ഇന്ത്യയിലെ വാഹനപ്രേമികൾ ഏറെ പ്രതീക്ഷയോടെ കാത്തിരിക്കുന്ന മോഡലാണ് മഹീന്ദ്ര ഥാർ 5 ഡോർ (Mahindra Thar 5 Door). ഇതിനകം തന്നെ ഇന്ത്യൻ നിരത്തുകൾ കീഴടക്കിയ മഹീന്ദ്ര ഥാർ 3 ഡോറിന്റെ പോരായ്മയായി പലരും പറയാറുള്ളത് രണ്ടാം നിര സീറ്റിലേക്ക് കയറാനുള്ള ബുദ്ധിമുട്ടാണ്. എന്നാൽ പുതിയ മഹീന്ദ്ര ഥാർ 5 ഡോർ വരുന്നതോടെ ഈ പ്രശ്നത്തിന് പരിഹാരമാവും. ഈ ഓഫ് റോഡ് എസ്യുവി 2023ൽ തന്നെ അവതരിപ്പിക്കാനാണ് മഹീന്ദ്ര തീരുമാനിച്ചിരിക്കുന്നത്. ഇന്ത്യൻ വിപണിയിൽ മഹീന്ദ്ര ഥാർ 5 ഡോർ മത്സരിക്കുന്നത് പുറത്തിറങ്ങാനിരിക്കുന്ന മാരുതി സുസുക്കി ജിംനി 5 ഡോർ എസ്യുവിയോടായിരിക്കും. ഫോഴ്സ് ഗൂർഖ 5 ഡോറും വൈകാതെ വിപണിയിൽ അവതരിപ്പിക്കുമെന്ന് സൂചനകളുണ്ട്. ഈ വാഹനം കൂടി പുറത്തിറങ്ങിയാൽ ഇന്ത്യയിൽ 5 ഡോർ ഓഫ് റോഡ് എസ്യുവികളുടെ വലിയൊരു സെഗ്മെന്റ് തന്നെ രൂപപ്പെടും. മഹീന്ദ്ര ഥാർ 5 ഡോറിന്റെ വിലയും സവിശേഷതകളുമായി ബന്ധപ്പെട്ട സൂചനകൾ പുറത്ത് വന്നിട്ടുണ്ട്.
മഹീന്ദ്ര ഥാർ 5 ഡോർ: പ്രതീക്ഷിക്കുന്ന വില
മഹീന്ദ്ര ഇതുവരെ തങ്ങളുടെ പുതിയ ഓഫ് റോഡ് എസ്യുവി മോഡലിന്റെ ലോഞ്ച് തിയ്യതി ഔദ്യോഗികമായി പ്രഖ്യാപിച്ചിട്ടില്ല. എന്നിരുന്നാലും ഈ വാഹനം 2023ൽ തന്നെ വിൽപ്പനയ്ക്കെത്തുമെന്നാണ് പ്രതീക്ഷിക്കുന്നത്. മഹീന്ദ്ര ഥാർ 5 ഡോർ എസ്യുവിക്ക് ഇന്ത്യയിൽ 13.59 ലക്ഷം രൂപ മുതൽ 16.29 ലക്ഷം രൂപ വരെയായിരിക്കും എക്സ് ഷോറൂം വില. നിലവിലെ മോഡലിനെക്കാൾ 70,000 മുതൽ 80,000 രൂപ വരെ അധികമായിരിക്കും അഞ്ച് ഡോറുകളുള്ള മോഡലിന് എന്നാണ് സൂചനകൾ.
മഹീന്ദ്ര ഥാർ 5 ഡോർ: ഡിസൈൻ
മഹീന്ദ്ര ഥാർ 5 ഡോർ എസ്യുവിയുടെ ടെസ്റ്റ് മ്യൂൾ ഇന്ത്യൻ റോഡുകളിൽ ഒന്നിലധികം തവണ കണ്ടെത്തിയിട്ടുണ്ട്. ചതുരാകൃതിയിലുള്ള എൽഇഡി ടെയിൽ ലാമ്പുകൾ, ടെയിൽഗേറ്റിൽ തന്നെ ഘടിപ്പിച്ച സ്പെയർ വീൽ, ഉയർന്നിരിക്കുന്ന സ്റ്റോപ്പ് ലാമ്പ് എന്നിവ ഈ വാഹനത്തിൽ ഉണ്ടായിരിക്കും. നിലവിലെ മോഡലിനെ അപേക്ഷിച്ച്, മഹീന്ദ്ര ഥാർ 5 ഡോർ എസ്യുവിക്ക് 15% നീളവും 22% നീളമുള്ള വീൽബേസും അധികമായി ലഭിക്കും. 3 ഡോറുകളുള്ള മഹീന്ദ്ര ഥാറിന് 3,985 എംഎം നീളവും 2,450 എംഎം വീൽബേസുമാണ് ഉള്ളത്.
മഹീന്ദ്ര ഥാർ 5 ഡോർ: എഞ്ചിൻ
വരാനിരിക്കുന്ന മഹീന്ദ്ര ഥാർ 5 ഡോർ ഓഫ് റോഡ് എസ്യുവിയിൽ 3-ഡോർ ഥാറിന്റെ അതേ 2.2-ലിറ്റർ mHawk ഡീസൽ എഞ്ചിനും 2.0-ലിറ്റർ mStallion പെട്രോൾ എഞ്ചിനും ഉണ്ടായിരിക്കും. എന്നിരുന്നാലും പുതിയ ഥാർ കൂടുതൽ പവർ ഔട്ട്പുട്ട് നൽകുമെന്നാണ് റിപ്പോർട്ടുകൾ നൽകുന്ന സൂചനകൾ. 6 സീറ്റ്, 7 സീറ്റ് ഓപ്ഷനുകളിൽ ഈ വാഹനം ലഭ്യമാകും.
മഹീന്ദ്ര ഥാർ 5 ഡോർ: ഇന്റീരിയർ
ഇന്റീരിയറിന്റെ കാര്യത്തിൽ, മഹീന്ദ്ര ഥാർ 5 ഡോർ എസ്യുവി അതിന്റെ 3 ഡോർ എസ്യുവിയോട് സാമ്യത പുലർത്തുമെന്നാണ് റിപ്പോർട്ടുകൾ നൽകുന്ന സൂചനകൾ. രണ്ടാം നിരയിലെ അധിക സ്ഥലം ഒഴികെ മറ്റെല്ലാം നിലവിൽ വിൽപ്പനയിലുള്ള മഹീന്ദ്ര ഥാർ 3 ഡോറിന് സമാനം ആയിരിക്കും. പുതിയ 5 ഡോർ ഥാറിന് വിശാലമായ ക്യാബിനും കൂടുതൽ ബൂട്ട് സ്പേസും ഉണ്ടായിരിക്കുമെന്നും റിപ്പോർട്ടുകൾ സൂചിപ്പിക്കുന്നു. മൊത്തത്തിൽ അല്പം വലുതും രണ്ടാം നിര സീറ്റുകൾക്കായി പ്രത്യേകം ഡോറുകളുമുള്ള മോഡലായിരിക്കും മഹീന്ദ്ര ഥാർ 5 ഡോർ.
മഹീന്ദ്ര ഥാർ 5 ഡോർ: പ്രതീക്ഷിക്കുന്ന വില
മഹീന്ദ്ര ഇതുവരെ തങ്ങളുടെ പുതിയ ഓഫ് റോഡ് എസ്യുവി മോഡലിന്റെ ലോഞ്ച് തിയ്യതി ഔദ്യോഗികമായി പ്രഖ്യാപിച്ചിട്ടില്ല. എന്നിരുന്നാലും ഈ വാഹനം 2023ൽ തന്നെ വിൽപ്പനയ്ക്കെത്തുമെന്നാണ് പ്രതീക്ഷിക്കുന്നത്. മഹീന്ദ്ര ഥാർ 5 ഡോർ എസ്യുവിക്ക് ഇന്ത്യയിൽ 13.59 ലക്ഷം രൂപ മുതൽ 16.29 ലക്ഷം രൂപ വരെയായിരിക്കും എക്സ് ഷോറൂം വില. നിലവിലെ മോഡലിനെക്കാൾ 70,000 മുതൽ 80,000 രൂപ വരെ അധികമായിരിക്കും അഞ്ച് ഡോറുകളുള്ള മോഡലിന് എന്നാണ് സൂചനകൾ.
മഹീന്ദ്ര ഥാർ 5 ഡോർ: ഡിസൈൻ
മഹീന്ദ്ര ഥാർ 5 ഡോർ എസ്യുവിയുടെ ടെസ്റ്റ് മ്യൂൾ ഇന്ത്യൻ റോഡുകളിൽ ഒന്നിലധികം തവണ കണ്ടെത്തിയിട്ടുണ്ട്. ചതുരാകൃതിയിലുള്ള എൽഇഡി ടെയിൽ ലാമ്പുകൾ, ടെയിൽഗേറ്റിൽ തന്നെ ഘടിപ്പിച്ച സ്പെയർ വീൽ, ഉയർന്നിരിക്കുന്ന സ്റ്റോപ്പ് ലാമ്പ് എന്നിവ ഈ വാഹനത്തിൽ ഉണ്ടായിരിക്കും. നിലവിലെ മോഡലിനെ അപേക്ഷിച്ച്, മഹീന്ദ്ര ഥാർ 5 ഡോർ എസ്യുവിക്ക് 15% നീളവും 22% നീളമുള്ള വീൽബേസും അധികമായി ലഭിക്കും. 3 ഡോറുകളുള്ള മഹീന്ദ്ര ഥാറിന് 3,985 എംഎം നീളവും 2,450 എംഎം വീൽബേസുമാണ് ഉള്ളത്.
മഹീന്ദ്ര ഥാർ 5 ഡോർ: എഞ്ചിൻ
വരാനിരിക്കുന്ന മഹീന്ദ്ര ഥാർ 5 ഡോർ ഓഫ് റോഡ് എസ്യുവിയിൽ 3-ഡോർ ഥാറിന്റെ അതേ 2.2-ലിറ്റർ mHawk ഡീസൽ എഞ്ചിനും 2.0-ലിറ്റർ mStallion പെട്രോൾ എഞ്ചിനും ഉണ്ടായിരിക്കും. എന്നിരുന്നാലും പുതിയ ഥാർ കൂടുതൽ പവർ ഔട്ട്പുട്ട് നൽകുമെന്നാണ് റിപ്പോർട്ടുകൾ നൽകുന്ന സൂചനകൾ. 6 സീറ്റ്, 7 സീറ്റ് ഓപ്ഷനുകളിൽ ഈ വാഹനം ലഭ്യമാകും.
മഹീന്ദ്ര ഥാർ 5 ഡോർ: ഇന്റീരിയർ
ഇന്റീരിയറിന്റെ കാര്യത്തിൽ, മഹീന്ദ്ര ഥാർ 5 ഡോർ എസ്യുവി അതിന്റെ 3 ഡോർ എസ്യുവിയോട് സാമ്യത പുലർത്തുമെന്നാണ് റിപ്പോർട്ടുകൾ നൽകുന്ന സൂചനകൾ. രണ്ടാം നിരയിലെ അധിക സ്ഥലം ഒഴികെ മറ്റെല്ലാം നിലവിൽ വിൽപ്പനയിലുള്ള മഹീന്ദ്ര ഥാർ 3 ഡോറിന് സമാനം ആയിരിക്കും. പുതിയ 5 ഡോർ ഥാറിന് വിശാലമായ ക്യാബിനും കൂടുതൽ ബൂട്ട് സ്പേസും ഉണ്ടായിരിക്കുമെന്നും റിപ്പോർട്ടുകൾ സൂചിപ്പിക്കുന്നു. മൊത്തത്തിൽ അല്പം വലുതും രണ്ടാം നിര സീറ്റുകൾക്കായി പ്രത്യേകം ഡോറുകളുമുള്ള മോഡലായിരിക്കും മഹീന്ദ്ര ഥാർ 5 ഡോർ.