ആസ്റ്റൺ മാർട്ടിന്റെ ആഡംബര എസ്‌യുവി ഡിബിഎക്‌സ് ഇന്ത്യയിൽ; വില 3.82 കോടി

ബ്രിട്ടീഷ് ആഡംബര കാർ നിർമ്മാതാക്കളായ ആസ്റ്റൺ മാർട്ടിൻ തങ്ങളുടെ ഏക പ്രീമിയം എസ്‌യുവിയായ ഡിബിഎക്‌സ് ഇന്ത്യയിലവതരിപ്പിച്ചു. 3.82 കോടി രൂപയാണ് ഡിബിഎക്‌സിന്റെ ഇന്ത്യയിലെ എക്‌സ്-ഷോറൂം വില. ഈ വർഷം ഇന്ത്യയിൽ ലോഞ്ച് ചെയ്യുന്ന ആദ്യ പെർഫോമൻസ് എസ്‌യുവിയാണ് ആസ്റ്റൺ മാർട്ടിൻ ഡിബിഎക്‌സ്.

5,039 മില്ലിമീറ്റർ നീളമുള്ള 5 സീറ്റർ ആഡംബര എസ്‌യുവിയാണ് ആസ്റ്റൺ മാർട്ടിൻ ഡിബിഎക്‌സ്. ഡ്യുവൽ എയർ വെന്റുകളും കമ്പനിയുടെ ഡിബി കാറുകളിലെ സ്ഥിരം സാന്നിധ്യമായ ഗ്രിൽ ഡിസൈനും, ക്ലാംഷെൽ ബോണറ്റും ചേർന്ന മുഖമാണ് ഡിബിഎക്‌സിന്. സ്പോർടിയായ മുൻ ഗ്രില്ലിന്റെ താഴ്ഭാഗത്താണ് എൽഇഡി ഡേ ടൈംറണ്ണിങ് ലാമ്പുകളാൽ കവർ ചെയ്ത എയർ ഡക്ട്.

2021 സഫാരി അവതരിപ്പിച്ച് ടാറ്റ, ഇനി ഹാരിയറിന്റെ ചേട്ടൻ എസ്‌യുവി
ഫ്ലഷ് ഫിറ്റ് ഡോർ ഹാൻഡിലുകൾ, ഫ്രെയിംലെസ് ഡോർ, വിൻഡോയിലുള്ള ക്രോം സ്ട്രൈപ്പുകൾ എന്നിവ വശങ്ങളിലെ ഭംഗി വർദ്ധിപ്പിക്കുന്നു. എസ്‌യുവി ശരീരഭാഷയ്ക്ക് യോജിക്കും വിധം 22 ഇഞ്ച് വലിപ്പമുള്ള അലോയ് വീലുകൾ ആണ് ഡിബിഎക്‌സിൽ. ആസ്റ്റൺ മാർട്ടിന്റെ സ്പോർട്സ് കാറായ വാന്റേജിനോട് സാമ്യം തോന്നും വിധമാണ് പിൻ വശം. റൂഫിൽ ഘടിപ്പിച്ച സ്‌പോയ്‌ലർ, പവർഡ് ടെയിൽ ഗേറ്റ്, ട്വിൻ എക്‌സ്‌ഹോസ്റ്റ് ടെയിൽ പൈപ്പുകൾ എന്നിവ ഡിബിഎക്‌സിന്റെ സ്പോർട്ട് ലുക്ക് പൂർണമാക്കുന്നു.


12.3 ഇഞ്ച് ഡിജിറ്റൽ ഡ്രൈവർ ഡിസ്‌പ്ലേയാണ് ആസ്റ്റൺ മാർട്ടിൻ എസ്‌യുവിയിൽ. അതിനു മുന്നിലായി ഡ്യുവൽ ടോൺ ഹീറ്റഡ് സ്റ്റിയറിങ് പാനൽ ക്രമീകരിച്ചിരിക്കുന്നു. 10.25 ഇഞ്ച് ഹൈ-ഡെഫനിഷൻ ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം ആണ് ഡാഷ്‌ബോർഡിന്റെ മധ്യഭാഗത്തായി ക്രമീകരിച്ചിരിക്കുന്നത്. പൂർണമായും ലെതറിൽ പൊതിഞ്ഞ അപ്ഹോൾസ്റ്ററിയുടെ ക്വിൾട്ടിംഗ്, എംബ്രോയിഡറി എന്നിവ ഉപഭോക്താവിന്റെ ഇഷ്ടാനുസരണം തിരഞ്ഞെടുക്കാം. പനോരമിക് സൺറൂഫ്, ഡ്യുവൽ സോൺ 64 കളർ ആംബിയന്റ് ലൈറ്റിംഗ്, യുഎസ്ബി പോർട്ടുകൾ, മുന്നിലും രണ്ടാം നിരയിലും 12V പവർ സോക്കറ്റുകൾ, 360 ഡിഗ്രി സറൗണ്ട് ക്യാമറ, അൽകന്റാര ഹെഡ്‌ലൈനിംഗ് എന്നിവയാണ് ഇന്റീരിയറിലെ മറ്റ് പ്രധാന സവിശേഷതകൾ.

ഉണ്ണിമുകുന്ദൻ ഇനി 'പറപറക്കും', ഡ്യുക്കാട്ടിയുടെ സൂപ്പർബൈക്കിൽ

മെഴ്‌സിഡസ്-എഎംജി നൽകുന്ന 4.0 ലിറ്റർ ട്വിൻ-ടർബോചാർജ്ഡ് V8 എൻജിനാണ് ആസ്റ്റൺ മാർട്ടിൻ ഡിബിഎക്‌സിനെ ചലിപ്പിക്കുന്നത്, 542 ബിഎച്ച്പി കരുത്തും 700 എൻഎം ടോർക്കുമാണ് ഈ എൻജിൻ നിർമ്മിക്കുന്നത്. നിന്ന നിൽപ്പിൽ നിന്നും മണിക്കൂറിൽ 100 കിലോമീറ്റർ വരെ വേഗതയെത്താൻ ആസ്റ്റൺ മാർട്ടിൻ ഡിബിഎക്‌സിന് 4.5 സെക്കൻഡ് മതി. ഉയർന്ന വേഗത മണിക്കൂറിൽ 291 കിലോമീറ്റർ ആയി പരിമിതപ്പെടുത്തിയിരിക്കുന്നു. ഒൻപത് സ്പീഡ് ടോർക്ക് കൺവെർട്ടർ ഓട്ടോമാറ്റിക് ഗിയർബോക്സ് ഓൾ-വീൽ ഡ്രൈവ് സിസ്റ്റത്തിലൂടെ എൻജിൻ പവർ ഡിബിഎക്‌സിൻ്റെ നാല് വീലുകളിലേക്കും എത്തിക്കുന്നു.

സ്വന്തമായി ബാറ്റ്മൊബൈൽ! സിറം ഇൻസ്റ്റിറ്റിയൂട്ടിന്റെ അദാർ പൂനവാല ഒരൊന്നൊന്നര വണ്ടിപ്രാന്തൻ

ഓഡി ആർ‌എസ് ക്യു8, ലംബോർഗിനി ഉറൂസ് , ബെന്റ്ലി ബെന്റെയ്ഗ, റോൾസ് റോയ്‌സ് കള്ളിനൻ, പോർഷ കയേൻ എന്നിവയാണ് ആസ്റ്റൺ മാർട്ടിൻ ഡിബിഎക്‌സിൻ്റെ എതിരാളികൾ.