തലൈവർ തിരിച്ചുവരുന്നു; 210ccയുടെ കരുത്തുമായി പുതിയ Hero Karizma

ഒരു പുതിയ 210 സിസി ലിക്വിഡ്-കൂൾഡ് എഞ്ചിനുമായിട്ടായിരിക്കും 210 സിസി ഹീറോ കരിസ്മ പുറത്തിറങ്ങുന്നത്. പുതിയ 6 സ്പീഡ് ഗിയർബോക്സും ഈ വാഹനത്തിൽ ഉണ്ടായിരിക്കും. ഈ പുതിയ എഞ്ചിനെ കുറിച്ചുള്ള കൃത്യമായ വിവരങ്ങൾ ഇതുവരെ പുറത്തുവന്നിട്ടില്ല. ഈ എഞ്ചിന് 25 ബിഎച്ച്പി പവറും 30 എൻഎം ടോർക്കും ഉണ്ടായിരിക്കുമെന്നാണ് സൂചനകൾ. ഫുൾ ഫെയർഡ് മോട്ടോർസൈക്കിളായിട്ടായിരിക്കും ഇത് പുറത്തിറക്കുക. 2024ൽ ഹീറോ കരിസ്മ പുറത്തിറങ്ങുമെന്നാണ് സൂചനകൾ.

Read More: ക്രൂയിസർ ബൈക്ക് വിപണിയിൽ കവസാക്കി വിപ്ലവം; കരുത്തോടെ Kawasaki Eliminator 400 പുറത്തിറങ്ങി​

ഹീറോയുടെ ഫെയർഡ് മോട്ടോർസൈക്കിളുകളടങ്ങുന്ന കരിസ്മ സീരീസ് ഇന്ത്യയിലെ ബൈക്ക് പ്രേമികൾക്ക് മറക്കാനാകില്ല. 2014ൽ ഫെയ്‌സ്‌ലിഫ്റ്റ് മോഡലുകൾ പുറത്തിറങ്ങുന്നതിനും മുമ്പ് വിൽപ്പനയിലുണ്ടായിരുന്ന OG കരിസ്മ R, കരിസ്മ ZMR എന്നിവയായിരുന്നു രാജ്യത്തെ യുവാക്കളുടെ ഹരമായിരുന്ന കരിസ്മ ബൈക്കുകൾ. ഇപ്പോഴിതാ പുതിയ ലിക്വിഡ് കൂൾഡ് 210 സിസി എഞ്ചിനുമായി കരിസ്മ ബൈക്കുകൾ ഗംഭീര തിരിച്ചുവരവിന് ഒരുങ്ങുകയാണ്. ഹീറോ കരിസ്മ 220 സിസി (Hero Karizma 210cc) വൈകാതെ പുറത്തിറങ്ങും.

Read More: പൾസർ പ്രേമികളുടെ ശ്രദ്ധയ്ക്ക്; 1.37 ലക്ഷം രൂപ വിലയുമായി 2023 Bajaj Pulsar 220F അവതരിപ്പിച്ചു

ഹീറോ കരിസ്മ സീരീസ് ബൈക്കുകൾ പുറത്തിറങ്ങിയത് മുതൽ ഇന്ത്യയിൽ മത്സരിക്കുന്നത് പൾസർ 220 മോഡലുകൾക്ക് എതിരായിട്ടാണ്. EBR (എറിക് ബ്യൂൽ റേസിംഗ്) ഡിസൈൻ ചെയ്ത ഫെയ്‌സ്‌ലിഫ്റ്റഡ് മോഡലുകളോടെ പഴയ കരിസ്മ മോഡലുകൾ വിപണിയിൽ നിന്നും ഇല്ലാതെയായി. ഹീറോ എക്‌സ്‌ട്രീം 200 എസ് പുറത്തിറക്കി കരിസ്മയ്ക്ക് പകരക്കാരനെ ഉണ്ടാക്കാൻ ഹീറോ ശ്രമിച്ചുവെങ്കിലും അത് നടന്നില്ല. വരാനിരിക്കുന്ന കരിസ്മ പുതിയ പ്ലാറ്റ്ഫോമിൽ ആയിരിക്കും നിർമ്മിക്കുക എന്നാണ് റിപ്പോർട്ടുകൾ നൽകുന്ന സൂചനകൾ.

പുതിയ ഹീറോ കരിസ്മ മോഡലുകൾ പുറത്തിറക്കുന്നത് ഒജി കരിസ്മ സീരീസിൽ നിന്നും പ്രചോദനം ഉൾക്കൊണ്ടായിരിക്കും എന്നും എന്നാൽ അവയുടെ പുതിയ പതിപ്പുകൾ ആയിരിക്കില്ലെന്നും സൂചനകളുണ്ട്. ഹീറോ കരിസ്മ ലൈനിൽ വരുന്ന ബൈക്കുകളെല്ലാം നേരത്തെ നൽകുന്ന പണത്തിന് ചേർന്ന സവിശേഷതകൾ പായ്ക്ക് ചെയ്യുന്നവയായിരുന്നു. ഇനി പുറത്തിറങ്ങുന്ന കരിസ്മ ബൈക്കുകളും വലിയ വിലയൊന്നും നൽകാതെ സ്വന്തമാക്കാൻ സാധിക്കുമെന്ന് പ്രതീക്ഷിക്കാം.

210 സിസി ഹീറോ കരിസ്മ ബൈക്കുകളിൽ ചിലവ് കുറയ്ക്കുന്നതിനായി യുഎസ്ഡി ഫോർക്കുകളും സ്ലിപ്പർ ക്ലച്ച്, റൈഡ്-ബൈ-വയർ തുടങ്ങിയ മറ്റ് ഫാൻസി ഹാർഡ്‌വെയറുകളും ഒഴിവാക്കിയേക്കും. ഡ്യുവൽ-ചാനൽ എബിഎസ് ഉള്ള ഡിസ്‌ക് ബ്രേക്കുകൾ ഈ ബൈക്കിൽ പ്രതീക്ഷിക്കുന്നു. എൽഇഡി ലൈറ്റിംഗ്, ടേൺ-ബൈ-ടേൺ നാവിഗേഷനോട് കൂടിയ ബ്ലൂടൂത്ത് കണക്റ്റിവിറ്റി, എഞ്ചിൻ കട്ട് ഓഫ് ചെയ്ത സൈഡ് സ്റ്റാൻഡ് സെൻസർ എന്നിവയാണ് ഈ ബൈക്കിൽ പ്രതീക്ഷിക്കുന്ന മറ്റ് സവിശേഷതകൾ.

Read More: വെറും ആക്ടീവയല്ല, സ്മാർട്ട് ആക്ടീവ; Honda Activa 125 H-Smart വൈകാതെ വിപണിയിലെത്തും​