പുതിയ എൻഫീൽഡ് ബൈക്കുകൾ
റോയൽ എൻഫീൽഡ് ഹണ്ടർ 350 സിസി, ബുള്ളറ്റ് 350 സിസി, ക്ലാസിക് 350 സിസി, മെറ്റിയർ 350 സിസി, ഹിമാലയൻ, സ്‌ക്രാം 411, ഇന്റർസെപ്റ്റർ 650, കോണ്ടിനെന്റൽ ജിടി 650, സൂപ്പർ മെറ്റിയർ 650 എന്നിങ്ങനെ 9 മോട്ടോർ സൈക്കുകളാണ് കമ്പനിയുടെ പോർട്ട്ഫോളിയോയിൽ ഉള്ളത്. ഇനിയും 350 സിസി മുതൽ 650 സിസി വരെയുള്ള വിഭാഗത്തിൽ കമ്പനി പുതിയ മോട്ടോർസൈക്കിളുകൾ അവതരിപ്പിക്കും. പുതിയ തലമുറ ബുള്ളറ്റ് 350, ഷോട്ട്ഗൺ 350 ബോബർ എന്നീ രണ്ട് 350 സിസി ബൈക്കുകളാണ് കമ്പനി പുറത്തിറക്കാൻ ഒരുങ്ങുന്നത്.
Read More: പൾസർ പ്രേമികളുടെ ശ്രദ്ധയ്ക്ക്; 1.37 ലക്ഷം രൂപ വിലയുമായി 2023 Bajaj Pulsar 220F അവതരിപ്പിച്ചു
പുതിയ തലമുറ റോയൽ എൻഫീൽഡ് ബുള്ളറ്റ് 350
റോയൽ എൻഫീൽഡ് ബുള്ളറ്റ് 350 വൈകാതെ തന്നെ പുതിയ തലമുറ മോഡലിലേക്ക് മാറും. മെച്ചപ്പെടുത്തിയ ഡിസൈൻ, പുതിയ പ്ലാറ്റ്ഫോം, പവർട്രെയിൻ എന്നിവയുമായിട്ടായിരിക്കും ബൈക്കിന്റെ പുതിയ മോഡൽ വരുന്നത്. റോയൽ എൻഫീൽഡ് മിറ്റിയോർ 350 ബൈക്കിന് സമാനമായി പുതിയ തലമുറ ബുള്ളറ്റിലും 5 സ്പീഡ് ഗിയർബോക്സുള്ള 346 സിസി സിംഗിൾ-സിലിണ്ടർ, എയർ-കൂൾഡ് എഞ്ചിനായിരിക്കും റോയൽ എൻഫീൽഡ് ഉപയോഗിക്കുന്നത്.
ബുള്ളറ്റ് 350യുടെ സവിശേഷതകൾ
പതിയ തലമുറ റോയൽ എൻഫീൽഡ് ബുള്ളറ്റ് 350 ബൈക്കിന്റെ എഞ്ചിൻ 20.2 ബിഎച്ച്പി കരുത്തും 27 എൻഎം ടോർക്കും ഉത്പാദിപ്പിക്കുമെന്നാണ് റിപ്പോർട്ടുകൾ. ഈ ബൈക്കിൽ ചുറ്റും ക്രോം ട്രീറ്റ്‌മെന്റോടുകൂടിയ റെട്രോ-സ്റ്റൈൽ ഹെഡ്‌ലാമ്പും മികച്ച ലംബർ സപ്പോർട്ടുള്ള പുതിയ സിംഗിൾ പീസ് സീറ്റുമായിരിക്കും കമ്പനി നൽകുന്നത്. ടിയർ ഡ്രോപ്പ് ഫ്യൂവൽ ടാങ്ക്, വയർ-സ്‌പോക്ക് വീലുകൾ, ഫ്ലാറ്റ് ഹാൻഡിൽബാർ, സിംഗിൾ സൈഡ് എക്‌സ്‌ഹോസ്റ്റ് കാനിസ്റ്റർ എന്നിവയെല്ലാം പഴയ മോഡലിന് സമാനമായി നൽകും.
Read More: പെട്രോളിന്റെ മണം കിട്ടിയാൽ ഓടിക്കോളും; 70,000 രൂപയിൽ താഴെ വിലയിൽ 72 കിലോമീറ്റർ വരെ മൈലേജുള്ള ബൈക്കുകൾ
റോയൽ എൻഫീൽഡ് ഷോട്ട്ഗൺ 350 ബോബർ
പുറത്ത് വന്ന റിപ്പോർട്ടുകൾ അനുസരിച്ച് റോയൽ എൻഫീൽഡ് ഷോട്ട്ഗൺ 350 ബോബർ എന്ന ബൈക്കും കമ്പനി പുറത്തിറക്കാൻ ഒരുങ്ങുന്നുണ്ട്. ‘ഷോട്ട്ഗൺ 350’ എന്നായിരിക്കും ഈ ബൈക്കിന് പേര് എന്നും സൂചനകളുണ്ട്. മെറ്റിയോരിൽ ഉള്ള 346 സിസി, സിംഗിൾ സിലിണ്ടർ, എയർ കൂൾഡ് എഞ്ചിൻ തന്നെയായിരിക്കും ഷോട്ട്ഗൺ 350 ബോബർ ബൈക്കിലും കമ്പനി നൽകുന്നത്. 20.2 ബിഎച്ച്പി കരുത്തും 27 എൻഎം ടോർക്കും ഉത്പാദിപ്പിക്കുന്ന എഞ്ചിനായിരിക്കും ഇതെന്നും സൂചനകളുണ്ട്.
ഷോട്ട്ഗൺ 350യുടെ സവിശേഷതകൾ
റോയൽ എൻഫീൽഡ് ഷോട്ട്ഗൺ 350 ബൈക്കിൽ പഴയ മോഡൽ ടെലിസ്‌കോപിക് ഫ്രണ്ട് ഫോർക്കുകളും പിന്നിൽ ഡ്യൂവൽ ഷോക്ക് അബ്‌സോർബറുകളും കമ്പനി നൽകുമെന്നും റിപ്പോർട്ടുകൾ സൂചിപ്പിക്കുന്നു. സിംഗിൾ-ചാനൽ എബിഎസുള്ള ഡിസ്‌ക്ക്, ഡ്രം ബ്രേക്കുകളും ബൈക്കിൽ ഉണ്ടായിരിക്കും. ഈ ബൈക്കിന് ഏകദേശം 2 ലക്ഷം രൂപയോളമായിരിക്കും വില എന്നാണ് സൂചനകൾ. ജാവ പെരാക്ക്, ജാവ 42 ബോബർ എന്നിവയെയായിരിക്കും ഈ ബൈക്ക് വിപണിയിൽ നേരിടുന്നത്.
Read More: തലൈവർ തിരിച്ചുവരുന്നു; 210ccയുടെ കരുത്തുമായി പുതിയ Hero Karizma