ലോകത്തിലെ വിലപിടിപ്പുള്ള എസ്യുവികളുടെ നിരയിൽ ഒരു പക്ഷെ ഒന്നാം സ്ഥാനം റോൾസ് റോയ്സ് കള്ളിനനോ, ബെന്റ്ലിയുടെ ബെൻടൈഗ ഒക്കെയാവും ഒന്നാം സ്ഥാനത്ത്. കോടികൾ വിലമതിക്കുന്ന ഈ മോഡലുകൾ കിടിലം ആണെങ്കിലും എസ്യുവികളുടെ തമ്പുരാൻ എന്ന വിളിപ്പേരുള്ളത് മെഴ്സിഡസ് ബെൻസിന്റെ ജിഎൽഎസ് എസ്യുവിക്കാണ്. ബെസ്റ്റ് കാർ ഇൻ ദി വേൾഡ് (ലോകത്തിലെ ഏറ്റവും മികച്ച കാർ) എന്ന വിശേഷണം പേറുന്ന എസ്-ക്ലാസ്സിനോട് സമാനമായ എസ്യുവി മോഡൽ ആണ് ജിഎൽഎസ്. കഴിഞ്ഞ വർഷം ഒക്ടോബറിൽ ന്യൂയോർക്ക് ഇന്റർനാഷണൽ ഓട്ടോ ഷോയിൽ അവതരിപ്പിച്ച മൂന്നാം തലമുറ ജിഎൽഎസ്സിനെ മെഴ്സിഡസ്-ബെൻസ് ഇന്ത്യയിലും അവതരിപ്പിച്ചു.
ഭാഗങ്ങളായി ഇറക്കുമതി ചെയ്തു പുണെയിലെ ചാക്കൻ പ്ലാന്റിൽ ആണ് മൂന്നാം തലമുറ മെഴ്സിഡസ്-ബെൻസ് ജിഎൽഎസ്സും തയ്യാറാക്കുന്നത്. ജിഎൽഎസ് 450 4മാറ്റിക് പെട്രോൾ, ജിഎൽഎസ് 400 ഡി 4മാറ്റിക് ഡീസൽ എന്നിങ്ങനെ രണ്ട് വേരിയന്റുകളിൽ വില്പനക്കെത്തിയിരിക്കുന്ന പുത്തൻ ജിഎൽഎസ്സിന് 99.90 ലക്ഷം ആണ് എക്സ്-ഷോറൂം വില.
ഇതുവരെ വില്പനയിലുണ്ടായിരുന്ന രണ്ടാം തലമുറ മോഡലിനേക്കാൾ ആകാരത്തിൽ മുമ്പനാണ് 2020 മെഴ്സിഡസ്-ബെൻസ് ജിഎൽഎസ്. എസ്യുവിയുടെ നീളം 77 മില്ലീമീറ്റർ, വീതി 22 മില്ലീമീറ്റർ, വീൽബേസ് 60 മില്ലീമീറ്റർ എന്നിങ്ങനെ വർദ്ധിച്ചിട്ടുണ്ട്. ഇത് ഇന്റീരിയർ സ്പെയ്സ് കാര്യമായി വർദ്ധിപ്പിച്ചിട്ടുണ്ട് എന്ന് മെഴ്സിഡസ്-ബെൻസ് അവകാശപ്പെടുന്നു. ഇൻഫോടെയ്ൻമെന്റ് സിസ്റ്റം, ഇൻസ്ട്രുമെന്റ് ക്ലസ്റ്റർ എന്നിവയ്ക്കായി സ്പ്ലിറ്റ് സ്ക്രീനുകളുള്ള വലിയ സിംഗിൾ യൂണിറ്റ് ടച്ച്സ്ക്രീൻ ഡിസ്പ്ലേ ആണ് ഡാഷ്ബോർഡിലെ പ്രധാന മാറ്റം. മെഴ്സിഡീസിന്റെ പുതിയ തലമുറ MBUX സിസ്റ്റം, 11.6-ഇഞ്ച് ഡിസ്പ്ലെയുള്ള റെയർ സീറ്റ് എന്റർടൈൻമെന്റ് പാക്കേജ്, ഡ്രൈവർ അസ്സിസ്റ്റൻസ് സിസ്റ്റം, ഹീറ്റഡ് സീറ്റുകൾ, 5-സോൺ ക്ലൈമറ്റ് കണ്ട്രോൾ എന്നിവയും പുത്തൻ ജിഎൽഎസിന്റെ ഇന്റീരിയറിൽ ഇടം പിടിച്ചിട്ടുണ്ട്.
മെഴ്സിഡീസിന്റെ ചെകുത്താൻ, എഎംജി ജിടി ആർ മുഖം മിനുക്കി വിപണിയിൽ
റീഡിസൈൻ ചെയ്ത ഒക്ടഗോണൽ ഗ്രിൽ, 112 എൽഇഡികളുള്ള മൾട്ടിബീം ഹെഡ്ലാംപ്, ക്രോം പ്ലേറ്റിംഗുള്ള അണ്ടർ ഗാർഡ് എന്നിവയാണ് എക്സ്റ്റീരിയറിലെ പ്രധാന മാറ്റങ്ങൾ. പുറകിൽ 3D പാറ്റേർണിലുള്ള ടു-പീസ് എൽഇഡി ടൈൽലാംപ്, അണ്ടർ ബോഡി ക്ലാഡിങ്, സിൽവർ സ്കിഡ് പ്ലേറ്റ്, ഡ്യുവൽ എക്സ്ഹോസ്റ്റ് മഫ്ളർ എന്നിവ ചേർത്തിട്ടുണ്ട്. കവൻസൈറ്റ് ബ്ലൂ, സെലേനൈറ്റ് ഗ്രേ, ഹ്യസിന്ത റെഡ്, ഒബ്സിഡിൻ ബ്ലാക്ക്, മോഹാവേ സിൽവർ എന്നിങ്ങനെ 5 എക്സ്റ്റീരിയർ നിറങ്ങളിൽ 2020 ജിഎൽഎസ് ലഭ്യമാണ്.
സി-ക്ലാസ്സിന്റെ 'കിളിപോയ' ചേട്ടൻ മെഴ്സിഡസ്-എഎംജി സി 63 ഇന്ത്യയിൽ
367 എച്ച്പി പവറും 500 എൻഎം ടോർക്കും ഉത്പാദിപ്പിക്കുന്ന 3.0-ലിറ്റർ V8 പെട്രോൾ എൻജിനൊപ്പം 22 എച്പി അധിക പവാർ നൽകുന്ന 48V മൈൽഡ്-ഹൈബ്രിഡ് സിസ്റ്റം മെഴ്സിഡസ്-ബെൻസ് കൂട്ടിച്ചേർത്തിട്ടുണ്ട്. 330 എച്ച്പി പവറും 700 എൻഎം ടോർക്കും നിർമിക്കുന്ന 3.0-ലിറ്റർ ആണ് ഡീസൽ എൻജിൻ. 9-സ്പീഡ് ഓട്ടോമാറ്റിക് ആയിരിക്കും ട്രാൻസ്മിഷൻ. ഒപ്പം ഓൾ-വീൽ-ഡ്രൈവ് സിസ്റ്റം, എയർമാറ്റിക് എയർ സസ്പെൻഷൻ സിസ്റ്റം, അഡാപ്റ്റീവ് ഡംപിങ് സിസ്റ്റം പ്ലസ് എന്നിവയും പുത്തൻ ജിഎൽഎസ്സിലുണ്ട്.