് ബൈക്ക് ബ്രാൻഡ് തന്നെ പ്രഖ്യാപിച്ചിരിക്കുകയാണ് ഹാർലി ഡേവിഡ്സൺ. ലൈവ്വയർ ബ്രാൻഡിലുള്ള ഹാർലിയുടെ ആദ്യ ബൈക്ക് ഈ വർഷം ജൂണിലാണ് എത്തുക എന്ന് കമ്പനി വ്യക്തമാക്കി. അതെ സമയം ലൈവ്വയർ ബ്രാൻഡിലുള്ള ഇലക്ട്രിക്ക് ബൈക്കുകളെപ്പറ്റിയുള്ള മറ്റുള്ള വിവരങ്ങൾ കമ്പനി പുറത്ത് വിട്ടിട്ടില്ല.
ഹാർലിയെ കൈപിടിച്ചുയർത്താൻ ഹീറോ; അമരക്കാരനായി മുൻ ഡ്യൂക്കാട്ടി മേധാവി
അതെ സമയം ഇപ്പോൾ പല വിപണികളിലും വില്പനയിലുള്ള ലൈവ്വയർ ബൈക്കിന്റെ വില്പന തുടരാനാണ് ഹാർലി-ഡേവിഡ്സന്റെ പ്ലാൻ. ഇന്ത്യയിൽ ഈ ബൈക്കിന്റെ ലോഞ്ച് ഉണ്ടാകുമോ എന്ന ചോദ്യത്തിന് തത്കാലം ഇല്ല എന്നാണ് ഹാർലി-ഡേവിഡ്സൺ, ഹീറോ മോട്ടോകോർപ് വൃത്തങ്ങൾ നൽകുന്ന സൂചന എന്ന് കാർ ആൻഡ് ബൈക്ക് റിപ്പോർട്ട് ചെയ്യുന്നത്. അതെ സമയം ഭാവിയിൽ വിപണിയുടെ മാറ്റം കണ്ട ലൈവ്വയർ ബ്രാൻഡിലുള്ള ഇലക്ട്രിക്ക് ബൈക്കുകൾ ഇന്ത്യയിലെത്തിയേക്കും.
ഹാർലി-ഡേവിഡ്സൺ ലൈവ്വയർ
ലൈവ്വയറിലേ ഇലക്ട്രിക്ക് ഹൃദയത്തെ ഹാർലി വിളിക്കുന്നത് റെവലേഷൻ എന്നാണ്. ഈ ഇലക്ട്രിക്ക് മോട്ടോർ 15.5 കെവിഎച് ബാറ്റെറിയുമായി ബന്ധിപ്പിച്ചിരിക്കുന്നു. 78Kw അഥവാ 104.6 ബിഎച്ച്പി ശക്തിയാണ് റെവലേഷൻ എൻജിൻ ഉല്പാദിപ്പിക്കുന്നത്. ഇലക്ട്രിക്ക് വാഹനമായതിനാൽ 116 എൻഎം ടോർക് ആക്സിലറേറ്റർ ചെറുതായൊന്നു തിരിക്കുമ്പോൾ തന്നെ കിട്ടും.
പൂജ്യത്തിൽ നിന്ന് 100 കിലോമീറ്റർ ലൈവ്വയറിന് വെറും 3.5 സെക്കന്റ് മതി. അതായതു ഫെറാരിയുടെയും, ലംബോർഗിനിയുടെയും ചില സൂപ്പർ കാറുകൾക്കു വേണ്ട അതെ സമയം മാത്രം. അനൗദ്യോഗിക വിവരമനുസരിച്ച് ഹാർലി ലൈവ്വയറിന്റെ ഉയർന്ന വേഗത 185 കിലോമീറ്ററിൽ പരിമിതപ്പെടുത്തിയിരിക്കുകയാണ്.
ഫുൾചാർജിൽ 234 കിലോമീറ്റർ വരെ സഞ്ചരിക്കാനുള്ള പ്രാപ്തിയുണ്ട് ലൈവ്വയറിന്. നഗര യാത്രകളിൽ 177 കിലോമീറ്റർ വരെ ഒറ്റചാർജിൽ സഞ്ചരിക്കാം എന്ന് ഹാർലി-ഡേവിഡ്സൺ അവകാശപ്പെടുന്നു. ഡിസി ഫാസ്റ്റ്ചാർജിങ് ഉപയോഗിച്ചാൽ ബാറ്ററി മുഴുവനായി ചാർജ് ചെയ്യാൻ ഒരു മണിക്കൂർ മാത്രം മതി.
റിഫ്ലക്സ് ഡിഫെൻസിവ് റൈഡർ സിസ്റ്റം, കോർണറിങ് എബിഎസ്, ട്രാക്ഷൻ കണ്ട്രോൾ, മുന്നിലെ ചക്രത്തിനു ലിഫ്റ്റ് മിറ്റിഗേഷൻ, ഡ്രാഗ്-ടോർക് സ്ലിപ് കണ്ട്രോൾ എന്നിങ്ങനെ ധാരാളം റൈഡറെ സഹായിക്കുന്ന ഘടകങ്ങളും ലൈവ്വയറിലുണ്ട്. ഇതിനെല്ലാം പുറമെ റോഡ്, റൈൻ, റേഞ്ച്, സ്പോർട് എന്നിങ്ങനെ അഞ്ചോളം റൈഡിങ് മോഡുകളും ലൈവ്വയറിൽ ഹാർലി ഡേവിഡ്സൺ ഉൾക്കൊള്ളിച്ചിട്ടുണ്ട്.
ഹാർലിയെ കൈപിടിച്ചുയർത്താൻ ഹീറോ; അമരക്കാരനായി മുൻ ഡ്യൂക്കാട്ടി മേധാവി
അതെ സമയം ഇപ്പോൾ പല വിപണികളിലും വില്പനയിലുള്ള ലൈവ്വയർ ബൈക്കിന്റെ വില്പന തുടരാനാണ് ഹാർലി-ഡേവിഡ്സന്റെ പ്ലാൻ. ഇന്ത്യയിൽ ഈ ബൈക്കിന്റെ ലോഞ്ച് ഉണ്ടാകുമോ എന്ന ചോദ്യത്തിന് തത്കാലം ഇല്ല എന്നാണ് ഹാർലി-ഡേവിഡ്സൺ, ഹീറോ മോട്ടോകോർപ് വൃത്തങ്ങൾ നൽകുന്ന സൂചന എന്ന് കാർ ആൻഡ് ബൈക്ക് റിപ്പോർട്ട് ചെയ്യുന്നത്. അതെ സമയം ഭാവിയിൽ വിപണിയുടെ മാറ്റം കണ്ട ലൈവ്വയർ ബ്രാൻഡിലുള്ള ഇലക്ട്രിക്ക് ബൈക്കുകൾ ഇന്ത്യയിലെത്തിയേക്കും.
ഹാർലി-ഡേവിഡ്സൺ ലൈവ്വയർ
ലൈവ്വയറിലേ ഇലക്ട്രിക്ക് ഹൃദയത്തെ ഹാർലി വിളിക്കുന്നത് റെവലേഷൻ എന്നാണ്. ഈ ഇലക്ട്രിക്ക് മോട്ടോർ 15.5 കെവിഎച് ബാറ്റെറിയുമായി ബന്ധിപ്പിച്ചിരിക്കുന്നു. 78Kw അഥവാ 104.6 ബിഎച്ച്പി ശക്തിയാണ് റെവലേഷൻ എൻജിൻ ഉല്പാദിപ്പിക്കുന്നത്. ഇലക്ട്രിക്ക് വാഹനമായതിനാൽ 116 എൻഎം ടോർക് ആക്സിലറേറ്റർ ചെറുതായൊന്നു തിരിക്കുമ്പോൾ തന്നെ കിട്ടും.
പൂജ്യത്തിൽ നിന്ന് 100 കിലോമീറ്റർ ലൈവ്വയറിന് വെറും 3.5 സെക്കന്റ് മതി. അതായതു ഫെറാരിയുടെയും, ലംബോർഗിനിയുടെയും ചില സൂപ്പർ കാറുകൾക്കു വേണ്ട അതെ സമയം മാത്രം. അനൗദ്യോഗിക വിവരമനുസരിച്ച് ഹാർലി ലൈവ്വയറിന്റെ ഉയർന്ന വേഗത 185 കിലോമീറ്ററിൽ പരിമിതപ്പെടുത്തിയിരിക്കുകയാണ്.
ഫുൾചാർജിൽ 234 കിലോമീറ്റർ വരെ സഞ്ചരിക്കാനുള്ള പ്രാപ്തിയുണ്ട് ലൈവ്വയറിന്. നഗര യാത്രകളിൽ 177 കിലോമീറ്റർ വരെ ഒറ്റചാർജിൽ സഞ്ചരിക്കാം എന്ന് ഹാർലി-ഡേവിഡ്സൺ അവകാശപ്പെടുന്നു. ഡിസി ഫാസ്റ്റ്ചാർജിങ് ഉപയോഗിച്ചാൽ ബാറ്ററി മുഴുവനായി ചാർജ് ചെയ്യാൻ ഒരു മണിക്കൂർ മാത്രം മതി.
റിഫ്ലക്സ് ഡിഫെൻസിവ് റൈഡർ സിസ്റ്റം, കോർണറിങ് എബിഎസ്, ട്രാക്ഷൻ കണ്ട്രോൾ, മുന്നിലെ ചക്രത്തിനു ലിഫ്റ്റ് മിറ്റിഗേഷൻ, ഡ്രാഗ്-ടോർക് സ്ലിപ് കണ്ട്രോൾ എന്നിങ്ങനെ ധാരാളം റൈഡറെ സഹായിക്കുന്ന ഘടകങ്ങളും ലൈവ്വയറിലുണ്ട്. ഇതിനെല്ലാം പുറമെ റോഡ്, റൈൻ, റേഞ്ച്, സ്പോർട് എന്നിങ്ങനെ അഞ്ചോളം റൈഡിങ് മോഡുകളും ലൈവ്വയറിൽ ഹാർലി ഡേവിഡ്സൺ ഉൾക്കൊള്ളിച്ചിട്ടുണ്ട്.