വേരിയന്റുകളും കളർ ഓപ്ഷനുകളും
സിഗ്മ, ഡെൽറ്റ, ഡെൽറ്റ+, സെറ്റ, ആൽഫ എന്നിങ്ങനെ അഞ്ച് വേരിയന്റുകളിലാണ് മാരുതി സുസുക്കി ഫ്രോങ്ക്സ് അവതരിപ്പിച്ചിരിക്കുന്നത്. ആർട്ടിക് വൈറ്റ്, ഗ്രാൻഡിയർ ഗ്രേ, എർത്ത് ബ്രൗൺ, സ്‌പ്ലെൻഡിഡ് സിൽവർ, ഒപുലന്റ് റെഡ്, മൺ ബ്രൗൺ വിത്ത് ബ്ലൂഷ് ബ്ലാക്ക് റൂഫ്, ഒപുലന്റ് റെഡ് വിത്ത് ബ്ലൂഷ് ബ്ലാക്ക് റൂഫ്, സ്‌പ്ലെൻഡിഡ് സിൽവർ വിത്ത് ബ്ലൂഷ് ബ്ലാക്ക് റൂഫ് എന്നിങ്ങനെ ഒമ്പത് കളർ ഓപ്ഷനുകളിൽ വാഹനം ലഭ്യമാകും.
Read More: ആദ്യമായി കാർ വാങ്ങുന്നവർ ഇക്കാര്യങ്ങൾ തീർച്ചയായും അറിഞ്ഞിരിക്കണം
വില
മാരുതി സുസുക്കി ഫ്രോങ്ക്സിന്റെ സിഗ്മ 1.2 മാനുവൽ ട്രാൻസ്മിഷന് 7.46 ലക്ഷം രൂപയാണ് എക്സ് ഷോറൂം വില. ഡെൽറ്റ 1.2 എംടിക്ക് 8.32 ലക്ഷം രൂപയും ഡെൽറ്റ 1.2 എഎംടിക്ക് 8.87 ലക്ഷം രൂപയും എക്സ് ഷോറൂം വിലയുണ്ട്. ഡെൽറ്റ+ 1.2 എംടിക്ക് 8.72 ലക്ഷം രൂപ, ഡെൽറ്റ+ 1.2 എഎംടി 9.27 ലക്ഷം രൂപ, + 1.0 എംടി 9.72 ലക്ഷം രൂപ, സീറ്റ 1.0 എംടി 10.55 ലക്ഷം രൂപ, സെറ്റ 1.0 എടി 12.05 ലക്ഷം രൂപ, ആൽഫ 1.0 എംടി 11.47 ലക്ഷം രൂപ, ആൽഫ 1.0 എടി 12.97 ലക്ഷം രൂപ, ആൽഫ 1.0 എംടി ഡ്യുവൽ ടോൺ 11.63 ലക്ഷം രൂപ, ആൽഫ 1.0 എടി ഡ്യുവൽ ടോൺ 13.13 ലക്ഷം രൂപ എന്നിങ്ങനെയാണ് വാഹനത്തിന്റെ എക്സ് ഷോറൂം വില.
എഞ്ചിൻ
5 സ്പീഡ് മാനുവൽ യൂണിറ്റും എഎംടി യൂണിറ്റുമായി വരുന്ന 89 ബിഎച്ച്പി പവറും 113 എൻഎം ടോർക്കും ഉൽപ്പാദിപ്പിക്കുന്ന 1.2 ലിറ്റർ, 4 സിലിണ്ടർ, എൻഎ പെട്രോൾ എഞ്ചിനാണ് മാരുതി സുസുക്കി ഫ്രോങ്ക്സിലെ ആദ്യത്തെ എഞ്ചിൻ ഓപ്ഷൻ. 99 ബിഎച്ച്‌പിയും 147 എൻഎം ടോർക്കും നൽകുന്ന 1.0 ലിറ്റർ, 3 സിലിണ്ടർ, ടർബോ-പെട്രോൾ എഞ്ചിനാണ് രണ്ടാമത്തേത്. ഇതിൽ 5 സ്പീഡ് മാനുവൽ യൂണിറ്റും 6 സ്പീഡ് ടോർക്ക് കൺവെർട്ടർ ഓട്ടോമാറ്റിക് യൂണിറ്റുമാണുള്ളത്. 22.89 കിലോമീറ്റർ വരെ മൈലേജാണ് ഈ വാഹനം നൽകുന്നതെന്ന് കമ്പനി അവകാശപ്പെടുന്നു.
Read More: ആകാശം കണ്ടും ആസ്വദിച്ചും യാത്ര ചെയ്യാൻ കുറഞ്ഞ വിലയിൽ ഈ സൺറൂഫുള്ള കാറുകൾ വാങ്ങാം
ഡിസൈൻ
മാരുതി സുസുക്കി ഫ്രോങ്ക്സ് വളരെ വ്യത്യസ്തവും ആകർഷകവുമായ ഡിസൈനിലാണ് അവതരിപ്പിച്ചിരിക്കുന്നത്. റൂഫ് റെയിലുകൾ, ചിസൽഡ് വീൽ ആർച്ചുകൾ, പ്രിസിഷൻ കട്ട് അലോയ് വീലുകൾ, മസ്‌കുലർ ഫെൻഡറുകൾ, സൈഡ് ബോഡി ക്ലാഡിങ് എന്നിങ്ങനെയുള്ള നിരവധി സ്പോർട്ടി എലമെന്റുകളുള്ള ഫ്രോങ്ക്സ് നെക്സയുടെ സിഗ്നേച്ചർ ഡിസൈൻ ഭാഷയായ "ക്രാഫ്റ്റഡ് ഫ്യൂച്ചറിസം" അടിസ്ഥാനമാക്കി നിർമ്മിച്ചതാണ്. വാഹനത്തിന്റെ മുൻഭാഗത്ത് നെക്സ്വേവ് ഗ്രിൽ, ക്രോം ഗാർണിഷ്, ക്രിസ്റ്റൽ ബ്ലോക്ക് ഡിആർഎൽ എന്നിവയുണ്ട്. പിന്നിൽ വൈഡ് സ്വീപ്പിംഗ് കണക്റ്റഡ് എൽഇഡി റിയർ കോമ്പിനേഷൻ ലാമ്പുകളാണുള്ളത്.
ഇന്റീരിയർ
മാരുതി സുസുക്കി ഫ്രോങ്ക്സിന്റെ ക്യാബിൻ അപ്ഹോൾസ്റ്ററി ഒരു ഡ്യുവൽ-ടോൺ ബ്ലാക്ക് ആൻഡ് ബോർഡോ കോൺട്രാസ്റ്റിംഗ് കളർ സ്കീമിലാണ് നൽകിയിട്ടുള്ളത്. ഗ്ലോസ് സിൽവർ ഇൻസെർട്ടുകൾക്കൊപ്പം ഡാഷ്‌ബോർഡിൽ മെറ്റൽ പോലുള്ള മാറ്റ് ഫിനിഷും മാരുതി സുസുക്കി നൽകിയിട്ടുണ്ട്. ടേൺ-ബൈ-ടേൺ നാവിഗേഷനോടുകൂടിയ ഹെഡ് അപ്പ് ഡിസ്‌പ്ലേ, 360 വ്യൂ ക്യാമറ, വയർലെസ് സ്മാർട്ട്‌ഫോൺ ചാർജർ, വയർലെസ് ആപ്പിൾ കാർപ്ലേയും ആൻഡ്രോയിഡ് ഓട്ടോയുമുള്ള 9 ഇഞ്ച് എച്ച്‌ഡി സ്മാർട്ട് പ്ലേ പ്രോ+ ഇൻഫോടെയ്ൻമെന്റ് സിസ്റ്റം എന്നിവയാണ് ഫ്രോങ്‌ക്‌സിലുള്ള ഇന്റീരിയർ സവിശേഷതകൾ.
Read More: പണി പാളി; മാരുതി സുസുക്കി ബലേനോ ആർഎസിന്റെ 7,213 യൂണിറ്റുകൾ തിരികെ വിളിക്കുന്നു
റിമോട്ട് ഫീച്ചറുകൾ
വാഹനത്തിന്റെ ടോപ്പ് വേരിയന്റുകളിൽ "ARKAMYS" സൗണ്ട് സിസ്റ്റത്തിന്റെ "സറൗണ്ട് സെൻസ്" നൽകിയിട്ടുണ്ട്. 40ൽ അധികം കണക്റ്റഡ് കാർ ഫീച്ചറുകൾ നൽകുന്ന ഇൻ-ബിൽറ്റ് നെക്‌സ്റ്റ്-ജെൻ ടെലിമാറ്റിക്‌സ് സിസ്റ്റമുള്ള സുസുക്കി കണക്റ്റും വാഹത്തിലുണ്ട്. ഫോൺ ആപ്പിലൂടെ കണക്റ്റ് ചെയ്യാനുള്ള സംവിധാനം, സ്മാർട്ട് വാച്ച് കണക്റ്റിവിറ്റി, അലക്‌സ വോയ്‌സ് കണക്റ്റിവിറ്റി എന്നിവയെല്ലാം ഇതിൽ വരുന്നു. ഡോർ ലോക്ക്, റിമോട്ട് എസി കൺട്രോൾ, ഹെഡ്‌ലാമ്പ്സ് ഓഫ്, ഹസാർഡ് ലൈറ്റ്സ്, അലാറം തുടങ്ങി നിരവധി ഫീച്ചറുകൾ റിമോട്ടായി ഉപയോഗിക്കാനും ഫ്രോങ്ക്സിൽ സാധിക്കും.
സുരക്ഷ
മാരുതി സുസുക്കി ഫ്രോങ്ക്സിൽ 6 എയർബാഗുകൾ, 3 പോയിന്റ് ഇഎൽആർ സീറ്റ്ബെൽറ്റുകൾ, ഇഎസ്പിയുള്ള ഹിൽ ഹോൾഡ് അസിസ്റ്റ് & റോൾ ഓവർ മിറ്റിഗേഷൻ, എബിഎസ് ഉള്ള ഇബിഡി, ഐസോഫിക്സ് ചൈൽഡ് സീറ്റ് ആങ്കറേജുകൾ എന്നിങ്ങനെ നിരവധി സുരക്ഷാ ഫീച്ചറുകളും കമ്പനി നൽകിയിട്ടുണ്ട്. സുസുക്കിയുടെ ഹാർട്ടെക്റ്റ് ആർകിടെക്ച്ചറിന് കീഴിലാണ് ഈ സുരക്ഷാ ഫീച്ചറുകൾ വരുന്നത്.
Read More: പപ്പടമാണെങ്കിലും വിൽപ്പനയിൽ മാരുതി സുസുക്കി വാഗൺആർ തന്നെ കേമൻ; ടാറ്റ നെക്സോൺ അഞ്ചാം സ്ഥാനത്ത്