ജാപ്പനീസ് ഇരുചക്ര വാഹന നിർമ്മാതാക്കളായ ഹോണ്ടയുടെ ശ്രേണിയിൽ ഏറെക്കാലമായുള്ളതും ആവശ്യക്കാർ ഏറെയുള്ളതുമായ ഒരു ബൈക്ക് ആണ് യൂണികോൺ. കഴിഞ്ഞ വർഷം ഫെബ്രുവരിയിലാണ് ഭാരത് സ്റ്റേജ് 6 മലിനീകരണ നിയന്ത്രണ മാനദണ്ഡങ്ങൾക്കനുസരിച്ച് പുത്തൻ എൻജിനും കൂടുതൽ ഫീച്ചറുകളുമായി പുത്തൻ യൂണികോൺ വില്പനക്കെത്തിയത്. 98,190 എക്സ്-ഷോറൂം വിലയുണ്ടായിരുന്ന യൂണികോൺ ബിഎസ്6-ന് ഇപ്പോൾ 1,02,213 രൂപയാണ് കൊച്ചിയിൽ എക്സ്-ഷോറൂം വില. അതെ സമയം ജൂൺ മാസത്തിൽ യൂണികോൺ ക്യാഷ്ബാക്ക് സഹിതം നേടാനുള്ള അവസരം ഹോണ്ട ഒരുക്കിയിട്ടുണ്ട്. സ്റ്റേറ്റ് ബാങ്ക് ഓഫ് ഇന്ത്യ ക്രെഡിറ്റ് കാർഡ് ഉപയോഗിച്ച് ഇഎംഐ രീതിയിൽ യൂണികോൺ വാങ്ങുമ്പോഴാണ് ക്യാഷ്ബാക്ക് ലഭിക്കുക. കുറഞ്ഞത് 40,000 രൂപയുടെ പണമിടപാട് നടത്തണം (ഡൗൺപേയ്മെന്റ് തുക). 3,500 രൂപ വരെയാണ് ക്യാഷ്ബാക്ക് ലഭിക്കുക. ഇതേ ഓഫർ ഹോണ്ടയുടെ മറ്റ് ഇരുചക്രവാഹന മോഡലുകളായ എക്സ്-ബ്ലേഡ്, ഷൈൻ, ഹോർനറ്റ് 2.0, ഗ്രാസിയാ 125, ആക്ടിവ 6ജി, ഡിയോ എന്നീ മോഡലുകൾക്ക് ഈ മാസം അവസാനം വരെ ലഭ്യമാണ്.
ഹോണ്ട യൂണികോൺ
ബിഎസ്4-ലെ യൂണികോണിലെ 150 സിസി എൻജിൻ പരിഷകരിക്കുന്നതിന് പകരം ഡിസ്പ്ലേസ്മെന്റ് കൂടിയ 160 സിസി എൻജിനാണ് ബിഎസ്6 ഹോണ്ട യൂണികോണിൽ ഇടം പിടിച്ചിരിക്കുന്നത്. ഹോണ്ട ഇക്കോ ടെക്നോളജി, ഫ്യുവൽ ഇൻജെക്ഷൻ സാങ്കേതിക വിദ്യ എന്നിവ കൂടിച്ചേർന്ന പുതിയ 162.7 സിസി സിംഗിൾ-സിലിണ്ടർ എൻജിൻ 7500 അർപിഎമ്മിൽ 12.73 ബിഎച്പി പവർ ആണ് നിർമ്മിക്കുന്നത്. മുൻപത്തെ 150 സിസി എഞ്ചിന്റെയും പവർ ഔട്ട്പുട്ട് 12.73 ബിഎച്പി തന്നെയായിരുന്നു. എന്നാൽ 12.8 എൻഎമ്മിൽ നിന്ന് ടോർക്ക് 14 എൻഎം ആയി വർദ്ധിച്ചിട്ടുണ്ട്. കൂടുതൽ ലോ ഏൻഡ് ടോർക്കും മികച്ച ഇന്ധനക്ഷമതയ്ക്കുമായി പ്രത്യേകം രൂപകൽപന ചെയ്തതാണ് പുതിയ എൻജിൻ എന്ന് ഹോണ്ട അവകാശപ്പെടുന്നു.
ഡിസൈനിൽ അല്പം മാറ്റം വരുത്തിയ ഹെഡ്ലാംപ് ക്ലസ്റ്ററിലെ ക്രോം ഭാഗം മാത്രമാണ് ഏക മാറ്റം. നീല ബാക്ക്ലൈറ്റ് ഉള്ള സെമി-ഡിജിറ്റൽ ഇൻസ്ട്രുമെന്റ് കൺസോൾ, സിഗ്നേച്ചർ ടൈലൈറ്റ് ഡിസൈൻ എന്നിവ അതേപടി തുടരുന്നു. പുത്തൻ യൂണികോണിന്റെ ഗ്രൗണ്ട് ക്ലിയറൻസ് 8 എംഎം ഹോണ്ട വർദ്ധിപ്പിച്ചിട്ടുണ്ട്. ഇത് കൂടാതെ സീറ്റിന്റെ നീളം 24 എംഎം വർദ്ധിപ്പിച്ചു. എൻജിൻ കിൽ സ്വിച്ചാണ് ബിഎസ്6 ഹോണ്ട യൂണികോണിൽ ചേർത്തിരിക്കുന്ന മറ്റൊരു പ്രധാന ഫീച്ചർ.
പേൾ ഇഗ്നെസ് ബ്ലാക്ക്, ഇംപേരിയൽ റെഡ് മെറ്റാലിക്, മാറ്റ് ആക്സിസ് ഗ്രേയ് മെറ്റാലിക് എന്നീ മൂന്ന് നിറങ്ങളിൽ ബിഎസ്6 ഹോണ്ട യൂണികോൺ വാങ്ങാം.
ഹോണ്ട യൂണികോൺ
ബിഎസ്4-ലെ യൂണികോണിലെ 150 സിസി എൻജിൻ പരിഷകരിക്കുന്നതിന് പകരം ഡിസ്പ്ലേസ്മെന്റ് കൂടിയ 160 സിസി എൻജിനാണ് ബിഎസ്6 ഹോണ്ട യൂണികോണിൽ ഇടം പിടിച്ചിരിക്കുന്നത്. ഹോണ്ട ഇക്കോ ടെക്നോളജി, ഫ്യുവൽ ഇൻജെക്ഷൻ സാങ്കേതിക വിദ്യ എന്നിവ കൂടിച്ചേർന്ന പുതിയ 162.7 സിസി സിംഗിൾ-സിലിണ്ടർ എൻജിൻ 7500 അർപിഎമ്മിൽ 12.73 ബിഎച്പി പവർ ആണ് നിർമ്മിക്കുന്നത്. മുൻപത്തെ 150 സിസി എഞ്ചിന്റെയും പവർ ഔട്ട്പുട്ട് 12.73 ബിഎച്പി തന്നെയായിരുന്നു. എന്നാൽ 12.8 എൻഎമ്മിൽ നിന്ന് ടോർക്ക് 14 എൻഎം ആയി വർദ്ധിച്ചിട്ടുണ്ട്. കൂടുതൽ ലോ ഏൻഡ് ടോർക്കും മികച്ച ഇന്ധനക്ഷമതയ്ക്കുമായി പ്രത്യേകം രൂപകൽപന ചെയ്തതാണ് പുതിയ എൻജിൻ എന്ന് ഹോണ്ട അവകാശപ്പെടുന്നു.
ഡിസൈനിൽ അല്പം മാറ്റം വരുത്തിയ ഹെഡ്ലാംപ് ക്ലസ്റ്ററിലെ ക്രോം ഭാഗം മാത്രമാണ് ഏക മാറ്റം. നീല ബാക്ക്ലൈറ്റ് ഉള്ള സെമി-ഡിജിറ്റൽ ഇൻസ്ട്രുമെന്റ് കൺസോൾ, സിഗ്നേച്ചർ ടൈലൈറ്റ് ഡിസൈൻ എന്നിവ അതേപടി തുടരുന്നു. പുത്തൻ യൂണികോണിന്റെ ഗ്രൗണ്ട് ക്ലിയറൻസ് 8 എംഎം ഹോണ്ട വർദ്ധിപ്പിച്ചിട്ടുണ്ട്. ഇത് കൂടാതെ സീറ്റിന്റെ നീളം 24 എംഎം വർദ്ധിപ്പിച്ചു. എൻജിൻ കിൽ സ്വിച്ചാണ് ബിഎസ്6 ഹോണ്ട യൂണികോണിൽ ചേർത്തിരിക്കുന്ന മറ്റൊരു പ്രധാന ഫീച്ചർ.
പേൾ ഇഗ്നെസ് ബ്ലാക്ക്, ഇംപേരിയൽ റെഡ് മെറ്റാലിക്, മാറ്റ് ആക്സിസ് ഗ്രേയ് മെറ്റാലിക് എന്നീ മൂന്ന് നിറങ്ങളിൽ ബിഎസ്6 ഹോണ്ട യൂണികോൺ വാങ്ങാം.