കഴിഞ്ഞ വർഷം ഒക്ടോബറിലാണ് ജാപ്പനീസ് ഇരുചക്ര വാഹന നിർമാതാക്കളായ ഹോണ്ട ഇന്ത്യയിലെ തങ്ങളുടെ ആദ്യ ക്ലാസിക്/റോഡ്സ്റ്റർ ബൈക്ക്, ഹൈനെസ്സ് സിബി 350യെ ഇന്ത്യൻ വിപണിയിലെത്തിച്ചത്. ഡീലക്സ്, ഡീലക്സ് പ്രോ എന്നിങ്ങനെ രണ്ട് വേരിയന്റുകളിൽ വിപണിയിലെത്തിയ ഹോണ്ട ഹൈനെസ്സ് സിബി 350-യ്ക്ക് യഥാക്രമം 1.85 ലക്ഷം, 1.90 ലക്ഷം എന്നിങ്ങനെ ആയിരുന്നു എക്സ്-ഷോറൂം വില. എന്നാൽ ജനുവരിയിൽ ഹൈനെസ്സ് സിബി 350യുടെ വില 2,500 രൂപ വരെ ഹോണ്ട വർദ്ധിപ്പിച്ചു. ഇത് കൂടാതെ കഴിഞ്ഞ ദിവസം 3,405 രൂപ കൂടി ഹോണ്ട വർദ്ധിപ്പിച്ചു. ഇതോടെ ഡീലക്സ് പതിപ്പിന്റെ വില 1,89,905 രൂപയായും, ഡീലക്സ് പ്രോ പതിപ്പിന്റെ വില 1,95,905 രൂപയായും വർദ്ധിച്ചു. ഹൈനെസ്സ് സിബി 350യുടെ എതിരാളികളിൽ ഒന്നാമനായ റോയൽ എൻഫീൽഡ് മീറ്റിയോർ 350-യുടെ അടിസ്ഥാന മോഡലായ ഫയർബോളിന്റെ വില 1.84 ലക്ഷം ആണ്. അതെ സമയം സ്റ്റെല്ലർ, സൂപ്പർനോവ മോഡലുകൾക്ക് യഥാക്രമം 1.90 ലക്ഷവും 2 ലക്ഷവുമാണ് എക്സ്-ഷോറൂം വില.
ഹോണ്ട ഹൈനെസ്സ് സിബി 350
വിലകൂടുതലുള്ള ഡീലക്സ് പ്രോ പതിപ്പിന് ഡ്യുവൽ ടോൺ കളർ കോമ്പിനേഷനും ഡീലക്സ് പതിപ്പിന് സിംഗിൾ ടോൺ നിറവുമാണ്. ഡ്യുവൽ ഹോൺ, ബ്ലൂടൂത്ത് വഴി സ്മാർട്ട്ഫോണും ഇൻസ്ട്രുമെന്റ് ക്ലസ്റ്ററും തമ്മിൽ കണക്റ്റ് ചെയ്യാവുന്ന സംവിധാനം എന്നിവയാണ് ഡീലക്സ് പ്രോ മോഡലിന്റെ മറ്റുള്ള സവിശേഷതകൾ.
റോഡ്സ്റ്റർ ബൈക്കുകളിലെ സ്ഥിരം സാന്നിദ്ധ്യമായ വൃത്താകൃതിയിലുള്ള ഹെഡ്ലാംപ്, മഴത്തുള്ളിയെ അനുസ്മരിപ്പിച്ചുക്കുന്ന പെട്രോൾ ടാങ്ക്, വൃത്താകൃതിയിലുള്ള റിയർവ്യൂ മിറർ, സിംഗിൾ പീസ് സീറ്റ്, നീളം കൂടിയ ഹാൻഡിൽ ബാർ, നീളം കുറഞ്ഞ മുൻ മഡ്ഗാർഡ് എന്നിവയാണ് ഹൈനെസ്സ് സിബി 350-യുടെ ആകർഷണങ്ങൾ. അലോയ് വീൽ, പൂർണമായും എൽഇഡി ആയ ലൈറ്റുകൾ, അനലോഗ് സ്പീഡോമീറ്ററും എൽസിഡി ഡിസ്പ്ലേയും ചേർന്ന ഇൻസ്ട്രുമെന്റ് ക്ലസ്റ്റർ എന്നിവ അല്പം മോഡേൺ ലൂക്കും നൽകുന്നു.
348.36 സിസി, സിംഗിൾ സിലിണ്ടർ, എയർ-കൂൾഡ് എഞ്ചിനാണ് ഹോണ്ട ഹൈനെസ്സ് സിബി 350-യുടെ ഹൃദയം. 5,500 ആർപിഎമ്മിൽ 20.5 ബിഎച്ച്പി കരുത്തും 3,000 ആർപിഎമ്മിൽ 30 എൻഎം പീക്ക് ടോർക്കും നിർമ്മിക്കുന്ന ഈ എൻജിൻ അഞ്ച് സ്പീഡ് ഗിയർബോക്സുമായാണ് ബന്ധിപ്പിച്ചിരിക്കുന്നത്. ടെലിസ്കോപിക് മുൻ സസ്പെൻഷനും ഡ്യുവൽ സ്പ്രിങ് പിൻ സസ്പെൻഷനുമാണ് ബൈക്കിന്. ഡ്യുവൽ ചാനൽ എബിഎസിനൊപ്പം 310 എംഎം ഡിസ്ക് മുൻചക്രത്തിലും പിന്നിൽ 240 എംഎം ഡിസ്കും ബ്രേക്കിംഗ് കൈകാര്യം ചെയ്യുന്നു.
ഹോണ്ടയുടെ പ്രീമിയം ബൈക്കുകൾ വിൽക്കുന്ന ബിഗ് വിങ് ഡീലർഷിപ്പുകൾ വഴിയാണ് ഹൈനെസ്സ് സിബി 350 വില്പനക്കെത്തിയിരിക്കുന്നത്.
ഹോണ്ട ഹൈനെസ്സ് സിബി 350
വിലകൂടുതലുള്ള ഡീലക്സ് പ്രോ പതിപ്പിന് ഡ്യുവൽ ടോൺ കളർ കോമ്പിനേഷനും ഡീലക്സ് പതിപ്പിന് സിംഗിൾ ടോൺ നിറവുമാണ്. ഡ്യുവൽ ഹോൺ, ബ്ലൂടൂത്ത് വഴി സ്മാർട്ട്ഫോണും ഇൻസ്ട്രുമെന്റ് ക്ലസ്റ്ററും തമ്മിൽ കണക്റ്റ് ചെയ്യാവുന്ന സംവിധാനം എന്നിവയാണ് ഡീലക്സ് പ്രോ മോഡലിന്റെ മറ്റുള്ള സവിശേഷതകൾ.
റോഡ്സ്റ്റർ ബൈക്കുകളിലെ സ്ഥിരം സാന്നിദ്ധ്യമായ വൃത്താകൃതിയിലുള്ള ഹെഡ്ലാംപ്, മഴത്തുള്ളിയെ അനുസ്മരിപ്പിച്ചുക്കുന്ന പെട്രോൾ ടാങ്ക്, വൃത്താകൃതിയിലുള്ള റിയർവ്യൂ മിറർ, സിംഗിൾ പീസ് സീറ്റ്, നീളം കൂടിയ ഹാൻഡിൽ ബാർ, നീളം കുറഞ്ഞ മുൻ മഡ്ഗാർഡ് എന്നിവയാണ് ഹൈനെസ്സ് സിബി 350-യുടെ ആകർഷണങ്ങൾ. അലോയ് വീൽ, പൂർണമായും എൽഇഡി ആയ ലൈറ്റുകൾ, അനലോഗ് സ്പീഡോമീറ്ററും എൽസിഡി ഡിസ്പ്ലേയും ചേർന്ന ഇൻസ്ട്രുമെന്റ് ക്ലസ്റ്റർ എന്നിവ അല്പം മോഡേൺ ലൂക്കും നൽകുന്നു.
348.36 സിസി, സിംഗിൾ സിലിണ്ടർ, എയർ-കൂൾഡ് എഞ്ചിനാണ് ഹോണ്ട ഹൈനെസ്സ് സിബി 350-യുടെ ഹൃദയം. 5,500 ആർപിഎമ്മിൽ 20.5 ബിഎച്ച്പി കരുത്തും 3,000 ആർപിഎമ്മിൽ 30 എൻഎം പീക്ക് ടോർക്കും നിർമ്മിക്കുന്ന ഈ എൻജിൻ അഞ്ച് സ്പീഡ് ഗിയർബോക്സുമായാണ് ബന്ധിപ്പിച്ചിരിക്കുന്നത്. ടെലിസ്കോപിക് മുൻ സസ്പെൻഷനും ഡ്യുവൽ സ്പ്രിങ് പിൻ സസ്പെൻഷനുമാണ് ബൈക്കിന്. ഡ്യുവൽ ചാനൽ എബിഎസിനൊപ്പം 310 എംഎം ഡിസ്ക് മുൻചക്രത്തിലും പിന്നിൽ 240 എംഎം ഡിസ്കും ബ്രേക്കിംഗ് കൈകാര്യം ചെയ്യുന്നു.
ഹോണ്ടയുടെ പ്രീമിയം ബൈക്കുകൾ വിൽക്കുന്ന ബിഗ് വിങ് ഡീലർഷിപ്പുകൾ വഴിയാണ് ഹൈനെസ്സ് സിബി 350 വില്പനക്കെത്തിയിരിക്കുന്നത്.