BS6 മലിനീകരണ നിയന്ത്രണ മാനദണ്ഡങ്ങൾക്കനുസരിച്ച് പരിഷ്കരിച്ച ഇന്ത്യയിലെ ആദ്യ ബൈക്ക് ആയി കഴിഞ്ഞ വർഷം നവംബറിൽ ആണ് ഹീറോ മോട്ടോകോർപ്പ് സ്പ്ലെണ്ടർ ഐസ്മാർട്ട് അവതരിപ്പിച്ചത്. ബിഎസ്6 മോഡലിന് Rs 64,900 രൂപയാണ് എക്സ്-ഷോറൂം വില. അഞ്ച് മാസങ്ങൾക്ക് ശേഷം സ്പ്ലെണ്ടർ ഐസ്മാർട്ടിൻ്റെ ഹീറോ കൂട്ടി. 2,200 രൂപ വർധിച്ച് Rs 67,100 ആണ് സ്പ്ലെണ്ടർ ഐസ്മാർട്ടിന് ഇപ്പോൾ വില.
നവംബർ വരെ വില്പനയിലുണ്ടായിരുന്ന ബിഎസ്4 സ്പ്ലെണ്ടർ ഐസ്മാർട്ടിൻ്റെ വിലയുമായി താരതമ്യം ചെയ്യുമ്പോൾ ആകെ മൊത്തം ഏകദേശം 9,700 രൂപയുടെ വർദ്ധനവുണ്ടായിട്ടുണ്ട്. ഡിസ്പ്ലേസ്മെന്റ് കൂടിയ എൻജിൻ ആണ് സ്പ്ലെണ്ടർ ഐസ്മാർട്ടിൻ്റെ പുത്തൻ മോഡലിന്. 109.15 സിസി കാർബുറേറ്റർ എഞ്ചിന് പകരം, ഫ്യുവൽ ഇൻജെക്ഷൻ സാങ്കേതിക വിദ്യ ചേർന്ന 113.2 സിസി സിംഗിൾ-സിലിണ്ടർ എൻജിനാണ്. ഡിസ്പ്ലേസ്മെന്റ് കൂടിയെങ്കിലും പവറിൽ ഒരല്പം കുറവാണ് സംഭവിച്ചത്. 7,500 അർപിഎമ്മിൽ പഴയ എൻജിൻ 9.5 എച്ച്പി പവർ നിർമിച്ചിരുന്നപ്പോൾ പുതിയ എൻജിന്റെ ഔട്പുട്ട് 9.1 എച്ച്പിയാണ്. മുൻ എഞ്ചിനെക്കാൾ ടോർക്ക് 10 ശതമാനം കൂടുതലാണ്. 5,500 അർപിഎമ്മിൽ 9.89 എൻഎം. എത്രയെന്ന് വ്യക്തമാക്കിയിട്ടില്ലെങ്കിലും എൻജിനിൽ വന്നിരിക്കുന്ന പരിഷ്കാരങ്ങൾ മുൻ മോഡലിനേക്കാൾ ഇന്ധനക്ഷമത കാര്യമായി വർധിപ്പിച്ചിട്ടുണ്ടെന്ന് ഹീറോ മോട്ടോകോർപ്പ് അവകാശപ്പെടുന്നു.
ബിഎസ്6 ഹോണ്ട എസ്പി 125-യുടെ വില കൂട്ടി
പുതിയ ഡയമണ്ട് ഫ്രെമിലാണ് BS6 ഹീറോ സ്പ്ലെണ്ടർ ഐസ്മാർട്ടിന്റെ നിർമിതി. അതെ സമയം ഡിസൈനിൽ മാറ്റം ഇല്ല. മുൻമോഡലിനേക്കാൾ 15 എംഎം സസ്പെൻഷൻ ട്രാവൽ കൂടുതലാണ് BS6 സ്പ്ലെണ്ടർ ഐസ്മാർട്ടിന്. ഗ്രൗണ്ട് ക്ലിയറൻസ് 165 എംഎമ്മിൽ നിന്ന് 180 എംഎം ആയി വർധിപ്പിച്ചിട്ടുണ്ട്. വീൽബേസും 36 എംഎം കൂടിയിട്ടുണ്ട്.
ഹോണ്ട ആക്ടിവ 6ജി, ആക്ടിവ 125 മോഡലുകളുടെ വില കൂട്ടി
ടെക്നോ ബ്ലൂ/ബ്ലാക്ക്, സ്പോർട്സ് റെഡ്/ബ്ലാക്ക്, ഫോഴ്സ് സിൽവർ/ഹെവി ഗ്രേ എന്നിങ്ങനെ മൂന്നു ഡ്യുവൽ ടോൺ നിറങ്ങളിലാണ് BS6 സ്പ്ലെണ്ടർ ഐസ്മാർട്ട് വില്പനക്കെത്തിയിരിക്കുന്നത്. സെൽഫ് ഡ്രം കാസ്റ്റ്, സെൽഫ് ഡിസ്ക് കാസ്റ്റ് എന്നിങ്ങനെ രണ്ട് വകഭേദങ്ങളുമുണ്ട്. സ്പ്ലെണ്ടർ പ്ലസ്, സ്പ്ലെണ്ടർ ഐസ്മാർട്ട്, സൂപ്പർ സ്പ്ലെണ്ടർ എന്നിങ്ങനെ 3 മോഡലുകളാണ് പുത്തൻ സ്പ്ലെണ്ടർ ശ്രേണിയിലുള്ളത്.