2021 ഫോക്സ്വാഗൺ പോളോ
ഒരു മിഡ്ലൈഫ് ഫേസ്-ലിഫ്റ്റ് ആയതുകൊണ്ട് തന്നെ ആറാം തലമുറ പോളോയുടെ ആകാരത്തിന് കാര്യമായ മാറ്റം വരുത്താതെയാണ് 2021 പോളോ ഒരുക്കിയിരിക്കുന്നത്. കൂടുതൽ ഷാർപ്പ് ആയ റീഡിസൈൻ ചെയ്ത ഹെഡ്‍ലാംപ് ആണ് മുൻകാഴ്ചയിൽ ആകർഷണം. വാഹനത്തിന്റെ അത്രയും തന്നെ വീതിയിൽ ഹെഡ്‍ലാംപ്, ഗ്രിൽ എന്നീ ഭാഗങ്ങൾ ഉൾക്കൊള്ളിച്ച് ക്രമീകരിച്ചിരിക്കുന്ന ഡേടൈം റണ്ണിങ് ലാംപ് സ്ട്രിപ്പ് ആണ് മുൻകാഴ്ചയിലെ മറ്റൊരു ആകർഷണം. ഏകദേശം പുത്തൻ ടിഗുവാനോട് സാമ്യം തോന്നുന്ന വിധമാണ് മുൻഭാഗത്തിന്റെ ഡിസൈൻ. വീതി കൂടിയ ടെയിൽ ലൈറ്റാണ് പിൻകാഴ്ചയിലെ ആകർഷണം. ആഗോള നിരയിലെ ഗോൾഫ് കാറിന് സമാനമായി അല്പം തള്ളി നിൽക്കും വിധമാണ് ടെയിൽ ലൈറ്റ് ഡിസൈൻ. വശങ്ങളിൽ കാര്യമായ മാറ്റങ്ങളില്ല എങ്കിലും പുത്തൻ ഡിസൈനിലുള്ള അലോയ് വീലുകൾ പുതുമ നൽകുന്നു.
2021 പോളോ - ഇന്റീരിയർ
9.2 ഇഞ്ച് വലിപ്പമുള്ള ടച്ച്സ്ക്രീൻ ആണ് ഇന്റീരിയറിലെ പ്രധാന ആകർഷണം. ടച് ബട്ടൺ വഴി ക്രമീകരിക്കാവുന്ന ക്ലൈമറ്റ് കണ്ട്രോൾ ക്രമീകരണങ്ങൾ പുത്തൻ ടിഗുവാനും ആർടെയോണും സമാനമാണ്. പൂർണമായും ഡിജിറ്റൽ ആയ ഇൻസ്ട്രുമെന്റ് ക്ലസ്റ്ററും 2021 പോളോയുടെ ഇന്റീരിയറിൽ ഇടം പിടിച്ചിട്ടുണ്ട്. അഡാപ്റ്റീവ് ക്രൂയിസ് കണ്ട്രോൾ, ലൈൻ കീപ്പിങ് അസിസ്റ്റ് എന്നിവയും പോളോയുടെ ഇന്റീരിയറിൽ ഇടം പിടിച്ചിട്ടുണ്ട്.
ഫോക്സ്വാഗൺ പോളോ മാറ്റ് എഡിഷൻ വിപണിയിലേക്ക്
2021 പോളോ - എൻജിൻ
3 പെട്രോൾ എൻജിൻ ഓപ്ഷനുകളാണ് 2021 പോളോയ്ക്ക്. 79 ബിഎച്പി പവർ നിർമിക്കുന്ന 1 ലിറ്റർ എംപിഐ പെട്രോൾ എൻജിൻ 5 സ്പീഡ് എഞ്ചിനുമായാണ് ബന്ധിപ്പിച്ചിരിക്കുന്നത്. അതിനു മുകളിലായി 94 ബിഎച്പി പവർ നിർമിക്കുന്ന 1.0 ടിഎസ്ഐ എൻജിൻ 5 സ്പീഡ് മാന്വൽ, 7 സ്പീഡ് ഡിഎസ്ജി ഗിയർബോക്‌സുകളിൽ ലഭ്യമാണ്. ഇത് കൂടാതെ 109 ബിഎച്പി പവർ നിർമ്മിക്കുന്ന പെട്രോൾ എൻജിൻ 7 സ്പീഡ് ഡിഎസ്ജി ഗിയർബോക്‌സിൽ ലഭ്യമാണ്. കഴിഞ്ഞില്ല, 200 ബിഎച്പി പവർ നിർമിക്കുന്ന 2.0-ലിറ്റർ ടിഎസ്ഐ ടർബോ പെട്രോൾ എൻജിൻ 7 സ്പീഡ് ഡിഎസ്ജി എഞ്ചിനുമായി ജിടിഐ വേരിയന്റിൽ പിന്നീട് എത്തും.
4 എസ്‌യുവികളെ കളത്തിലിറക്കി ഇന്ത്യൻ വിപണി കീഴടക്കാൻ ഫോക്സ്വാഗൺ
പുത്തൻ പോളോ ഇന്ത്യയിലെത്തുമോ?
ഓട്ടോക്കാർ റിപ്പോർട്ട് ചെയ്യുന്നതനുസരിച്ച് ഫോക്സ്വാഗൺ ഇന്ത്യയിൽ ആറാം തലമുറ പോളോ അവതരിപ്പിക്കുന്നതിനെപ്പറ്റിയുള്ള ചർച്ചകളിലാണ്. സ്‌കോഡയും ഫോക്സ്‍വാഗനും ചേർന്ന ഇന്ത്യൻ ഉപകമ്പനി അടുത്തിടെ MQB A0 IN എന്ന പേരിൽ വിലക്കുറവുള്ള ഒരു പ്ലാറ്റ്‌ഫോം വികസിപ്പിച്ചു. ഉടൻ വില്പനക്കെത്തുന്ന സ്കോഡ കുഷാഖ്, ഫോക്സ്വാഗൺ ടൈഗൂൺ എസ്‌യുവികൾ ഈ പ്ലാറ്റ്‌ഫോം അടിസ്ഥാനമായാണ് നിർമ്മിച്ചിരിക്കുന്നത്. ഇതേ പ്ലാറ്റ്‌ഫോം ഉപയോഗപ്പെടുത്തി പുത്തൻ പോളോയെയും ഇന്ത്യൻ അവതരിപ്പിക്കാനുള്ള സാദ്ധ്യത തേടുകയാണ് ഫോക്സ്വാഗൺ എന്ന് ബ്രാൻഡ് ഡയറക്ടർ ആശിഷ് ഗുപ്ത വ്യക്തമാക്കി. അതെ സമയം അന്തിമ തീരുമാനം ഇതുവരെ കൈക്കൊണ്ടിട്ടില്ല.