ഫൈവ് സ്റ്റാർ സുരക്ഷ
Adult Occupancy Protection (മുതിർന്നവരുടെ സുരക്ഷ)-യുടെ കാര്യത്തിൽ 16.45/17 മാർക്കും, Child Occupancy Protection (കുട്ടികളുടെ സുരക്ഷ)-യുടെ കാര്യത്തിൽ 40.89/49 മാർക്കും നേടിയാണ് ടാറ്റ പഞ്ച് ഫൈവ് സ്റ്റാർ റേറ്റിംഗ് നേടിയത്. ഡ്രൈവർക്കും സഹയാത്രികനും എയർബാഗ്, എബിഎസ് എന്നിങ്ങനെയുള്ള സുരക്ഷാ ക്രമീകരണങ്ങളുള്ള പഞ്ച് വേരിയന്റ് 64 കെഎംപിഎച് വേഗത്തിലാണ് ക്രാഷ് ടെസ്റ്റ് ചെയ്തത്. പഞ്ചിന്റെ ബോഡി ഷെല്ലിനെ 'സ്ഥിരതയുള്ളത്' എന്നും 'കൂടുതൽ ലോഡിംഗുകൾ നേരിടാനുള്ള കഴിവുള്ളത്' എന്നും GNCAP റിപ്പോർട്ട് വെളിപ്പെടുത്തുന്നു.
ആൽഫ ആർക്കിടെക്ചർ അടിസ്ഥാനമായി തയ്യാറാക്കിയ ടാറ്റ പഞ്ചിൽ ഡ്യൂവൽ എയർബാഗുകൾ, എബിഎസ്, ഇബിഡി, ബ്രേക്ക് സ്വേ കൺട്രോൾ, സീറ്റ് ബെൽറ്റ് റിമൈൻഡർ, ഹൈ സ്പീഡ് അലർട്ട്, റിയർ പാർക്കിംഗ് സെൻസറുകൾ, ഐസോഫിക്സ് ചൈൽഡ് സീറ്റ് മൗണ്ടുകൾ തുടങ്ങിയ സുരക്ഷാ ഫീച്ചറുകൾ സ്റ്റാൻഡേർഡ് ആണ്.
കുഞ്ഞൻ എസ്‌യുവികളുടെ തലവര മാറ്റാൻ ടാറ്റ പഞ്ച്; ബുക്കിങ് തുടങ്ങി
ടാറ്റ പഞ്ച് - ക്രാഷ്ടെസ്റ്റ് വീഡിയോ
ലോഞ്ച് 18ന്
ഈ മാസം 20നാണ് ടാറ്റായുടെ കുഞ്ഞൻ എസ്‌യുവി പഞ്ചിന്റെ ലോഞ്ച് ക്രമീകരിച്ചിരിക്കുന്നത് എങ്കിലും 18ലേക്ക് മാറ്റിയതായി ടാറ്റ മോട്ടോർസ് വ്യക്തമാക്കുന്നു. 86 ബിഎച്പി കരുത്തും 113 എൻഎം ടോർക്കും നിർമിക്കുന്ന 1.2 ലിറ്റർ, മൂന്ന് സിലിണ്ടർ നാച്ചുറലി ആസ്പിറേറ്റഡ് പെട്രോൾ എഞ്ചിനാണ് ടാറ്റ പഞ്ചിന് കരുത്ത് പകരുന്നത്. 5 സ്പീഡ് മാനുവൽ, എഎംടി ഓട്ടോമാറ്റിക് എന്നിവയാണ് ഗിയർബോക്‌സ് ഓപ്ഷനുകൾ. 6.5 സെക്കൻഡിൽ പഞ്ച് 0-60 കിലോമീറ്റർ വേഗതയും 16.5 സെക്കൻഡിൽ 0-100 കിലോമീറ്റർ വേഗത കൈവരിക്കുമെന്ന് ടാറ്റ മോട്ടോഴ്സ് അവകാശപ്പെടുന്നു. പ്യൂർ, അഡ്വെഞ്ചർ, അകംപ്ലിഷ്ഡ്, ക്രിയേറ്റീവ് എന്നിങ്ങനെ നാല് ട്രിമ്മുകളിലാണ് ടാറ്റ പഞ്ച് വില്പനക്കെത്തുക.