വില
ടാറ്റ ഹാരിയറിന്റെ എക്സ് ഷോറൂം വില 15 ലക്ഷം രൂപ മുതലാണ് ആരംഭിക്കുന്നത്. 24.07 ലക്ഷം രൂപ വരെ എക്സ്ഷോറൂം വിലയിൽ ഈ വാഹനം ലഭ്യമാകും. മഹീന്ദ്ര XUV700, സ്കോർപിയോ-എൻ, എംജി ഹെക്ടർ തുടങ്ങിയ ഇന്ത്യൻ വിപണിയിൽ സമാനമായ വിലയിൽ ലഭ്യമാകുന്ന മറ്റ് എസ്‌യുവികൾക്കെതിരെയാണ് ടാറ്റ ഹാരിയർ എസ്‌യുവി മത്സരിക്കുന്നത്. അധികം വൈകാതെ ടാറ്റ ഹാരിയന്റിന്റെ ഫേസ്ലിഫ്റ്റ് പതിപ്പ് ഇന്ത്യയിൽ അവതരിപ്പിക്കുമെന്നും സൂചനകളുണ്ട്.
ഹാരിയറിന്റെ വിൽപ്പന
2019 ജനുവരിയിലാണ് ടാറ്റ ഹാരിയർ എസ്‌യുവി പുറത്തിറങ്ങിയത്. വളരെ വൈകാതെ ഈ മോഡൽ എസ്‌യുവി വിപണിയിൽ ശ്രദ്ധ നേടി. അടുത്തിടെയാണ് കമ്പനി ഹാരിയർ എസ്‌യുവിയുടെ 2023 പതിപ്പിന്റെ ഡെലിവറി ആരംഭിച്ചത്. ബിഎസ് 6 ഫേസ് 2 കംപ്ലയിന്റ് എഞ്ചിനുമായിട്ടാണ് ഇപ്പോൾ ഹാരിയർ എസ്‌യുവി വരുന്നത്.
Read More: ആറ് എയർബാഗും അതിനൊത്ത ഫീച്ചറുകളും; സുരക്ഷയിൽ വിട്ടുവീഴ്ച ചെയ്യാതെ ഹ്യുണ്ടായ് എക്സ്റ്റർ
എഞ്ചിൻ
ലാൻഡ് റോവർ ഡി8 പ്രൊഡക്റ്റായ ഒമേഗ ആർക്ക് പ്ലാറ്റ്‌ഫോമിനെ അടിസ്ഥാനമാക്കിയാണ് ടാറ്റ ഹാരിയർ നിർമ്മിച്ചിട്ടുള്ളത്. 2.0-ലിറ്റർ ഫോർ സിലിണ്ടർ ടർബോ ഡീസൽ എഞ്ചിന്റെ കരുത്തിലാണ് ഈ വാഹനം പ്രവർത്തിക്കുന്നത്. 170 പിഎസ് മാക്സിമം പവറും 350 എൻഎം പീക്ക് ടോർക്കും ഉത്പാദിപ്പിക്കുന്ന എഞ്ചിനാണ് ഇത്. ഈ എഞ്ചിൻ ജീപ്പ് കോമ്പസ്, എംജി ഹെക്ടർ, ടാറ്റയുടെ തന്നെ സഫാരി എന്നീ വാഹനങ്ങളിലുള്ളതാണ്. ഹാരിയറിൽ ട്രാൻസ്മിഷൻ ഓപ്ഷനുകളായി 6 സ്പീഡ് മാനുവൽ ഗിയർബോക്സും 6 സ്പീഡ് ടോർക്ക് കൺവെർട്ടർ ഓട്ടോമാറ്റിക്കുമാണുള്ളത്.
ഡിസൈൻ
ടാറ്റ മോട്ടോഴ്‌സിന്റെ ഇംപാക്റ്റ് 2.0 സ്റ്റൈലിങ് ഫിലോസഫി അനുസരിച്ചാണ് ടാറ്റ ഹാരിയർ നിർമ്മിച്ചിരിക്കുന്നത്. ഹാരിയറിൽ ആനുപാതികമായ ഡിസൈനാണ് കമ്പനി നൽകിയിട്ടുള്ളത്. ബോൾഡായ ഡിസൈൻ ആയിരുന്നിട്ടും ഏറ്റവും പുതുമയുള്ള രൂപം വാഹനത്തിൽ കമ്പനി നൽകിയിട്ടുണ്ട്. ഹാരിയറിലെ മുൻവശത്ത് സ്പ്ലിറ്റ്-ഹെഡ്‌ലാമ്പ് ഡിസൈനാണ് നൽകിയിട്ടുള്ളത്. മാക്കോ സ്റ്റാൻസ്, ബ്ലാക്ക് കളറുള്ള ബാറുമായി കണക്റ്റ് ചെയ്തിരിക്കുന്ന എൽഇഡി ടെയിൽ ലൈറ്റുകളടങ്ങുന്നന പിൻഭാഗം എന്നിവയാണ് ഡിസൈൻ ഘടകങ്ങൾ.
Read More: ക്ലച്ച് ചവിട്ടി മടുത്തോ?, കുറഞ്ഞ വിലയുള്ള ഈ ഓട്ടോമാറ്റിക്ക് കാറുകൾ വാങ്ങാം
സവിശേഷതകൾ
ടാറ്റ ഹാരിയറിൽ മികച്ച നിരവധി ഫീച്ചറുകൾ കമ്പനി നൽകിയിട്ടുണ്ട്. ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവ സപ്പോർട്ട് ചെയ്യുന്ന 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റമാണ് വാഹനത്തിലുള്ളത്. ഏഴ് ഇഞ്ച് ഡിജിറ്റൽ ഡ്രൈവർ ഡിസ്‌പ്ലേയും ഹാരിയറിലുണ്ട്. ആറ് തരത്തിൽ പവർ അഡ്ജസ്റ്റബിളായിട്ടുള്ള ഡ്രൈവർ സീറ്റാണ് വാഹനത്തിൽ കമ്പനി നൽകിയിട്ടുള്ളത്. പനോരമിക് സൺറൂഫ്, വയർലെസ് ഫോൺ ചാർജിങ്, റെയിൻ സെൻസിങ് വൈപ്പറുകൾ എന്നിവയും ഈ വാഹനത്തിലുണ്ട്.
സുരക്ഷാ ഫീച്ചറുകൾ
ടാറ്റ ഹാരിയറിൽ 360-ഡിഗ്രി ക്യാമറയുണ്ട്. സുരക്ഷയ്ക്കായി ആറ് എയർബാഗുകളുമായിട്ടാണ് ഹാരിയർ വരുന്നത്. എബിഎസുള്ള ഇബിഡി, ഇലക്ട്രോണിക് സ്റ്റെബിലിറ്റി പ്രോഗ്രാം, ഹിൽ-ഹോൾഡ് അസിസ്റ്റ്, ഹിൽ-ഡിസെന്റ് കൺട്രോൾ എന്നിവയും ഡ്രൈവർ-അസിസ്റ്റൻസ് സിസ്റ്റംസ് (ADAS) ഫീച്ചറുകളായി ഫോർവേഡ് കെളിഷൻ വാണിങ്, ഓട്ടോ എമർജൻസി ബ്രേക്കിങ്, ബ്ലൈൻഡ് സ്പോട്ട് ഡിറ്റക്ഷൻ എന്നിവയും ടാറ്റ ഹാരിയറിൽ കമ്പനി സുരക്ഷാ ഫീച്ചറുകളായി നൽകിയിട്ടുണ്ട്.
Read More: ഓഫർ നൽകുന്നത് ഹരമാക്കി റെനോ; കാറുകൾക്ക് ഈ മാസം 62,000 രൂപ വരെ കിഴിവ്