ജാപ്പനീസ് ഇരുചക്ര നിർമ്മാതാക്കളായ യമഹയുടെ ഇന്ത്യൻ ശ്രേണിയിലെ ഏറ്റവും ഡിമാന്റുള്ള സൂപ്പർസ്പോർട്ട് ബൈക്ക്, YZF-R15ന്റെ സമഗ്രമായി പരിഷ്കരിച്ച വേർഷൻ 4.0 പതിപ്പ് വില്പനക്കെത്തി. ഏറ്റവും പുതിയ R15 അവതരിപ്പിക്കുന്ന ലോകത്തെ ആദ്യ വിപണിയാണ് ഇന്ത്യ. സ്റ്റാൻഡേർഡ് പതിപ്പിലും R15M എന്ന പ്രീമിയം പതിപ്പിലുമാണ് പുത്തൻ R15നെ യമഹ വിപണിയിലെത്തിച്ചിരിക്കുന്നത്. റേസിംഗ് ബ്ലൂ, ഡാർക്ക് നൈറ്റ്, മെറ്റാലിക് റെഡ് എന്നീ നിറങ്ങളിൽ R15 V4.0ഉം മെറ്റാലിക് ഗ്രേ നിറത്തിൽ R15Mഉം വാങ്ങാം. ഇത് കൂടാതെ മോട്ടോജിപി റെയ്സിൽ പങ്കെടുക്കുന്ന മോൺസ്റ്റർ എനർജി യമഹ ടീമിന്റെ സ്റ്റിക്കറുകൾ പതിപ്പിച്ച മോട്ടോജിപി എഡിഷനിലും പുത്തൻ R15 വാങ്ങാം.
ഇതുവരെ വില്പനയിലുണ്ടാരുന്ന യമഹ R15 V3.0യുമായി താരതമ്യം ചെയുമ്പോൾ 8,000 രൂപ മുതൽ 20,000 വരെ യമഹ R15 V4.0 പതിപ്പുകൾക്ക് വില കൂടിയിട്ടുണ്ട്.
യമഹ R15 V4.0 - മാറ്റങ്ങൾ എന്തൊക്കെ?
യമഹയുടെ ഡിസ്പ്ലേസ്മെന്റ് കൂടിയ YZF-R7 സൂപ്പർബൈക്കിനോട് സാദൃശ്യമുള്ള ഡിസൈൻ ആണ് പുത്തൻ R15ന്. പൂർണമായും റീഡിസൈൻ ചെയ്ത ഫെയറിങ്, വിൻഡ്സ്ക്രീൻ എന്നിവയോടൊപ്പം എൽഇഡി ഹെഡ്ലൈറ്റ് കൂടെ ചേരുമ്പോൾ പുതുമ തീർച്ചയായും അവകാശപ്പെടാം. ഹെഡ് ലാമ്പിന് ഇരുവശത്തുമായി എയർ ഡക്റ്റുകളുടെ മുകളിൽ ക്രമീകരിച്ചിരിക്കുന്ന ഡേടൈം റണ്ണിങ് ലാംപ്, പരിഷ്കരിച്ച എക്സ്ഹോസ്റ്റ് മഫ്ളർ, സ്റ്റെപ്-അപ്പ് സീറ്റ് എന്നിവയാണ് മറ്റുള്ള ആകർഷണങ്ങൾ.
സിൽവർ നിറത്തിന്റെ അതിപ്രസരമുള്ള ലിവെറിയാണ് R15M പതിപ്പിന്. അതെ സമയം R15Mനെ സ്പെഷ്യലാക്കുന്നത് ബ്ലൂടൂത്ത് കണക്ടിവിറ്റിയുള്ള പരിഷ്കരിച്ച ഇൻസ്ട്രുമെന്റ് ക്ലസ്റ്ററാണ്. ഒപ്പം, നീല നിറത്തിലുള്ള അലോയ് വീലുകൾ, വ്യത്യസ്തമായ സീറ്റ് കവർ എന്നിവ R15M പതിപ്പിന്റെ ആകർഷങ്ങളാണ്.
2019ൽ YZF-R15 വേർഷൻ 3.0യെ ആഗോള വിപണിയിൽ യമഹ അവതരിപ്പിച്ചപ്പോൾ അപ്സൈഡ് ഡൗൺ സസ്പെൻഷൻ ഉൾപെടുത്തിയിരുന്നെങ്കിലും വില പിടിച്ചു നിർത്താൻ ഇന്ത്യ-സ്പെക് മോഡലിൽ ടെലിസ്കോപിക് സസ്പെൻഷൻ തുടരുകയായിരുന്നു. എന്നാൽ പുത്തൻ R15 V4.0ന്റെ മുൻ ടയറുകൾക്ക് അപ്സൈഡ് ഡൗൺ സസ്പെൻഷനാണ്. ഇത് കൂടാതെ സ്ട്രീറ്റ്, ട്രാക്ക് എന്നിങ്ങനെ രണ്ട് ഡിസ്പ്ലേ മോഡുകൾ, ട്രാക്ഷൻ കണ്ട്രോൾ സംവിധാനം എന്നിവ പുതുതായി R15 V4.0ൽ യമഹ അവതരിപ്പിച്ചിട്ടുണ്ട്. R15M, റേസിംഗ് ബ്ലൂ പതിപ്പുകൾക്കൊപ്പം ക്വിക്ക്ഷിഫ്റ്ററും അധികമായി നൽകിയിട്ടുണ്ട്.
155 സിസി, സിംഗിൾ-സിലിണ്ടർ, ലിക്വിഡ്-കൂൾഡ് എൻജിൻ തന്നെയാണ് R15 V4.0നെയും ചലിപ്പിക്കുന്നത്. നിലവിലെ മോഡലിനേക്കാൾ 0.3 എച്ച്പി പവർ കുറഞ്ഞ് 18.4 എച്ച്പി പവറും, 14.2 എൻഎം ടോർക്കുമാണ് ഈ എൻജിൻ നിർമ്മിക്കുന്നത്. വേരിയബിൾ വാൽവ് ആക്റ്റുവേഷൻ (വിവിഎ) ഉള്ള ഫ്യുവൽ-ഇൻജക്റ്റഡ് മോട്ടോർ 6 സ്പീഡ് ഗിയർബോക്സുമായി ബന്ധിപ്പിച്ചിരിക്കുന്നു.
മോഡൽ | എക്സ്-ഷോറൂം വില |
R15 മെറ്റാലിക് റെഡ് | Rs 1,67,800 |
R15 ഡാർക്ക് നൈറ്റ് | Rs 1,68,800 |
R15 റേസിംഗ് ബ്ലൂ | Rs 1,72,800 |
R15M | Rs 1,77,800 |
R15 മോൺസ്റ്റർ എനർജി | Rs 1,79,800 |
യമഹ R15 V4.0 - മാറ്റങ്ങൾ എന്തൊക്കെ?
യമഹയുടെ ഡിസ്പ്ലേസ്മെന്റ് കൂടിയ YZF-R7 സൂപ്പർബൈക്കിനോട് സാദൃശ്യമുള്ള ഡിസൈൻ ആണ് പുത്തൻ R15ന്. പൂർണമായും റീഡിസൈൻ ചെയ്ത ഫെയറിങ്, വിൻഡ്സ്ക്രീൻ എന്നിവയോടൊപ്പം എൽഇഡി ഹെഡ്ലൈറ്റ് കൂടെ ചേരുമ്പോൾ പുതുമ തീർച്ചയായും അവകാശപ്പെടാം. ഹെഡ് ലാമ്പിന് ഇരുവശത്തുമായി എയർ ഡക്റ്റുകളുടെ മുകളിൽ ക്രമീകരിച്ചിരിക്കുന്ന ഡേടൈം റണ്ണിങ് ലാംപ്, പരിഷ്കരിച്ച എക്സ്ഹോസ്റ്റ് മഫ്ളർ, സ്റ്റെപ്-അപ്പ് സീറ്റ് എന്നിവയാണ് മറ്റുള്ള ആകർഷണങ്ങൾ.
സിൽവർ നിറത്തിന്റെ അതിപ്രസരമുള്ള ലിവെറിയാണ് R15M പതിപ്പിന്. അതെ സമയം R15Mനെ സ്പെഷ്യലാക്കുന്നത് ബ്ലൂടൂത്ത് കണക്ടിവിറ്റിയുള്ള പരിഷ്കരിച്ച ഇൻസ്ട്രുമെന്റ് ക്ലസ്റ്ററാണ്. ഒപ്പം, നീല നിറത്തിലുള്ള അലോയ് വീലുകൾ, വ്യത്യസ്തമായ സീറ്റ് കവർ എന്നിവ R15M പതിപ്പിന്റെ ആകർഷങ്ങളാണ്.
2019ൽ YZF-R15 വേർഷൻ 3.0യെ ആഗോള വിപണിയിൽ യമഹ അവതരിപ്പിച്ചപ്പോൾ അപ്സൈഡ് ഡൗൺ സസ്പെൻഷൻ ഉൾപെടുത്തിയിരുന്നെങ്കിലും വില പിടിച്ചു നിർത്താൻ ഇന്ത്യ-സ്പെക് മോഡലിൽ ടെലിസ്കോപിക് സസ്പെൻഷൻ തുടരുകയായിരുന്നു. എന്നാൽ പുത്തൻ R15 V4.0ന്റെ മുൻ ടയറുകൾക്ക് അപ്സൈഡ് ഡൗൺ സസ്പെൻഷനാണ്. ഇത് കൂടാതെ സ്ട്രീറ്റ്, ട്രാക്ക് എന്നിങ്ങനെ രണ്ട് ഡിസ്പ്ലേ മോഡുകൾ, ട്രാക്ഷൻ കണ്ട്രോൾ സംവിധാനം എന്നിവ പുതുതായി R15 V4.0ൽ യമഹ അവതരിപ്പിച്ചിട്ടുണ്ട്. R15M, റേസിംഗ് ബ്ലൂ പതിപ്പുകൾക്കൊപ്പം ക്വിക്ക്ഷിഫ്റ്ററും അധികമായി നൽകിയിട്ടുണ്ട്.
155 സിസി, സിംഗിൾ-സിലിണ്ടർ, ലിക്വിഡ്-കൂൾഡ് എൻജിൻ തന്നെയാണ് R15 V4.0നെയും ചലിപ്പിക്കുന്നത്. നിലവിലെ മോഡലിനേക്കാൾ 0.3 എച്ച്പി പവർ കുറഞ്ഞ് 18.4 എച്ച്പി പവറും, 14.2 എൻഎം ടോർക്കുമാണ് ഈ എൻജിൻ നിർമ്മിക്കുന്നത്. വേരിയബിൾ വാൽവ് ആക്റ്റുവേഷൻ (വിവിഎ) ഉള്ള ഫ്യുവൽ-ഇൻജക്റ്റഡ് മോട്ടോർ 6 സ്പീഡ് ഗിയർബോക്സുമായി ബന്ധിപ്പിച്ചിരിക്കുന്നു.