ജാപ്പനീസ് കാർ നിർമ്മാതാക്കളായ ടൊയോട്ടയുടെ ഇന്ത്യയിലെ വാഹനശ്രേണിയിലേ ഹൈബ്രിഡ് താരം ആണ് കാംറി. ലോക്ക്ഡൗൺ തീരാൻ ദിവസങ്ങൾ ബാക്കി നിൽക്കേ കാംറിയുടെ ബിഎസ്6 വകഭേദം ടൊയോട്ട വില്പനക്കെത്തിച്ചു. പുത്തൻ മോഡലിന് Rs 37.88 ലക്ഷം ആണ് ഡൽഹിയിൽ എക്സ്-ഷോറൂം വില. ബിഎസ്4 മോഡലിനേക്കാൾ Rs 93,000 രൂപ കൂടുതലാണ് ബിഎസ്6 കാംറിയ്ക്ക്. Rs 38.16 ലക്ഷം ആണ് കാംറി ഹൈബ്രിഡിന് കൊച്ചിയിൽ എക്സ്-ഷോറൂം വില.
2.5 ലിറ്റർ പെട്രോൾ എൻജിനും ഇലക്ട്രിക്ക് മോട്ടോറും ചേർന്ന ഹൈബ്രിഡ് എൻജിൻ ഭാരത് സ്റ്റേജ് 6 മലിനീകരണ നിയന്ത്രണ മാനദണ്ഡങ്ങൾക്ക് അനുസരിച്ച് പരിഷ്കരിച്ചാണ് പുത്തൻ ടൊയോട്ട കാംറിയിൽ എത്തിയിരിക്കുന്നത്. പെട്രോള് എന്ജിനില് നിന്നുള്ള 176 ബിഎച്പിയും ഇലക്ട്രിക്ക് മോട്ടോറിൽ നിന്നുളള 32 ബിഎച്പിയും ചേർന്ന് 208 ബിഎച്ച്പി ആണ് ഈ ഹൈബ്രിഡ് എൻജിന്റെ ഔട്പുട്ട്. 221 എന്എം ടോര്ക്ക് നിർമ്മിക്കുന്ന എൻജിൻ 6 സ്പീഡ് സിവിടി ഓട്ടോമാറ്റിക് ഗിയർബോക്സുമായാണ് ബന്ധിപ്പിച്ചിരിക്കുന്നത്.
ടൊയോട്ട റേവ് 4 അടിസ്ഥാനമാക്കിയ സുസുക്കി എസ്യുവി വരുന്നു
ടൊയോട്ടയുടെ പുതിയ തലമുറ വാഹനങ്ങൾ അടിസ്ഥാനപ്പെടുത്തിയ TNGA-K (ടൊയോട്ട ന്യൂ ഗ്ലോബല് ആര്ക്കിടെക്ച്ചര്) പ്ലാറ്റ്ഫോമിലാണ് കാംറിയും നിർമ്മിച്ചിരിക്കുന്നത്. എല്ഇഡി ഡേടൈം റണ്ണിങ് ലാമ്പുകൾ ചേർന്ന പ്രൊജക്ഷന് ഹെഡ്ലാമ്പ്, ലെക്സസ് മോഡലുകളിലേതിന് സമാനമായ വലിയ ഗ്രില്, വലിയ എയര്ഡാം, റീഡിസൈൻ ചെയ്ത ബമ്പർ എന്നിങ്ങനെ 2019 മോഡൽ കാംറിയിലെ മാറ്റങ്ങൾ ബിഎസ്6 പതിപ്പിലും മാറ്റമില്ലാതെ തുടരുന്നു. ടൊയോട്ടയുടെ മറ്റൊരു ഹൈബ്രിഡ് മോഡലായ പ്രയസിന് സമാനമായ ടെയ്ല്ലാമ്പ്, ട്വിന് പൈപ്പ് എക്സ്ഹോസ്റ്റ്, ഫൈവ് സ്പോക്ക് അലോയ് വീലുകള് എന്നിവയാണ് കാംറിയുടെ മറ്റുള്ള ആകർഷണങ്ങൾ.
ടൊയോട്ടയുടെ 'വിറ്റാര ബ്രെസ' ഉടൻ; ഇതാവും പേര്
വുഡന് പാനലിങ് ഉള്ള ഡാഷ്ബോര്ഡ്, 8 ഇഞ്ച് ടച്ച് സ്ക്രീന് ഇന്ഫോടെയ്ന്മെന്റ് സിസ്റ്റം, 10 ഇഞ്ച് ഹെഡ്സ്അപ് ഡിസ്പ്ലേ, 7 ഇഞ്ച് ഇന്സ്ട്രുമെന്റ് ക്ലസ്റ്റര്, മള്ട്ട് ഫങ്ഷന് സ്റ്റിയറിങ് വീല് എന്നിവയാണ് ഇന്റീരിയറിലെ പ്രത്യേകതകൾ. പത്ത് എയര്ബാഗ്, സ്റ്റെബിലിറ്റി കണ്ട്രോള്, ട്രാക്ഷന് കണ്ട്രോള്, എബിഎസ്, ഇബിഡി, ബ്രേക്ക് അസിസ്റ്റ്, സ്മാര്ട്ട് സ്റ്റോപ്പ് ടെക്നോളജി എന്നിവയാണ് സുരക്ഷാ ഫീച്ചറുകൾ.