കിയ സെൽറ്റോസിന്റെ വില വർധിപ്പിച്ചു, പുതുക്കിയ വില അറിയാം

2019-ന്റെ മിന്നും താരമായിരുന്നു ദക്ഷിണ കൊറിയൻ വാഹന നിർമാതാക്കളായ കിയ മോട്ടോഴ്സിന്റെ സെൽറ്റോസ് എസ്‌യുവി. ഇന്ത്യയിൽ ഒരു പുത്തൻ വാഹന നിർമ്മാതാവായിരുന്നിട്ടും കിയ മോട്ടോഴ്സിന്റെ സെൽറ്റോസ് ചൂടപ്പം പോലെയാണ് വിറ്റഴിഞ്ഞത്, അതും വില്പനമാന്ദ്യം മൂലം ഭൂരിപക്ഷം വാഹനനിർമാതാക്കളും വലയുന്ന സമയത്ത്. കഴിഞ്ഞ വർഷം ഓഗസ്റ്റിൽ വില്പനക്കെത്തിയ സെൽറ്റോസിന്റെ പ്രധാന ആകർഷണം 9.69 ലക്ഷം മുതൽ 15.99 ലക്ഷം വരെയുള്ള എക്‌സ്-ഷോറൂം വിലയായിരുന്നു. നാല് മാസത്തിന് ശേഷം സെൽറ്റോസിന്റെ വില ഈ മാസം ഒന്നാംതീയതി മുതൽ കിയ മോട്ടോർസ് ഇന്ത്യ വർധിപ്പിച്ചു.

20,000 രൂപ മുതൽ 35,000 രൂപവരെയാണ് സെൽറ്റോസിന്റെ വില വർധിപ്പിച്ചിരിക്കുന്നത്. വില വർധനയ്ക്ക് ശേഷം, 9.89 ലക്ഷം മുതൽ 16.29 ലക്ഷം രൂപവരെയാണ് സെൽറ്റോസിന്റെ എക്‌സ് ഷോറൂം വില. ഇതോടൊപ്പം പുത്തൻ ടാക്‌സ് ഘടനയ്ക്കനുസരിച്ചുള്ള വിലയും കൂടി ചേരുമ്പോൾ ഓരോ സെൽറ്റോസ് വേരിയന്റിന്റെയും ഓൺ റോഡ് വില 60,000 രൂപ മുതൽ 70,000 രൂപ വരെ കൂടിയേക്കാം.

Also read: കാൾമാൻ കിംഗ് - ഒരു സംഭവമാണ് ലോകത്തെ ഏറ്റവും വിലപിടിപ്പുള്ള എസ്‌യുവി


കിയ സെൽറ്റോസിന്റെ പുതിയ എക്‌സ്-ഷോറൂം വില വിവരങ്ങൾ


Also read: ഇന്ത്യക്കാർ 2019-ൽ ഗൂഗിൾ ചെയ്തത് ഈ 10 കാറുകൾ

ഒരു ലക്ഷവും കടന്ന് ബുക്കിംഗ്

വിപണിയിലെത്തി നാല് മാസം കഴിഞ്ഞെങ്കിലും സെൽറ്റോസിന്റെ വില്പന ഇപ്പോഴും ടോപ് ഗിയറിൽ തന്നെയാണ്. ലോഞ്ചിന് മുൻപ് തന്നെ 30,000 ബുക്കിംഗ് നേടി അത്ഭുതപ്പെടുത്തിയ സെൽറ്റോസിന്റെ ബുക്കിംഗ് 1 ലക്ഷം കവിഞ്ഞു. GT X Plus (1.4 T-GDI പെട്രോൾ), HT X (1.5 പെട്രോൾ), HT X Plus (1.5 ഡീസൽ) എന്നീ ഉയർന്ന വേരിയന്റുകൾക്കാണ് കൂടുതൽ ഡിമാൻഡ് എന്നാണ് ഡീലർഷിപ്പിൽ നിന്നുള്ള വിവരങ്ങൾ.

Also read: എന്തോ കേരളത്തിലെ സിനിമക്കാർക്കൊക്കെ ഓഡിയോടാണ് ഇഷ്ടം

കിയ സെൽറ്റോസ്

ഹ്യൂണ്ടായ് ക്രെറ്റ, എംജി ഹെക്ടർ, ടാറ്റ ഹാരിയർ, മഹിന്ദ്ര എക്‌സ്യുവി500, ജീപ്പ് കോമ്പസ് എന്നീ എസ്‌യുവി വമ്പന്മാരോട് മത്സരിക്കുന്ന കിയ സെൽറ്റോസിന് 3 എൻജിൻ ഓപ്ഷനുകളാണ്, 1.5-ലീറ്റർ സ്മാർട്ട് സ്ട്രീം പെട്രോൾ, 1.5-ലീറ്റർ സിആർഡിഐ ഡീസൽ, 1.4-ലീറ്റർ സ്മാർട്ട്സ്ട്രീം ടർബോ-പെട്രോൾ. BS6 മലിനീകരണ നിയന്ത്രണ മാനദണ്ഡങ്ങൾ പാലിക്കുന്നവയാണ് ഈ മൂന്ന് എൻജിനുകളും. 6-സ്പീഡ് മാനുവൽ, 6-സ്പീഡ് ടോർക്ക് കൺവെർട്ടർ ഓട്ടോമാറ്റിക്ക്, 7-സ്പീഡ് ഡിസിടി, ഐവിടി എന്നിങ്ങനെ നാലു ട്രാൻസ്മിഷനുകൾ ഓപ്ഷനുകളുമുണ്ട്.