മൈലേജ് 31.59 കിലോമീറ്റര്‍, മാരുതി സുസുക്കി ആള്‍ട്ടോ എസ്സ്-സിഎന്‍ജി വിപണിയിൽ

ഒരു കാർ വാങ്ങാൻ പ്ലാൻ ചെയ്യുമ്പോൾ എന്താണ് നിങ്ങളുടെ മുൻഗണന? നല്ല മൈലേജും വിലക്കുറവുമാണ് നിങ്ങളുടെ പ്രധാന മാനദണ്ഡം എങ്കിൽ പുതിയ മാരുതി സുസുക്കി ആള്‍ട്ടോ സിഎന്‍ജി പരിഗണിക്കണം. കംപ്രസ്സ്‌ഡ് നാച്ചുറൽ ഗ്യാസ് ഇന്ധനമായി ഉപയോഗിക്കുന്ന ആള്‍ട്ടോ സിഎന്‍ജി വേരിയന്റുകളുടെ മൈലേജ് കേൾക്കാണോ? 31.59 കിലോമീറ്റർ/കിലോഗ്രാം.

LXI എസ്സ്-സിഎന്‍ജി , LXI (O) എസ്സ്-സിഎന്‍ജി എന്നിങ്ങനെ രണ്ട് വേരിയന്റുകളിൽ വില്പനക്കെത്തിയിരിക്കുന്ന ആള്‍ട്ടോ എസ്സ്-സിഎന്‍ജിയ്ക്ക് യഥാക്രമം 4.32 ലക്ഷം, 4.36 ലക്ഷം എന്നിങ്ങനെയാണ് എക്‌സ്-ഷോറൂം വില. സി‌എൻ‌ജിയിൽ പ്രവർത്തിക്കുന്ന മാരുതി സുസുക്കി ആൾട്ടോയിൽ ഡ്യുവൽ ഇന്റർഡിപെൻഡന്റ് ഇസിയുകൾ (ഇലക്ട്രോണിക് കൺട്രോൾ യൂണിറ്റുകൾ) സജ്ജീകരിച്ചിട്ടുണ്ട്. ഡ്രൈവബിലിറ്റിയും, കൃത്യതയുമുള്ള പെർഫോമൻസ് ഉറപ്പിക്കാൻ ഇന്റലിജന്റ് ഇൻജെക്ഷൻ സിസ്റ്റവും മാരുതി സുസുക്കി ഇണ്ടാക്കി ചേർത്തിട്ടുണ്ട്.

Also read: മാരുതി സുസുക്കി ബലേനോയുടെ സ്‌പോർട്ടി വേരിയന്റ് ഇനിയില്ല

ഏപ്രിലിൽ നിലവിൽ വരുന്ന കർശനമായ ബിഎസ്6 മലിനീകരണ നിയന്ത്രണ മാനദണ്ഡങ്ങൾ പാലിക്കും വിധം പരിഷ്ക്കരിച്ച 796 സിസി മൂന്ന് സിലിണ്ടർ എൻജിൻ തന്നെയാണ് ആള്‍ട്ടോ എസ്സ്-സിഎന്‍ജിയിലും. 40.36 ബിഎച്പി പവറും 60 എൻഎം ടോർക്കും ആണ് സിഎന്‍ജി മോഡിൽ ഈ എൻജിൻ ഉത്പാദിപ്പിക്കുന്നത്. അതെ സമയം പൂർണമായും പെട്രോളിൽ പ്രവർത്തിക്കുമ്പോൾ ഈ എൻജിന്റെ ഔട്പുട്ട് കുറച്ചു കൂടുതലാണ്, 47.33 ബിഎച്പി പവറും 69 എൻഎം ടോർക്കും. 5-സ്പീഡ് മാന്വൽ ഗിയർബോക്‌സ് ആണ് ആള്‍ട്ടോ എസ്സ്-സിഎന്‍ജിയ്ക്ക്.

Also read: കറുപ്പാണ് എല്ലാം! റോൾസ് റോയ്‌സ് കള്ളിനൻ ബ്ലാക്ക് ബാഡ്ജ് ഇന്ത്യയിൽ

എയർ-കണ്ടീഷൻ സിസ്റ്റം, പവർ സ്റ്റിയറിംഗ്, മുമ്പിൽ പവർ വിൻഡോകൾ, ഡോർ പാഡുകൾക്ക് സിൽവർ ആക്സന്റുകൾ, ഫാബ്രിക് + വിനൈൽ അപ്ഹോൾസ്റ്ററി, ഡ്യുവൽ-ടോൺ ഇന്റീരിയർ എന്നിവയാണ് ആള്‍ട്ടോ എസ്സ്-സിഎന്‍ജിയിലെ ഫീച്ചറുകൾ. ഇരട്ട എയർബാഗുകൾ, ഇബിഡിയുള്ള എബി‌എസ്, സീറ്റ് ബെൽറ്റ് റിമൈൻഡർ, ഹൈസ്പീഡ് അലേർട്ട്, റിയർ പാർക്കിംഗ് സെൻസറുകൾ എന്നീ ക്രമീകരങ്ങൾ സുരക്ഷയ്ക്കായുണ്ട്.

Also read: സ്‌പോർട്ടി ലുക്കിൽ മാരുതി സുസുക്കി സിയാസ് 'എസ്', വില 10.08 ലക്ഷം

പൂർണമായും പെട്രോളിൽ പ്രവർത്തിക്കുന്ന ആള്‍ട്ടോയുടെ ബിഎസ്6 മാനദണ്ഡങ്ങൾക്കനുസരിച്ച് പരിഷ്കരിച്ച മോഡൽ കഴിഞ്ഞ വർഷത്തിന്റെ അവസാനത്തോടെ മാരുതി സുസുക്കി വിപണിയിലെത്തിച്ചിരുന്നു. ഇതിനകം തന്നെ രാജ്യത്ത് ഒരു ലക്ഷത്തിലധികം ബിഎസ്-6 ആൾട്ടോ യൂണിറ്റുകൾ മാരുതി സുസുക്കി വില്പന നടത്തിയിട്ടുണ്ട്.

ആൾട്ടോ VXi+യും എത്തി

അതിനിടെ ൾട്ടോയ്ക്കും ഒരു പുതിയ ടോപ്-സ്പെക് വേരിയന്റും മാരുതി സുസുക്കി അവതരിപ്പിച്ചു. VXi+ എന്ന് പേരിട്ടിരിക്കുന്ന പുതിയ ടോപ് എൻഡ് വേരിയന്റിന്‌ 3.80 ലക്ഷം രൂപയാണ് എക്‌സ്-ഷോറൂം വില. ആപ്പിൾ കാർപ്ലേയ്, ആൻഡ്രോയിഡ് ഓട്ടോ കണക്ടിവിറ്റി സവിധാനങ്ങളുള്ള 7-ഇഞ്ച് ടച്ച്സ്ക്രീൻ ഇൻഫോടൈന്മെന്റ് സിസ്റ്റം ആണ് VXi+ വേരിയന്റിന്റെ പ്രധാന ആകർഷണം. ഇത് കൂടാതെ സ്മാർട്പ്ലേയ് ഇൻഫോടൈന്മെന്റ് സിസ്റ്റവും ആൾട്ടോ VXi+-ൽ സ്ഥാനം പിടിച്ചിട്ടുണ്ട്.