2015-ലാണ് ഇന്ത്യയിൽ ഏറ്റവും വില്പനയുള്ള മോഡലുകളിൽ ഒന്നായ മാരുതി സുസുക്കി ആൾട്ടോയ്ക്ക് എതിരാളി ആയി ഫ്രഞ്ച് വാഹന നിർമ്മാതാക്കളായ റെനോ ക്വിഡിനെ അവതരിപ്പിച്ചത്. ആൾട്ടോയെക്കാൾ പ്രീമിയം ഡിസൈനും, ധാരാളം ഫീച്ചറുകളും, പോക്കറ്റിലൊതുങ്ങുന്ന വിലയും കൂടെ ആയപ്പോൾ ക്വിഡ് ക്ലിക്ക് ആവാൻ അധികം സമയം വേണ്ടി വന്നില്ല. ക്വിഡ് വില്പനയിൽ മുന്നേറുമ്പോഴും ആൾട്ടോയോയുടെ വില്പനയിൽ കാര്യമായ ഇടിവ് വരാത്തതുകൊണ്ടാവണം ഫീച്ചർ അപ്ഡേറ്റുകൾ നൽകുന്ന കാര്യത്തിൽ മാരുതി സുസുക്കി തണുപ്പൻ സമീപനം ആണ് ഇതുവരെ എടുത്തിരുന്നത്. സെഗ്മെന്റിൽ മത്സരം കടുത്തതോടെ ആൾട്ടോയ്ക്കും ഒരു പുതിയ ടോപ്-സ്പെക് വേരിയന്റ് അവതരിപ്പിച്ചിരിക്കുകയാണ് മാരുതി സുസുക്കി.
VXi+ എന്ന് പേരിട്ടിരിക്കുന്ന പുതിയ ടോപ് എൻഡ് വേരിയന്റിന് 3,80,209 രൂപയാണ് എക്സ്-ഷോറൂം വില. ആപ്പിൾ കാർപ്ലേയ്, ആൻഡ്രോയിഡ് ഓട്ടോ കണക്ടിവിറ്റി സവിധാനങ്ങളുള്ള 7-ഇഞ്ച് ടച്ച്സ്ക്രീൻ ഇൻഫോടൈന്മെന്റ് സിസ്റ്റം ആണ് പുത്തൻ VXi+ വേരിയന്റിന്റെ പ്രധാന ആകർഷണം. പുത്തൻ മാരുതി സുസുക്കി വാഹനങ്ങളിൽ സ്ഥിരം സാന്നിധ്യമായ സ്മാർട്പ്ലേയ് ഇൻഫോടൈന്മെന്റ് സിസ്റ്റം തന്നെയാണ് ആൾട്ടോ VXi+-ലും. റെനോ ക്വിഡിന്റെ ഏറ്റവും ഉയർന്ന വേരിയന്റിൽ 2015-ൽ ലോഞ്ച് ചെയ്തപ്പോൾ മുതൽ തന്നെ ടച്ച്സ്ക്രീൻ ഇൻഫോടൈന്മെന്റ് സിസ്റ്റം ലഭ്യമായിരുന്നു. വൈകിയെങ്കിലും ടച്ച്സ്ക്രീൻ ഇൻഫോടൈന്മെന്റ് സിസ്റ്റത്തിന്റെ വരവ് മാരുതി സുസുക്കി ആൾട്ടോയുടെ ഡിമാൻഡ് വർധിപ്പിക്കും.
ഡിസയർ പേടിക്കണം! കിടിലൻ ലുക്കുമായി ഹ്യൂണ്ടായ് ഓറ എത്തി
ടാറ്റയുടെ ഇലക്ട്രിക്ക് എസ്യുവി, നെക്സോൺ ഇവി എത്തി
ഡ്യുവൽ ഫ്രണ്ട് എയർബാഗുകൾ, ഇബിഡിയോട് കൂടിയ എബിഎസ്, പുറകിൽ പാർക്കിംഗ് സെൻസറുകൾ, ഉയർന്ന വേഗതയുള്ളപ്പോൾ പ്രവർത്തിക്കുന്ന അലേർട്ട് സിസ്റ്റം എന്നീ സുരക്ഷാ ഫീച്ചറുകളും മാരുതി സുസുക്കി ആൾട്ടോ 800-ന്റെ പുതിയ വിക്സി VXi+ വേരിയന്റിലുണ്ട്. മേല്പറഞ്ഞ രണ്ട് കൂട്ടിച്ചേർക്കലുകൾ മാറ്റിനിർത്തിയാൽ VXi+ മോഡലിൽ മറ്റ് മാറ്റങ്ങളൊന്നുമില്ല. VXi വേരിയന്റിന് സമാനമായി ഡ്യുവൽ ടോൺ ഇന്റീരിയറുകൾ, ഹീറ്റർ, പവർ സ്റ്റിയറിംഗ്, ഫ്രണ്ട് പവർ വിൻഡോകൾ, റിമോട്ട് ലോക്കിംഗ്, ക്രമീകരിക്കാവുന്ന വിംഗ് മിററുകൾ എന്നിവ VXi+ വേരിയന്റിലുമുണ്ട്.
മലയാള സിനിമയിലെ നായകന്മാരുടെ ആഡംബര കാറുകൾ കണ്ടാലോ?
അടുത്ത വർഷം ഇന്ത്യയിൽ നിലവിൽ വരുന്ന ബിഎസ്6 മലിനീകരണ നിയന്ത്രണ മാനദണ്ഡങ്ങൾ പാലിയ്ക്കുന്ന 800 സിസി, മൂന്ന് സിലിണ്ടർ പെട്രോൾ എഞ്ചിനാണ് മാരുതി സുസുക്കി ആൾട്ടോ 800-യുടെ ഹൃദയം. 6000 അർപിഎമ്മിൽ 47 ബിഎച്പി പവറും 3500 അർപിഎമ്മിൽ 69 ടോർക്കും നിർമിക്കുന്ന എൻജിൻ 5 സ്പീഡ് മാനുവൽ ഗിയർബോക്സുമായി ബന്ധിപ്പിച്ചിരിക്കുന്നു.