ടിവിഎസ് മോട്ടോർ കമ്പനി തങ്ങളുടെ 125 സിസി സ്പോർട്ടി സ്കൂട്ടർ ആയ എൻടോർക്ക് 125 റേസ് എഡിഷൻ പുത്തൻ നിറത്തിൽ അവതരിപ്പിച്ചു. മാറ്റ് ബ്ലാക്ക്, മെറ്റാലിക്ക് ബ്ലാക്ക്, മെറ്റാലിക്ക് റെഡ് എന്നീ മൂന്ന് നിറങ്ങളുടെ കോമ്പിനേഷനിൽ ലഭ്യമായ ടിവിഎസ് എൻടോർക് 125 റേസ് എഡിഷൻ, ഇനി മാറ്റ് ബ്ലാക്ക് + മെറ്റാലിക്ക് ബ്ലാക്ക് + യെല്ലോ കോമ്പിനേഷനിലും ലഭിക്കും. Rs 74,365 രൂപയാണ് എൻടോർക് 125 റേസ് എഡിഷന്റെ എക്സ്-ഷോറൂം വില.
കളറിലെ പുതുമ മാറ്റിനിർത്തിയാൽ എൻടോർക് 125 റേസ് എഡിഷനിൽ മാറ്റങ്ങൾ ഒന്നും തന്നെയില്ല. 'T' ആകൃതിയിലുള്ള എൽഇഡി ഡേടൈം റണ്ണിങ് ലാമ്പുകൾ ചേർന്ന പുതിയ എൽഇഡി ഹെഡ് ലാംപാണ് (എൻടോർക് 125-ന് ഹാലൊജൻ ലൈറ്റുകളാണ്) റേസ് എഡിഷൻ്റെ പ്രധാന സവിശേഷത. 'T' ആകൃതിയിലുള്ള എൽഇഡി ടെയിൽ ലാംപ് ഡിസൈനോട് യോജിക്കും വിധമാണ് ഹെഡ്ലാംപും തയ്യാറാക്കിയിരിക്കുന്നത്. ഹസാഡ് ലൈറ്റാണ് മറ്റൊരു ആകർഷണം. കാറോട്ട മത്സരങ്ങളിൽ വീശുന്ന ചെക്കേർഡ് ഫ്ലാഗിനോടു സാമ്യം തോന്നിക്കുന്ന ഗ്രാഫിക്സും 'Race Edition' എംബ്ലം കൂടെ ചേർന്നതാണ് എൻടോർക്ക് 125 റേസ് എഡിഷൻ.
ബിഎസ്6 ടിവിഎസ് സ്കൂട്ടി സെസ്റ്റ് 110 വില്പനക്കെത്തി; വില 58,640 രൂപ
ടെയിൽ ലാംപിനു ഇരുവശത്തുമായുള്ള കറുപ്പ് നിറത്തിലുള്ള വെൻ്റുകൾ, രണ്ടായി ഭാഗിച്ച പിൻസീറ്റ് യാത്രികർക്കുള്ള ഗ്രാബ് റെയിൽ, കാർബൺ-ഫൈബറിനെ ഓർമിപ്പിക്കും വിധമുള്ള സ്വിച്ച് പാനലുകളിലെ സ്റ്റിക്കറുകൾ, വലിപ്പമേറിയ എക്സ്ഹോസ്റ്റ് പൈപ്പ്, ബോഡിയിലെ മടക്കുകൾ, കറുപ്പ് നിറത്തിലുള്ള സീറ്റിനു നൽകിയിരിക്കുന്ന ചുവപ്പു സ്റ്റിച്ചിംഗ്, ഗ്ലോസി ബ്ലാക്ക് നിറത്തിലുള്ള അലോയ് വീൽ, സിൽവർ നിറത്തിലുള്ള ഹാൻഡിൽബാർ എൻ്റുകൾ എന്നിവയാണ് ടിവിഎസ് എൻടോർക് 125 റേസ് എഡിഷനിലെ മറ്റുള്ള ആകർഷണങ്ങൾ.
2020 വെസ്പ VXL, SXL സ്കൂട്ടറുകൾ എത്തി; വില 1.10 ലക്ഷം മുതൽ
ഭാരത് സ്റ്റേജ് 6 മലിനീകരണ നിയന്ത്രണ മാനദണ്ഡങ്ങൾക്കനുസരിച്ച് പരിഷ്കരിച്ച 125 സിസി CVTi-Revv, സിംഗിൾ സിലിണ്ടർ, എയർ-കൂൾഡ് എൻജിൻ ആണ് എൻടോർക് 125-ന്. 9.1 എച്പി പവറും 10.5 എൻഎം ടോർക്കും നിർമിക്കുന്ന എൻജിൻ എൻടോർക് 125 റേസ് എഡിഷന് മണിക്കൂറിൽ 95 കിലോമിറ്റർ പരമാവധി വേഗത നൽകുന്നു.