ആകാശത്തിനു കീഴിലെ എന്തിന്റെയും പകർപ്പ് ചൈനയിൽ കിട്ടുമെന്നാണല്ലോ പൊതുവെയുള്ള 'സ്റ്റീരിയോടൈപ്പ്'. പകർപ്പവകാശ നിയമങ്ങൾക്കൊക്കെ കടലാസിന്റെ വില പോലെ ഇല്ലാത്ത സ്ഥലത്തു റേഞ്ച് റോവർ ഇവോക്ക് ലാൻഡ്വിൻഡ് എക്സ്7 ആയി കോപ്പിയടിച്ചതും ബജാജ് പൾസർ ഗൾസർ ആയി എത്തിയതിലയൊക്കെ അത്ഭുതപ്പെടാനൊന്നുമില്ലലോ? ഇന്റർനെറ്റിൽ ഇപ്പോൾ കിയ സെൽറ്റോസ് എന്ന് സേർച്ച് ചെയ്തു നോക്കിയാൽ ഒരു പക്ഷെ നിങ്ങൾക്ക് കാണാൻ സാധിക്കുക ഓറഞ്ച് നിറത്തിലുള്ള സെൽറ്റോസിന്റെ ചിത്രങ്ങളാവും. പക്ഷെ പേര്, സെൽറ്റോസ് എന്നാവില്ല, പകരം കെഎക്സ്3.
ഹമ്പട ചൈനക്കാരെ, നിങ്ങൾ ഞങ്ങടെ സെൽറ്റോസും കോപ്പിയടിച്ചോ എന്ന് ചിന്തിക്കാൻ വരട്ടെ. ഇത് കോപ്പിയടിയല്ല. ഡോങ്ഫെങ് യുഎഡ കിയ (Dongfeng Yueda Kia) എന്ന ചൈനയിലെ കിയ മോട്ടോർസ് സബ്സിഡിയറിയാണ് കെഎക്സ്3-യ്ക്ക് പിന്നിൽ. ഇക്കഴിഞ്ഞ പതിനേഴാമത് ഗുവാൻഷൂ ഇന്റർനാഷണൽ ഓട്ടോമൊബൈൽ എക്സിബിഷനിലാണ് ഡോങ്ഫെങ് യുഎഡ കിയ മുൻപ് SP2c എന്ന കോഡ് നാമത്തിലറിയപ്പെട്ടിരുന്ന കെഎക്സ്3-യെ ചൈനീസ് വിപണിയിൽ വില്പനക്കെത്തിച്ചത്.
Also read: കിയ സെൽറ്റോസ് എക്സ്-ലൈൻ കോൺസെപ്റ്റുകൾ, ഇത് എജ്ജാതി മോഡിഫിക്കേഷൻ!
ഒറ്റ നോട്ടത്തിൽ പേരൊഴിച്ചു ബാക്കിയെല്ലാം ഇന്ത്യയിലെ സെൽറ്റോസ് പോലെത്തന്നെ എന്ന് തോന്നിയേക്കാം. എന്നാൽ ചൈനീസ് വിപണിക്കനുസരിച്ചു ചില മാറ്റങ്ങൾ വരുത്തിയാണ് കെഎക്സ്3 എത്തിയിരിക്കുന്നത്. കൂടുതൽ ഇന്റീരിയർ സ്പേസ് ഇഷ്ടപ്പെടുന്നവരാണ് ചൈനീസ് വാഹന ഉപഭോകതാക്കൾ. അതുകൊണ്ടു തന്നെ സെൽറ്റോസിനേക്കാൾ വീൽബേസിലും, ഉയരത്തിലും മുന്നിലാണ് കെഎക്സ്3. കിയ സെൽറ്റോസിന് 2,630 എംഎം വീൽബേസുള്ളപ്പോൾ കെഎക്സ്3-യ്ക്ക് വീൽബേസ് 20 എംഎം കൂടുതലാണ്. സെൽറ്റോസിന്റെ 1,675 എംഎം ഉയരത്തേക്കാൾ 25 എംഎം ഉയരവും കൂടുതലാണ് കെഎക്സ്3-ക്ക്. വീതിയുടെ കാര്യത്തിൽ കെഎക്സ്3-യും സെൽറ്റോസും തുല്യത പുലർത്തുന്നു.
Also read: വില്പനയിൽ സ്വന്തം റെക്കോർഡ് തിരുത്തി കിയ സെൽറ്റോസ്
ഇന്ത്യ-സ്പെക് സെൽറ്റോസിനേക്കാൾ ഒരല്പം ഫീച്ചറുകൾ കൂടുതലാണ് കെഎക്സ്3-യ്ക്ക്. പാനരോമിക് സൺറൂഫും, അഡാപ്റ്റീവ് ക്രൂസ് കണ്ട്രോളും കെഎക്സ്3യിൽ കിയ ചേർത്തിട്ടുണ്ട്. ഇത് കൂടാതെ, അഡ്വാൻസ്ഡ് ഡ്രൈവർ-അസ്സിസ്റ്റൻസ് സിസ്റ്റംസ് (ADAS) കെഎക്സ്3യിലുണ്ട്. ഫോർവേഡ് കൊളീഷൻ അസിസ്റ്റ്, ഡ്രൈവർ അറ്റെൻഷൻ വാണിംഗ് ആൻഡ് ഇലക്ട്രിക്ക് പാർക്ക് ബ്രെക്ക് എന്നീ സുരക്ഷാ ഫീച്ചറുകൾ ഈ സിസ്റ്റത്തിന്റെ ഭാഗമാണ്.
Also read: കിയ സെൽറ്റോസിനെ കൂടുതൽ സുന്ദരമാക്കാണോ? ഇതാ 24 ആക്സെസ്സറികൾ
1.5-ലീറ്റർ പെട്രോൾ എൻജിൻ, 1.5-ലീറ്റർ സിആർഡിഐ ഡീസൽ, 1.4-ലീറ്റർ സ്മാർട്ട്സ്ട്രീം ടർബോ-പെട്രോൾ എന്നിങ്ങനെ മൂന്നു എൻജിൻ ഓപ്ഷനുകളിലും 6-സ്പീഡ് മാനുവൽ, 6-സ്പീഡ് ടോർക്ക് കൺവെർട്ടർ ഓട്ടോമാറ്റിക്ക്, 7-സ്പീഡ് ഡിസിടി, ഐവിടി എന്നിങ്ങനെ 4 ഗിയർബോക്സ് ഓപ്ഷനുകളിലുമാണ് കിയ സെൽറ്റോസ് ഇന്ത്യയിൽ വില്പനയിലുള്ളത്. പക്ഷെ ചൈനയിലെ കെഎക്സ്3-യ്ക്ക് ഒരൊറ്റ എൻജിൻ ഓപ്ഷൻ മാത്രമേ ഉള്ളൂ, 115 എച്ച്പി പവാർ ഉല്പാദിപ്പിക്കുന്ന 1.5-ലീറ്റർ നാച്ചുറലി അസ്പിറേറ്റഡ് പെട്രോൾ എൻജിൻ. ഇന്ത്യയിൽ ലഭ്യമല്ലാത്ത 8-സ്പീഡ് ഓട്ടോമാറ്റിക് ഗിയർബോക്സുമായി ഈ എൻജിൻ ബന്ധിപ്പിച്ചിരിക്കുന്നു. 18.51 കിലോമീറ്റർ ആണ് ചൈന-സ്പെക് കെഎക്സ്3-യ്ക്ക് ഡോങ്ഫെങ് യുഎഡ കിയ അവകാശപ്പെടുന്ന മൈലേജ്.