പുതിയ വേരിയന്റ്
കഴിഞ്ഞ മാസം നാച്ചുറലി ആസ്പിറേറ്റഡ് എഞ്ചിനുള്ള സിട്രോൺ സി3 ഷൈൻ വേരിയന്റ് കമ്പനി പുറത്തിറക്കിയിരുന്നു. പരിഷ്കരിച്ച എഞ്ചിനും നിരവധി മികച്ച സവിശേഷതകളുമായിട്ടാണ് ഈ വാഹനം വരുന്നത്. സിട്രോൺ സി3 ടർബോ ഷൈൻ വേരിയന്റിൽ ഇലക്ട്രോണിക്കലി അഡ്ജസ്റ്റബിൾ ഒആർവിഎം ഉണ്ട്. പിൻ പാർക്കിങ് ക്യാമറ, ഡേ/നൈറ്റ് മാനുവൽ ഐആർവിഎം, 15 ഇഞ്ച് ഡയമണ്ട് കട്ട് അലോയ്കൾ, ഫോഗ് ലൈറ്റുകൾ, റിയർ വൈപ്പർ, വാഷർ, റിയർ സ്കിഡ് പ്ലേറ്റുകൾ, റിയർ ഡീഫോഗർ എന്നിവയെല്ലാം വാഹനത്തിലുണ്ട്.
Read More: വാങ്ങുന്നവരെ പറ്റിക്കുന്നോ?, അമിത വിലയിൽ വിൽപ്പന നടത്തുന്ന എസ്യുവികൾ ഇവയാണ്
സവിശേഷതകൾ
35 കണക്റ്റിവിറ്റി ഫീച്ചറുകളുള്ള കണക്റ്റഡ് കാർ സാങ്കേതികവിദ്യയടങ്ങുന്ന ഇൻഫോടെയ്ൻമെന്റ് യൂണിറ്റാണ് സിട്രോൺ സി3 ടർബോ ഷൈനിൽ ഉള്ളത്. ഇഎസ്പി, ഹിൽ ഹോൾഡ് അസിസ്റ്റ്, ടിപിഎംഎസ്, എഞ്ചിൻ ഓട്ടോ സ്റ്റാർട്ട്/സ്റ്റോപ്പ് എന്നിവയും ഈ വാഹനത്തിൽ സിട്രോൺ നൽകിയിട്ടുണ്ട്. രണ്ട് എഞ്ചിൻ ഓപ്ഷനുകളിലാണ് സിട്രോൺ സി3 വരുന്നത്. ഇന്ത്യൻ വിപണിയിൽ ബ്രാന്റ് അവതരിപ്പിച്ചിട്ടുള്ളതിൽ വച്ച് ഏറ്റവും വില കുറഞ്ഞ മോഡലാണ് സിട്രോൺ സി3. ഒരു ലിറ്റർ പെട്രോളിൽ 19.3 കിലോമീറ്റർ മൈലേജാണ് ഈ വാഹനം നൽകുന്നത്.
എഞ്ചിൻ
സിട്രോൺ സി3യിലെ ആദ്യത്തെ എഞ്ചിൻ 1.2 ലിറ്റർ ത്രീ-സിലിണ്ടർ നാച്ചുറലി ആസ്പിറേറ്റഡ് യൂണിറ്റാണ്. ഈ എഞ്ചിൻ 82 എച്ച്പി പവറും 115 എൻഎം ടോർക്കും ഉത്പാദിപ്പിക്കുന്നു. 5 സ്പീഡ് മാനുവൽ ട്രാൻസ്മിഷനുമായിട്ടാണ് ഈ എഞ്ചിൻ വരുന്നത്. വാഹനത്തിലെ രണ്ടാമത്തെ എഞ്ചിൻ 110 ബിഎച്ച്പി പവറും 190 എൻഎം ടോർക്കും ഉത്പാദിപ്പിക്കുന്ന 1.2 ലിറ്റർ, 3 സിലിണ്ടർ ടർബോചാർജ്ഡ് പെട്രോൾ എഞ്ചിനാണ്. 6 സ്പീഡ് മാനുവൽ ട്രാൻസ്മിഷനാണ് ഈ എഞ്ചിനൊപ്പം ഉള്ളത്. രണ്ട് എഞ്ചിനുകളും ബിഎസ്6 ഫേസ് II നിയന്ത്രണങ്ങൾ പാലിക്കുന്നു.
Read More: ക്രെറ്റയ്ക്ക് പണി കൊടുക്കാൻ വരുന്നവന്റെ പേര് എലവേറ്റ്; ഹോണ്ടയുടെ എസ്യുവി ജൂണിലെത്തും
വിപണിയിലെ മത്സരം
1.2 ലിറ്റർ ടർബോ പെട്രോൾ എഞ്ചിനുമായി വരുന്ന സിട്രോൺ സി3 ഇന്ത്യൻ വിപണിയിൽ മത്സരിക്കുന്നത് ടാറ്റ പഞ്ച്, മാരുതി ഇഗ്നിസ് എന്നിവയുടെ ഉയർന്ന വേരിയന്റുകളോടായിരിക്കും. പഞ്ചിനും ഇഗ്നിസിനും ടർബോ-പെട്രോൾ എഞ്ചിൻ ഓപ്ഷനില്ല എന്നത് സിട്രോണിന് ഗുണം ചെയ്യും. ഈ വിലനിലവാരത്തിൽ, സിട്രോൺ സി3 1.2 ടർബോ റെനോ കൈഗർ, നിസാൻ മാഗ്നെറ്റ് തുടങ്ങിയ കോംപാക്ട് എസ്യുവികളുടെ വില കുറഞ്ഞ വേരിയന്റുകളോടും മത്സരിക്കുന്നു. പുറത്തിറങ്ങാൻ പോകുന്നഹ്യുണ്ടായ് എക്സ്റ്ററിന്റെ പ്രധാന എതിരാളിയും സിട്രോൺ സി3 ടർ8ബോ ഷൈൻ ആയിരിക്കും.
ടർബോ എഞ്ചിൻ ആവശ്യമുള്ളവർക്കുള്ള വാഹനം
നൂതന സുരക്ഷാ ഫീച്ചറുകളുമായിട്ടാണ് പുതിയ തലമുറ III പ്യൂവർടെക് 110 ടർബോ എഞ്ചിൻ പുറത്തിറക്കിയിരിക്കുന്നത് എന്ന് സിട്രോൺ ഇന്ത്യ ബ്രാൻഡ് ഹെഡ് സൗരഭ് വത്സ വ്യക്തമാക്കി. നഗരങ്ങളിലും ഹൈവേകളിലും യാത്രക ചെയ്യുന്നതിന് യോജിച്ച രീതിയിൽ പ്രായോഗികതയും പെർഫോമൻസും നൽകുന്ന വാഹനമാണ് ഇതെന്നും അദ്ദേഹം കൂട്ടിച്ചേർത്തു. ടർബോ എഞ്ചിൻ വാഹനം അന്വേഷിക്കുന്ന ആളുകൾക്ക് തിരഞ്ഞെടുക്കാവുന്ന മികച്ച ചോയിസാണ് സിട്രോൺ സി3 ടർബോ ഷൈൻ.
Read More: പുതുമകളോടെ റെനോ കൈഗർ വിപണിയിലെത്തി, ഒപ്പം ആകർഷകമായ ഓഫറുകളും