ഫ്രഞ്ച് വാഹന നിർമ്മാതാക്കളായ സിട്രോൺ ഇന്ത്യൻ ഇന്നിംഗ്സ് ആരംഭിക്കുകയാണ്. ആഗോള വിപണിയിൽ ഏറെ ഡിമാന്റുള്ള മിഡ്-സൈസ് എസ്യുവി സി5 എയർക്രോസ്സ് ആണ് സിട്രോണിന്റെ ഇന്ത്യയിലെ ആദ്യ വാഹനം. തുടക്കത്തിൽ 10 ഡീലർഷിപ്പുകളിലൂടെ വിപണിയിലെത്തുന്ന സി5 എയർക്രോസ്സ് എസ്യുവിയുടെ ബുക്കിങ് കമ്പനി ആരംഭിച്ചു. മാർച്ച് 1 മുതൽ ഏപ്രിൽ 6 വരെ സിട്രോൺ സി5 എയർക്രോസ്സ് ബുക്ക് ചെയ്യുന്നവർക്ക് 5 വർഷം/50,000 കിലോമീറ്റർ മൈന്റെനൻസ് പാക്കേജ് ആണ് സിട്രോൺ സൗജന്യമായി നൽകുന്നത്. സർവീസ് ഷെഡ്യൂളിൽ പറഞ്ഞിരിക്കുന്ന പാർട്സുകളും സൗജന്യ മൈന്റെനൻസ് പാക്കേജിന്റെ ഭാഗമാണ്. അതെ സമയം വീൽ ബാലൻസിങ്, വീൽ അലൈൻമെന്റ് തുടങ്ങിയ കാര്യങ്ങൾ ഈ പാക്കേജിന്റെ ഭാഗമായി വരില്ല. ബുക്ക് ചെയ്യുന്നവർ ജൂൺ 30നുള്ളിൽ വാഹനത്തിന്റെ ഡെലിവറി എടുക്കുകയും ചെയ്യണം.
ഏപ്രിൽ 6 വരെ വരെയുള്ള ഈ ഓഫർ സി5 എയർക്രോസ്സ് എസ്യുവിയുടെ ലോഞ്ച് ഏപ്രിൽ 7ന് ആയിരിക്കും എന്നുള്ളതുസംബന്ധിച്ചും സൂചനകൾ നൽകുന്നു. അതെ സമയം കമ്പനി ഇതേപ്പറ്റി വിവരങ്ങൾ പുറത്ത് വിട്ടിട്ടില്ല.
സിട്രോൺ സി5 എയർക്രോസ്സ്
ഏകദേശം 30 ലക്ഷത്തിനടുത്ത് വില പ്രതീക്ഷിക്കുന്ന സിട്രോൺ സി5 എയർക്രോസ്സ് എസ്യുവി ഫീൽ, ഷൈൻ എന്നിങ്ങനെ രണ്ട് പതിപ്പുകളിൽ വിപണിയിലെത്തും. വ്യത്യസ്തമായ ഡിസൈൻ ആണ് എസ്യുവിയുടെ ആകർഷണം. എക്സ്റ്റീരിയറിലെ ചുവപ്പ് ഹൈലൈറ്റുകൾ, വലിപ്പമേറിയ ഗ്രിൽ, ഹെഡ്ലാംപ് ക്ലസ്റ്റർ എന്നിവ സിട്രോൺ സി5 എയർക്രോസിൻ്റെ പ്രത്യേകതകളാണ്. പേൾ വൈറ്റ്, കുമുലസ് ഗ്രേ, ടിജുക്ക ബ്ലൂ, പെർല നെറാ ബ്ലാക്ക് എന്നിങ്ങനെ നാല് നിറങ്ങളിലാണ് സിട്രോൺ സി5 എയർക്രോസ്സ് വാങ്ങാൻ സാധിക്കുക.
ലുക്ക് മാറ്റിപ്പിടിച്ച് 2021 ജീപ്പ് കോമ്പസ് വിപണിയിൽ; വില 16.99 ലക്ഷം മുതൽ
4500 മില്ലീമീറ്റർ നീളവും 2099 മില്ലീമീറ്റർ വീതിയും 1710 മില്ലീമീറ്റർ ഉയരവുമുള്ള 5 സീറ്റർ എസ്യുവിയാണ് സി5 എയർക്രോസ്സ്. 2730 എംഎം വീൽബേസും ടോപ്പ്-സ്പെക്ക് ഷൈൻ ട്രിമിന് ഹാൻഡ്സ് ഫ്രീ ഇലക്ട്രിക് ടെയിൽഗേറ്റ് ഫങ്ക്ഷനുമുണ്ട്. സിട്രോണിന്റെ പ്രോഗ്രസ്സീവ് ഹൈഡ്രോളിക് കുഷ്യൻസ് സസ്പെൻഷൻ സജ്ജീകരണവും സി5 എയർക്രോസ്സിനുണ്ട്.
ഇന്റീരിയറിൽ ആപ്പിൾ കാർപ്ലേ, ആൻഡ്രോയിഡ് ഓട്ടോ എന്നീ കണക്ടിവിറ്റിയുള്ള 8 ഇഞ്ച് ടച്ച്സ്ക്രീൻ ഡിസ്പ്ലേയാണ് എസ്യുവിക്ക്. 6 സ്പീക്കർ ഓഡിയോ സിസ്റ്റം, സ്റ്റിയറിങ്ങിൽ മൗണ്ട് ചെയ്തിരിക്കുന്ന കൺട്രോൾ ബട്ടണുകൾ, ഡ്യുവൽ-സോൺ ക്ലൈമറ്റ് കൺട്രോൾ, പാർക്ക് അസിസ്റ്റ് ഫംഗ്ഷൻ, ഇലക്ട്രിക്കലായി ക്രമീകരിക്കാവുന്ന ഡ്രൈവർ സീറ്റ്, പനോരമിക് സൺറൂഫ്, കീലെസ് എൻട്രി, പുഷ്-ബട്ടൺ സ്റ്റാർട്ട് എന്നിവയാണ് പ്രധാന ഫീച്ചറുകൾ.
ഇവരാണ് മലയാള സിനിമയിലെ സൂപ്പർബൈക്ക് ഉടമകളായ നടൻമാർ
177 എച്ച്പി പവറും 400 എൻഎം ടോർക്കും നിർമ്മിക്കുന്ന 2.0-ലിറ്റർ ഡീസൽ എഞ്ചിനിലാണ് ഇന്ത്യയ്ക്കായുള്ള സി5 എയർക്രോസ്സ് ഒരുങ്ങുന്നത്. 8-സ്പീഡ് ടോർക് കൺവെർട്ടർ ഓട്ടോമാറ്റിക് ഗിയർബോക്സുമായാണ് ഈ എൻജിൻ ബന്ധിപ്പിക്കുക. 18.6 കിലോമീറ്റർ ആണ് ലിറ്ററിന് സി5 എയർക്രോസ്സ് നൽകുന്ന ഇന്ധനക്ഷമത എന്ന് സിട്രോൺ അവകാശപ്പെടുന്നത്.
ഏപ്രിൽ 6 വരെ വരെയുള്ള ഈ ഓഫർ സി5 എയർക്രോസ്സ് എസ്യുവിയുടെ ലോഞ്ച് ഏപ്രിൽ 7ന് ആയിരിക്കും എന്നുള്ളതുസംബന്ധിച്ചും സൂചനകൾ നൽകുന്നു. അതെ സമയം കമ്പനി ഇതേപ്പറ്റി വിവരങ്ങൾ പുറത്ത് വിട്ടിട്ടില്ല.
സിട്രോൺ സി5 എയർക്രോസ്സ്
ഏകദേശം 30 ലക്ഷത്തിനടുത്ത് വില പ്രതീക്ഷിക്കുന്ന സിട്രോൺ സി5 എയർക്രോസ്സ് എസ്യുവി ഫീൽ, ഷൈൻ എന്നിങ്ങനെ രണ്ട് പതിപ്പുകളിൽ വിപണിയിലെത്തും. വ്യത്യസ്തമായ ഡിസൈൻ ആണ് എസ്യുവിയുടെ ആകർഷണം. എക്സ്റ്റീരിയറിലെ ചുവപ്പ് ഹൈലൈറ്റുകൾ, വലിപ്പമേറിയ ഗ്രിൽ, ഹെഡ്ലാംപ് ക്ലസ്റ്റർ എന്നിവ സിട്രോൺ സി5 എയർക്രോസിൻ്റെ പ്രത്യേകതകളാണ്. പേൾ വൈറ്റ്, കുമുലസ് ഗ്രേ, ടിജുക്ക ബ്ലൂ, പെർല നെറാ ബ്ലാക്ക് എന്നിങ്ങനെ നാല് നിറങ്ങളിലാണ് സിട്രോൺ സി5 എയർക്രോസ്സ് വാങ്ങാൻ സാധിക്കുക.
ലുക്ക് മാറ്റിപ്പിടിച്ച് 2021 ജീപ്പ് കോമ്പസ് വിപണിയിൽ; വില 16.99 ലക്ഷം മുതൽ
4500 മില്ലീമീറ്റർ നീളവും 2099 മില്ലീമീറ്റർ വീതിയും 1710 മില്ലീമീറ്റർ ഉയരവുമുള്ള 5 സീറ്റർ എസ്യുവിയാണ് സി5 എയർക്രോസ്സ്. 2730 എംഎം വീൽബേസും ടോപ്പ്-സ്പെക്ക് ഷൈൻ ട്രിമിന് ഹാൻഡ്സ് ഫ്രീ ഇലക്ട്രിക് ടെയിൽഗേറ്റ് ഫങ്ക്ഷനുമുണ്ട്. സിട്രോണിന്റെ പ്രോഗ്രസ്സീവ് ഹൈഡ്രോളിക് കുഷ്യൻസ് സസ്പെൻഷൻ സജ്ജീകരണവും സി5 എയർക്രോസ്സിനുണ്ട്.
ഇന്റീരിയറിൽ ആപ്പിൾ കാർപ്ലേ, ആൻഡ്രോയിഡ് ഓട്ടോ എന്നീ കണക്ടിവിറ്റിയുള്ള 8 ഇഞ്ച് ടച്ച്സ്ക്രീൻ ഡിസ്പ്ലേയാണ് എസ്യുവിക്ക്. 6 സ്പീക്കർ ഓഡിയോ സിസ്റ്റം, സ്റ്റിയറിങ്ങിൽ മൗണ്ട് ചെയ്തിരിക്കുന്ന കൺട്രോൾ ബട്ടണുകൾ, ഡ്യുവൽ-സോൺ ക്ലൈമറ്റ് കൺട്രോൾ, പാർക്ക് അസിസ്റ്റ് ഫംഗ്ഷൻ, ഇലക്ട്രിക്കലായി ക്രമീകരിക്കാവുന്ന ഡ്രൈവർ സീറ്റ്, പനോരമിക് സൺറൂഫ്, കീലെസ് എൻട്രി, പുഷ്-ബട്ടൺ സ്റ്റാർട്ട് എന്നിവയാണ് പ്രധാന ഫീച്ചറുകൾ.
ഇവരാണ് മലയാള സിനിമയിലെ സൂപ്പർബൈക്ക് ഉടമകളായ നടൻമാർ
177 എച്ച്പി പവറും 400 എൻഎം ടോർക്കും നിർമ്മിക്കുന്ന 2.0-ലിറ്റർ ഡീസൽ എഞ്ചിനിലാണ് ഇന്ത്യയ്ക്കായുള്ള സി5 എയർക്രോസ്സ് ഒരുങ്ങുന്നത്. 8-സ്പീഡ് ടോർക് കൺവെർട്ടർ ഓട്ടോമാറ്റിക് ഗിയർബോക്സുമായാണ് ഈ എൻജിൻ ബന്ധിപ്പിക്കുക. 18.6 കിലോമീറ്റർ ആണ് ലിറ്ററിന് സി5 എയർക്രോസ്സ് നൽകുന്ന ഇന്ധനക്ഷമത എന്ന് സിട്രോൺ അവകാശപ്പെടുന്നത്.