വാഹനം നിർത്തലാക്കാനുള്ള കാരണം
കുറച്ച് നാളുകൾക്കിടയിൽ പല കാർ നിർമ്മാതാക്കളും നിരവധി മോഡലുകൾ ഇന്ത്യയിൽ നിന്നും പിൻവലിച്ചിരുന്നു. സാമ്പത്തികമായി ലാഭകരമല്ലാത്തതിനാൽ പുതിയ എമിഷൻ മാനദണ്ഡങ്ങൾ പാലിക്കുന്നതിനായി 800 സിസി പതിപ്പിന്റെ എഞ്ചിൻ നവീകരിക്കാൻ റെനോ തയ്യാറല്ലാത്തതാണ് ക്വിഡ് 800സിസി നിർത്തലാകാൻ കാരണം. 800 സിസി എഞ്ചിൻ എമിഷൻ മാനദണ്ഡങ്ങൾക്ക് അനുസൃതമായി നിർമ്മിക്കാൻ ശ്രമിച്ചാൽ ചിലവും വാഹനത്തിന്റെ വിലയും വർധിക്കുകയും ആവശ്യക്കാരുടെ എണ്ണം കുറയുകയും ചെയ്യും.
Read More: ടാറ്റ പഞ്ചിനെ പുതപ്പിക്കുമോ?, പുതിയ കുഞ്ഞൻ എസ്‌യുവി ലോഞ്ച് ചെയ്യാനൊരുങ്ങി ഹ്യുണ്ടായ്
റെനോ ക്വിഡിന്റെ 800 സിസി മോഡൽ
റെനോ ക്വിഡിന്റെ 800 സിസി പതിപ്പ് ഔദ്യോഗിക വെബ്‌സൈറ്റിൽ നിന്ന് ഒഴിവാക്കി. ഈ വാഹനത്തിന്റെ 0.8 ലിറ്റർ പതിപ്പ് RXL, RXL(O) വേരിയന്റുകളിലാണ് ലഭ്യമായിരുന്നത്. 800 സിസി വേരിയന്റ് നിർത്തലാക്കിയെങ്കിലും 1.0 ലിറ്റർ പതിപ്പ് തുടർന്നും വിൽപ്പന നടത്തും. അഞ്ച് വേരിയന്റുകളിലാണ് ഈ മോഡൽ ലഭ്യമാകുന്നത്. റെനോ ക്വിഡിന്റെ 800 സിസി വേരിയന്റിൽ 3 സിലിണ്ടർ, നാച്ചുറലി ആസ്പിറേറ്റഡ് പെട്രോൾ എഞ്ചിനാണുള്ളത്. 52 ബിഎച്ച്പി പവറും 72 എൻഎം പീക്ക് ടോർക്കും നൽകുന്ന ഈ എഞ്ചിൻ 5 സ്പീഡ് മാനുവൽ ഗിയർബോക്സുമായിട്ടാണ് വന്നത്.
റെനോ ക്വിഡ് 1.0 ലിറ്റർ മോഡൽ
റെനോ ക്വിഡിന്റെ 1.0 ലിറ്റർ പതിപ്പിൽ 999 സിസി 3 സിലിണ്ടർ, നാച്ചുറലി ആസ്പിറേറ്റഡ് പെട്രോൾ എഞ്ചിനാണുള്ളത്. ഈ എഞ്ചിൻ 67 ബിഎച്ച്പി പവറും 91 എൻഎം പീക്ക് ടോർക്കും ഉത്പാദിപ്പിക്കുന്നു. 5 സ്പീഡ് മാനുവൽ, 5 സ്പീഡ് എഎംടി ഗിയർബോക്‌സ് ഓപ്ഷനുകളിൽ ഈ വാഹനം ലഭ്യമാകും. റെനോയെ കൂടാതെ മാരുതി സുസുക്കിയും തങ്ങളുടെ എൻട്രി ലെവൽ ഹാച്ച്ബാക്ക് ഓൾട്ടോ 800 നിർത്തലാക്കിയിരുന്നു. സ്കോഡ പോലുള്ള മറ്റ് കമ്പനികളും അധികം വിൽപ്പനയില്ലാത്ത വാഹനങ്ങൾ നിർത്തലാക്കി.
Read More: ഇതുപോലൊരു അവസരം ഇനി കിട്ടില്ല; ഥാർ അടക്കമുള്ള മഹീന്ദ്ര എസ്‌യുവികൾക്ക് 72,000 രൂപ വരെ കിഴിവ്
റിയൽ ടൈം എമിഷൻ
പുതിയ എമിഷൻ മാനദണ്ഡങ്ങൾ അനുസരിച്ച് വാഹനത്തിൽ റിയൽ ടൈം ഡ്രൈവിങ് എമിഷൻ അളവ് നിരീക്ഷിക്കുന്ന ഒരു ഓൺ-ബോർഡ് സെൽഫ് ഡയഗ്നോസ്റ്റിക് ഡിവൈസ് ആവശ്യമാണ്. കാറ്റലറ്റിക് കൺവെർട്ടർ, ഓക്സിജൻ സെൻസറുകൾ തുടങ്ങിയ ഭാഗങ്ങൾ എമിഷൻ മാനദണ്ഡങ്ങൾ പാലിക്കുന്നുണ്ടെന്ന് ഉറപ്പാക്കാൻ വേണ്ടി ഈ ഉപകരണം പ്രവർത്തിക്കും. ലബോറട്ടറിക്ക് പകരം റിയൽ ടൈം ആയി വാഹനം പുറന്തള്ളുന്ന നൈട്രജൻ ഓക്സൈഡ് പോലുള്ള മലിനീകരണങ്ങളെ ഡിവൈസ് അളക്കുന്നു.
സെമികണ്ടക്ടറുകളുടെ നവീകരണം
വാഹനങ്ങൾ ആർഡിഇ കംപ്ലയിന്റ് ആക്കുന്നതിന്റെ ഭാഗമായി ത്രോട്ടിൽ, ക്രാങ്ക്ഷാഫ്റ്റ് പൊസിഷനുകൾ, എയർ ഇൻടേക്ക് പ്രെഷർ, എഞ്ചിന്റെ താപനില, എക്‌സ്‌ഹോസ്റ്റിൽ നിന്നുള്ള എമിഷനിൽ അടങ്ങിയിരിക്കുന്ന ഘടകങ്ങൾ, ഇന്ധനത്തിന്റെ അളവ് നിയന്ത്രിക്കാൻ പ്രോഗ്രാം ചെയ്‌ത ഫ്യൂവൽ ഇൻജക്ടറുകൾ എന്നിവ നിരീക്ഷിക്കാൻ ആവശ്യമായ സെമികണ്ടക്ടറുകൾ നവീകരിക്കണം. ഇതൊക്കെ കണക്കിലെടുത്താണ് റെനോ ക്വിഡ് 800 സിസി മോഡലിനെ കമ്പനി ഒഴിവാക്കിയിരിക്കുന്നത്.
Read More: മഹീന്ദ്രയോടൊന്നും തോന്നല്ലേ മക്കളേ; മഹീന്ദ്ര XUV700, XUV300 എന്നിവയ്ക്ക് 75000 രൂപ വരെ വില കൂട്ടി