ജാപ്പനീസ് ഇരുചക്ര വാഹന നിർമ്മാതാക്കളായ ഹോണ്ട ഈ വർഷം ജനുവരിയിൽ ആണ് ആക്ടിവ 6ജി വിപണിയിലെത്തിച്ചത്. സ്റ്റാൻഡേർഡ് മോഡലിന് Rs 63,912-യും ഡീലക്സ് മോഡലിന് Rs 65,412 രൂപയും എക്സ്-ഷോറൂം വിലയുമായെത്തിയ ആക്ടിവ 6ജിയുടെ വില ഏപ്രിലിൽ Rs 552 രൂപ ഹോണ്ട വർദ്ധിപ്പിച്ചിരുന്നു. നാല് മാസങ്ങൾക്ക് ശേഷം ആക്ടിവ 6ജിയുടെ വില ഹോണ്ട വീണ്ടും വർദ്ധിപ്പിച്ചു.
ഇത്തവണ Rs 955 രൂപയാണ് ഹോണ്ട വർദ്ധിപ്പിച്ചത്. ഇപ്പോൾ സ്റ്റാൻഡേർഡ് മോഡലിന് Rs 65,419 രൂപയും ഡീലക്സ് മോഡലിന് Rs 66,919 രൂപയും ആണ് എക്സ്-ഷോറൂം വില. ഭാരത് സ്റ്റേജ് 6 മലിനീകരണ നിയന്ത്രണ മാനദണ്ഡങ്ങൾ പാലിക്കുന്ന എൻജിൻ, കൂടുതൽ ഫീച്ചറുകൾ എന്നിവ ചേർത്താണ് ആക്ടിവ 6ജിയെ ഹോണ്ട വിൽപനക്കെത്തിച്ചത്.
109.19 സിസി സിംഗിൾ-സിലിണ്ടർ എൻജിൻ തന്നെയാണ് 2020 ആക്ടിവ 6ജിയിലും. പക്ഷെ കാർബുറേറ്ററിന് പകരം ഫ്യുവൽ ഇൻജെക്ഷൻ സാങ്കേതിക വിദ്യ കൂട്ടിച്ചേർത്തു ബിഎസ്6 നിയമങ്ങൾക്കനുസരിച്ചു പരിഷ്കരിച്ചു ഈ എൻജിൻ. പുത്തൻ എഞ്ചിൻ 8,000 ആർപിഎമ്മിൽ 7.68 ബിഎച്ച്പി പവറും 5,250 ആർപിഎമ്മിൽ 8.79 എൻഎം പീക്ക് ടോർക്കുമാണ് നിർമ്മിക്കുന്നത്. ആക്ടിവ 5ജിയുമായി താരതമ്യം ചെയ്യുമ്പോൾ പവറും ടോർക്കും യഥാക്രമം 0.3 ബിഎച്ച്പിയും 0.3 എൻഎമ്മും കുറഞ്ഞിട്ടുണ്ട്. അതെ സമയം ആക്ടിവ 5ജിയെക്കാൾ 10 ശതമാനം ഇന്ധനക്ഷമത കൂടുതലാണ് പുതിയ ആക്ടിവ 6ജിയ്ക്ക് എന്ന് ഹോണ്ട അവകാശപ്പെടുന്നു.
2020 റോയൽ എൻഫീൽഡ് ക്ലാസിക് 350 - 5 പ്രധാന മാറ്റങ്ങൾ
മൾട്ടി-ഫങ്ക്ഷൻ ഇഗ്നിഷൻ കീ, ACG സൈലന്റ് സ്റ്റാർട്ടർ മോട്ടോർ, എഞ്ചിൻ സ്റ്റാർട്ട്-സ്റ്റോപ്പ് സ്വിച്ച്, സീറ്റ് പോകാതെ ഇന്ധനം നിറയ്ക്കാൻ സഹായിക്കുന്ന എക്സ്റ്റേർണൽ ഫ്യുവൽ ഫില്ലർ ക്യാപ്, കൂടിയ 18 ലിറ്റർ അണ്ടർ സീറ്റ് സ്റ്റോറേജ് സ്പേസ് എന്നിവ പുതിയ ആക്ടിവ 6ജിയിൽ ഹോണ്ട കൂട്ടിച്ചേർത്തിട്ടുണ്ട്. കൂടാതെ, നീളം കൂടിയ സീറ്റും, ഫുട്-വെല്ലും (റൈഡറുടെ കാൽ വയ്ക്കുന്ന സ്ഥലം) പുതിയ ആക്ടിവയിലുണ്ട്. ആക്ടിവ 5G-യുടെ ഇൻസ്ട്രുമെന്റ് കൺസോളിൽ ഒരു ചെറിയ ഭാഗം ഡിജിറ്റൽ ഡിസ്പ്ലേ ആയിരുന്നപ്പോൾ പുതിയ ആക്ടിവ 6ജിയിൽ ഇത് പൂർണമായും അനലോഗ് ആണ്. ഡിജിറ്റൽ ഇൻസ്ട്രുമെന്റ് ക്ലസ്റ്റർ പ്രതീക്ഷിച്ചുരുന്നവരെ ഇത് പൂർണമായും നിരാശരാക്കിയിട്ടുണ്ട്.
ബജാജ് ചേതക് ഇലക്ട്രിക് വില്പനക്കെത്തി; വിലയടക്കം എല്ലാ വിവരങ്ങളുമറിയാം
മുന്നിലും പിന്നിലും 10-ഇഞ്ച് വീലുകൾ ഉപയോഗിച്ചിരിക്കുന്ന ആക്ടിവ 5ജിയ്ക്ക് പകരം ആക്ടിവ 6G-യിൽ 12-ഇഞ്ച് മുൻ വീലാണ്. പിന്നിൽ 10-ഇഞ്ച് വീൽ തന്നെ. പുതിയ ആക്ടിവ 6ജി-യുടെ വീൽബേസും (+22 എംഎം) ഗ്രൗണ്ട് ക്ലിയറൻസും (+18 എംഎം) ഹോണ്ട വർദ്ധിപ്പിച്ചിട്ടുണ്ട്. അതിന്റെ ഭാഗമായി സ്കൂട്ടറിന്റെ നീളത്തിലും വർദ്ധനവുണ്ടായിട്ടുണ്ട്. എൽഇഡി ഹെഡ്ലാമ്പും (ഡീലക്സ്) പുതുക്കിയ ടെയിൽ ലാമ്പും ആക്ടിവ 6ജിയിൽ കൂട്ടിച്ചേർത്തിട്ടുണ്ട്. പേൾ സ്പാർട്ടൻ റെഡ്, ഡാസിൽ യെല്ലോ മെറ്റാലിക്, ബ്ലാക്ക്, പേൾ പ്രെഷ്യസ് വൈറ്റ്, മാറ്റ് ആക്സിസ് ഗ്രേ മെറ്റാലിക് എന്നീ അഞ്ചു നിറങ്ങളോടൊപ്പം ഗ്ലിറ്റർ ബ്ലൂ മെറ്റാലിക് എന്നൊരു പുതിയ നിറത്തിലും 2020 ആക്ടിവ 6ജി ലഭ്യമാണ്.