21.99 ലക്ഷം എക്സ്-ഷോറൂം വിലയുള്ള എക്സൈറ്റ്, 25.88 ലക്ഷം എക്സ്-ഷോറൂം വിലയുള്ള എക്സ്ക്ലൂസിവ് എന്നിങ്ങനെ രണ്ട് വേരിയന്റുകളിലാണ് പുതിയ എംജി ZS ഇവി വിപണയിലെത്തിയിരിക്കുന്നത്. എക്സ്ക്ലൂസീവ് വേരിയന്റിനായുള്ള ബുക്കിംഗ് മാത്രമേ എംജി മോട്ടോർ ഇന്ത്യ നിലവിൽ ആരംഭിച്ചിട്ടുള്ളൂ. എക്സൈറ്റ് വേരിയന്റിൻ്റെ ബുക്കിങ് ഈ വർഷം ജൂലൈ മുതലേ ആരംഭിക്കൂ.
മിനിയുടെ ഇലക്ട്രിക്ക് കാർ, കൂപ്പർ SE ഇന്ത്യയിൽ; വില 47.20 ലക്ഷം രൂപ
2022 എംജി ZS ഇവി - ബാറ്ററി പായ്ക്ക്, റേഞ്ച്, ഇലക്ട്രിക്ക് മോട്ടോർ
2022 എംജി ZS ഇവിയുടെ പ്രധാന ആകർഷണം 44.5kWh ബാറ്ററി പാക്കിന് പകരം ഇടം പിടിച്ചിരിക്കുന്ന പുതിയ വലിയ 50.3kWh ബാറ്ററി പായ്ക്കാണ്. വലിയ ബാറ്ററി എത്തിയതോടെ ഒരു ഫുൾ ചാർജിൽ സഞ്ചരിക്കാവുന്ന എസ്യുവിയുടെ റേഞ്ച് 461 കിലോമീറ്ററായി വർദ്ധിച്ചതായി എംജി അവകാശപ്പെടുന്നു. ഇത് വരെ വില്പനയിലുണ്ടായിരുന്ന എംജി ZS ഇവിയ്ക്ക് 419 കിലോമീറ്റർ (42 കിലോമീറ്റർ കുറവ്) ആയിരുന്നു റേഞ്ച്.
ഫ്രണ്ട്-ആക്സിൽ ഘടിപ്പിച്ച ഇലക്ട്രിക് മോട്ടോർ തന്നെയാണ് പുതിയ എംജി ZS ഇവിയെയും ചലിപ്പിക്കുന്നത്. മുൻപ് ഈ മോട്ടോറിന്റ ഔട്പുട്ട് 143 എച്ച്പി ആയിരുന്നെങ്കിൽ പുത്തൻ മോഡലിൽ ഇത് വർധിച്ച് 176 എച്ച്പി ആയിട്ടുണ്ട്. ടോർക്ക് 353 എൻഎമ്മാണ്. 8.5 സെക്കൻഡിനുള്ളിൽ പൂജ്യത്തിൽ നിന്നും മണിക്കൂറിൽ 100 കിലോമീറ്റർ സ്പീഡിലേക്ക് കുതിക്കാൻ പുതിയ പുതിയ ZS ഇവിയ്ക്കാവും എന്ന് എംജി അവകാശപ്പെടുന്നു.
Born Electric Vision : മഹീന്ദ്രയുടെ ഇലക്ട്രിക്ക് എസ്യുവികളുടെ അരങ്ങേറ്റം ജൂലായിൽ
2022 എംജി ZS ഇവി - എക്സ്റ്റീരിയർ, നിറങ്ങൾ
കഴിഞ്ഞ വർഷം അഗസ്റ്റിലാണ് ആഗോള വിപണിയിൽ പുതിയ എംജി ZS ഇവി അരങ്ങേറ്റം കുറിച്ചത്. ഇന്ത്യ-സ്പെക്ക് മോഡൽ ഈ അന്താരാഷ്ട്ര പതിപ്പിന് സമാനമാണ് കാഴ്ച്ചയിൽ. പെട്രോൾ എൻജിനിൽ പ്രവർത്തിക്കുന്ന സഹോദരനായ ആസ്റ്ററുമായി ഏറെ സാമ്യം പുതിയ ZS ഇവിയ്ക്കുണ്ട്. പുതിയ എൽഇഡി ഡേടൈം റണ്ണിംഗ് ലാമ്പ് സിഗ്നേച്ചറുകളുള്ള വണ്ണം കുറഞ്ഞ ഹെഡ്ലാമ്പുകളും എൽഇഡി ടെയിൽ ലാമ്പുകളും ആസ്റ്ററിന്റേതിന് സമാനമാണ്.
എന്നാൽ മുൻപിൽ ഗ്രില്ലിന് പകരം ബോഡി-നിറമുള്ള, ബ്ലാങ്ക്ഡ്-ഓഫ് ഫ്രന്റൽ സെക്ഷനാണ് പുതിയ എംജി ZS ഇവിയെ വ്യത്യസ്തമാക്കുന്നത്. ചാർജിംഗ് പോർട്ട് ഇപ്പോഴും ഈ ഗ്രിൽ ഏരിയയിൽ സ്ഥിതിചെയ്യുന്നുണ്ടെങ്കിലും, അത് എംജി ലോഗോയ്ക്ക് പിന്നിലല്ല, മറിച്ച് ഒരു വശത്ത് ഭംഗിയായി മറച്ചിരിക്കുന്നു. മുന്നിലും പിന്നിലും ഉള്ള ബമ്പറുകൾക്ക് സ്പോർട്ടി ഡീറ്റെയ്ലിംഗും 17 ഇഞ്ച് അലോയ് വീലുകൾക്ക് പുതിയ ഡിസൈനുമാണ് മറ്റുള്ള ആകർഷണങ്ങൾ. ഫെറിസ് വൈറ്റ്, കറന്റ് റെഡ്, ആഷെൻ സിൽവർ, സാബിൾ ബ്ലാക്ക് എന്നിങ്ങനെ നാല് നിറങ്ങളിൽ പുതിയ എംജി ZS ഇവി വാങ്ങാം.
ടാറ്റ സിയറക്ക് പച്ചക്കൊടി, ഇലക്ട്രിക്ക് എസ്യുവിയായി രണ്ടാം ജന്മം
2022 എംജി ZS ഇവി - ഇന്റീരിയർ, ഫീച്ചറുകൾ
പുതിയ ZS ഇവിയുടെ അകത്ത് എംജി കാര്യമായി കൈവച്ചിട്ടില്ല. ഡാഷ്ബോർഡിന് ചുറ്റും ഒരു പുതിയ കാർബൺ-ഫൈബർ ട്രിം ചേർത്ത് പുതുമ വരുത്താൻ ശ്രമിച്ചിട്ടുണ്ട്. ക്ലൈമറ്റ് കണ്ട്രോൾ ബട്ടണുകൾ പരിഷ്ക്കരിച്ച് ആസ്റ്ററിന്റേതിന് സമാനമാക്കിയിട്ടുണ്ട്. ഇത് കൂടാതെ ആസ്റ്ററിൽ നിന്നും ധാരാളം ഫീച്ചറുകൾ പുത്തൻ ZS ഇവിയിലെത്തിയിട്ടുണ്ട്. പഴയ 8.0 ഇഞ്ച് യൂണിറ്റിന് പകരം പുതിയ 10.1 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റവും അനലോഗ് ഡയലുകൾക്ക് പകരം പുതിയ 7.0 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്ററും ഇത്തത്തിലുള്ള മാറ്റങ്ങളാണ്.
ബ്ലൈൻഡ് സ്പോട്ട് ഡിറ്റക്ഷൻ, ലെയ്ൻ ചേഞ്ച് അസിസ്റ്റ്, റിയർ ക്രോസ് ട്രാഫിക് അലേർട്ട് എന്നിവ ഉൾപ്പെടുന്ന 360-ഡിഗ്രി ക്യാമറയും റിയർ ഡ്രൈവ് അസിസ്റ്റ് ഫീച്ചറും സുരക്ഷയ്ക്കായി ഉൾപെടുത്തിയിട്ടുണ്ട്. ആസ്റ്ററിന്റെ ഡാഷ്ബോർഡിൽ ഘടിപ്പിച്ച റോബോട്ട് അസിസ്റ്റന്റിനെ പക്ഷെ പുത്തൻ ZS ഇവിയിൽ എംജി മോട്ടോർ ഒഴിവാക്കി. പനോരമിക് സൺറൂഫ്, അപ്ഡേറ്റ് ചെയ്ത ഐ-സ്മാർട്ട് കണക്റ്റഡ് കാർ ടെക്, വയർലെസ് ചാർജിംഗ്, ഡിജിറ്റൽ ബ്ലൂടൂത്ത് കീ, 6 എയർബാഗുകൾ, ഹിൽ ഡിസന്റ് കൺട്രോൾ, ടിപിഎംഎസ്, ഇഎസ്സി എന്നവിടെയാണ് മറ്റുള്ള പ്രധാന ഫീച്ചറുകൾ.