സ്റ്റൈലിഷ് ലുക്കിൽ കിയ മൂന്നാമൻ, സോണറ്റ് കോംപാക്ട് എസ്‌യുവി എത്തി

സ്റ്റൈലിഷ് ലുക്കിൽ കോൺസെപ്റ്റ് മോഡലുകൾ അവതരിപ്പിക്കുകയും പിന്നീട് പ്രായോഗികതയുടെ പേര് പറഞ്ഞ് പലതും വെട്ടികുറക്കുന്ന സ്ഥിരം പല്ലവിയിൽ സോണറ്റ് പെട്ടിട്ടില്ല. ഓട്ടോ എക്‌സ്‌പോയിൽ എത്തിയ കോൺസെപ്റ്റ് രൂപത്തോട് 100 ശതമാനം നീതി പുലർത്തും വിധമാണ് ലോഞ്ചിന് റെഡിയായ സോണറ്റ്. മെഷ് ഇൻസേർട്ടുകളുള്ള ടൈഗർ നോസ് ഗ്രിൽ, സ്‌പോർട്ടയായ ബമ്പർ, വലിപ്പം കൂടിയ എയർഡാം, ഷാർപ് ഡിസൈനിലുള്ള ഹെഡ്‍ലാംപ്, ഡേടൈം റണ്ണിങ് ലാമ്പുകൾ എന്നിവയാണ് മുൻകാഴ്ചയിലെ ആകർഷണങ്ങൾ. ഡയമണ്ട് കട്ട് 16-ഇഞ്ച് അലോയ് വീലുകൾ, വലിപ്പം കൂടിയ വീൽ ആർച്ചുകൾ, സി-പില്ലറിൽ നിന്ന് കുത്തനെ ഉയരുന്ന വിൻഡോ ലൈൻ, റൂഫ് റെയിലുകൾ, കോൺട്രാസ്റ്റ്-കളർ റൂഫ്, എൽഇഡി ലൈറ്റ് ബാർ ഉപയോഗിച്ച് കണക്ട് ചെയ്ത സ്വേപ്‌റ്റ്ബാക്ക് ടെയിൽ ലാംപ് എന്നിവയാണ് സോണറ്റിലെ മറ്റുള്ള ആകർഷണങ്ങൾ.

55 വർഷത്തിന് ശേഷം തീ തുപ്പുന്ന ബോണ്ടിന്റെ ആസ്റ്റൺ മാർട്ടിൻ ഡിബി5 വീണ്ടും

എക്‌സ്റ്റീരിയറിലെ ന്യൂ-ജെൻ ലുക്ക് സോണറ്റിന്റെ ഇന്റീരിയറിലും പ്രകടമാണ്. സെൽറ്റോസിന്റെ ഇന്റീരിയർ പരിചിതമായവർക്ക് ഒരു പക്ഷെ സോണറ്റിന്റെ ഇന്റീരിയർ ഘടന പരിചിതമായിരിക്കും. സെൽറ്റോസിലേതിന് സമാനമായ 10.25-ഇഞ്ച് ടച്ച്സ്ക്രീൻ ഇൻഫോടൈന്മെന്റ് സിസ്റ്റവും സ്റ്റിയറിംഗ് വീലുമാണ് ഇതിനുകാരണം. അതേ സമയം സെമി-ഡിജിറ്റൽ ഇൻസ്ട്രുമെന്റ് ക്ലസ്റ്ററും, അനലോഗ് ഡയലുകളും, കുത്തനെ ക്രമീകരിച്ചിരിക്കുന്ന എസി വെന്റുകളുമെല്ലാം സെൽറ്റോസിന്റേത് വ്യത്യസ്തമാണ്. പൂർണമായും ഡിജിറ്റൽ ആയ 4.2-ഇഞ്ച് മൾട്ടി-ഇൻഫർമേഷൻ ഡിസ്പ്ലേ സോണറ്റിൽ ഇടം പിടിച്ചിട്ടുണ്ട്. സെൽറ്റോസിനെപ്പോലെ തന്നെ ജിടി ലൈൻ, എച്ടി ലൈൻ എന്നിങ്ങനെ രണ്ട് പതിപ്പുകളിലാണ് സെനറ്റും വിലാപനക്കെത്തുക. ഇതിൽ ജിടി ലൈൻ മോഡലുകളുടെ സ്റ്റിയറിംഗ് വീലിലും, സീറ്റിലും പ്രത്യേക ബാഡ്ജിങ് ഉണ്ടായിരിക്കും. മാത്രമല്ല കറുപ്പ് നിറത്തിന്റെ ലേയൗട്ടിൽ നല്ലവണ്ണം പ്രതിഫലിക്കുന്ന ചുവപ്പ് നിറത്തിലുള്ള സ്റ്റിച്ചിങ് സ്റ്റിയറിംഗ് വീൽ, സീറ്റുകൾ, ഡോറുകൾ, ഡാഷ്‌ബോർഡ് എന്നിവിടങ്ങളിൽ ജിടി ലൈൻ മോഡലിന് അധികമായുണ്ട്.

വെറൈറ്റി മാത്രം! എംഎസ് ധോണിയുടെ വാഹനശേഖരത്തിലെ 10 കിടിലൻ താരങ്ങൾ

ഒരു കോംപാക്ട് എസ്‌യുവി മോഡലിന് സാധാരണ ലഭ്യമായ ഫീച്ചറുകളെക്കാൾ അധികം ഫീച്ചറുകൾ സോണറ്റിനുണ്ട് എന്ന് ഫീച്ചർ ലിസ്റ്റ് പരിശോധിക്കുമ്പോൾ വ്യക്തമാകുന്നു. ഇതിൽ പ്രധാനമാണ് 57-ഓളം ഫീച്ചറുകളുള്ള യുവോ കണക്ടഡ് സിസ്റ്റം. ആപ്പിൾ കാർപ്ലേയ്/ആൻഡ്രോയിഡ് ഓട്ടോ കണക്ടിവിറ്റി, 7 സ്‌പീക്കറുള്ള ബോസ് സൗണ്ട് സിസ്റ്റം, എൽഇഡി സൗണ്ട് മൂഡ് ലാമ്പുകൾ, വയർലെസ്സ് ഫോൺ ചാർജിങ് ട്രേ, പാർക്കിംഗ് സെൻസറുകൾ, വെന്റിലേറ്റഡ് മുൻനിര സീറ്റുകൾ, ധാരാളം ഡ്രൈവ്, ട്രാക്ഷൻ മോഡുകൾ, ടയർ പ്രഷർ മോണിറ്ററിങ് സിസ്റ്റം, ഇലക്ട്രിക്ക് സൺറൂഫ് എന്നിവയാണ് പ്രസക്തമായ ഫീച്ചറുകൾ. എച്ടി ലൈൻ ശ്രേണിയിലെ HTE, HTK, HTX, HTX+ വേരിയന്റുകളിലും, ജിടി ലൈൻ ശ്രേണിയിലെ GTK, GTX, GTX+ വേരിയന്റുകളിലുമായി മേല്പറഞ്ഞ ഫീച്ചറുകൾ ഏറിയും കുറഞ്ഞുമിരിയ്ക്കും.

കാർ വില്പന ഉഷാർ! ഇന്ത്യയിൽ രണ്ടാം പ്ലാന്റ് സ്ഥാപിക്കാൻ കിയ മോട്ടോർസ്

ഹ്യുണ്ടേയ് വെന്യുവിൽ നിന്ന് കടമെടുത്ത 1.5-ലിറ്റർ ടർബോ-ഡീസൽ, 1.2 പെട്രോൾ, 1.0-ലിറ്റർ GDI ടർബോ-പെട്രോൾ എന്നിങ്ങനെ 3 എൻജിൻ ഓപ്ഷനുകളാണ് കിയ സോണറ്റിലും. 5-സ്പീഡ് മാന്വൽ, 6 സ്പീഡ് മാന്വൽ, 7 സ്പീഡ് ഡിസിടി എന്നിവയാണ് ട്രാൻസ്മിഷൻ ഓപ്ഷനുകൾ. ഇത് കൂടാതെ ഇന്റലിജന്റ് മാന്വൽ ട്രാൻസ്മിഷൻ (ഐഎംടി)-ലും കിയ സോണറ്റ് വില്പനക്കെത്തും. ക്ലച്ച് ഇല്ലാതെ തന്നെ മാന്വലായി ഗിയർ മാറാവുന്ന സംവിധാനമാണ് ഐഎംടി ട്രാൻസ്മിഷൻ ഒരുക്കുന്നത്. ഏകദേശം Rs 6.8 ലക്ഷത്തിനും Rs 11 ലക്ഷത്തിനും ഇടയിൽ കിയ സോണറ്റിന് വില പ്രതീക്ഷിക്കാം.