നെക്സോൺ ഇവിയിലൂടെ ഫസ്റ്റ് ഗിയറും ടിഗോർ ഇവിയിലൂടെ സെക്കന്റ് ഗിയറുമിട്ട് ഇലക്ട്രിക്ക് വാഹന വിപണിയിൽ മുന്നേറുന്ന ടാറ്റ മോട്ടോർസ് തേർഡ് ഗിയറിലേക്ക് മാറുകയാണ്. ഇലക്ട്രിക്ക് കൂപെ എസ്യുവി കോൺസെപ്റ്റ് അവതരിപ്പിച്ചാണ് രാജ്യത്തെ ഇലക്ട്രിക്ക് വാഹന വിപണിയിലെ തങ്ങളുടെ നിലവിലെ മേധാവിത്വം ഉറപ്പിക്കാൻ ടാറ്റ മോട്ടോർസ് ഒരുങ്ങുന്നത്. കർവ്വ് (Curvv) എന്നാണ് ടാറ്റ പുതുതായി അവതരിപ്പിച്ച ഇലക്ട്രിക്ക് എസ്യുവി കോൺസെപ്റ്റിന്റെ പേര്. നെക്സോൺ ഇവിയ്ക്ക് മുകളിലായി പൊസിഷൻ ചെയ്തിരിക്കുന്ന കർവ്വ് എസ്യുവിയുടെ വരവ് പക്ഷെ ഉടനുണ്ടാവില്ല. രണ്ട് വർഷത്തിനുള്ളിൽ കർവ്വ് എസ്യുവി വില്പനക്കെത്തിക്കാനാണ് ടാറ്റായുടെ പദ്ധതി. ടാറ്റയുടെ പുതിയ 'ഡിജിറ്റൽ' ഡിസൈൻ ഭാഷ്യം അനുസരിച്ചാണ് കർവ്വ് കോൺസെപ്റ്റ് തയ്യാറാക്കിയിരിക്കുന്നത്. ഈ ഡിസൈൻ ഭാഷ്യമാണ് തുടർന്നുള്ള ടാറ്റ മോട്ടോർസ് എസ്യുവികൾ പിന്തുടരുക എന്നാണ് വിവരം. മുഴുനീള എൽഇഡി ലൈറ്റ് ബാർ ചേർന്ന ബോണറ്റ്, ഹെഡ്ലൈറ്റുകൾക്കായി ത്രികോണാകൃതിയിലുള്ള ഹൗസിംഗുകളുള്ള ഭംഗിയായി ഡിസൈൻ ചെയ്തിരിക്കുന്ന ബമ്പർ എന്നിവയാണ് മുന്കാഴ്ചയിൽ ആകർഷണം. നോച്ച്ബാക്ക് സ്റ്റൈലിൽ ബൂട്ടിലേക്ക് ഒഴുകിയിറങ്ങുന്ന വിധത്തിലുള്ള കർവ്വിന്റെ പിൻഭാഗം ഏറെ ആകർഷകമാണ്. പുറകിലെ പൂർണ്ണ വീതിയുള്ള ലൈറ്റ് ബാർ ടെയിൽലൈറ്റ്, ത്രികോണാകൃതിയിലുള്ള എയർ വെന്റുകൾ എന്നിവ മുൻഭാഗത്തിന്റെ ഡിസൈനുമായി ഒത്തുപോകുന്ന വിധത്തിലാണ്. വശങ്ങളിൽ അതെ സമയം ശക്തമായ ഷോൾഡർ ലൈൻ, ചതുരാകൃതിയിലുള്ള വീൽ ആർച്ചുകൾ, എസ്യുവിയ്ക്ക് പരുക്കൻ ലുക്ക് നൽകാൻ ബോഡി ക്ലാഡിംഗ് എന്നിവയും ചേർത്തിട്ടുണ്ട്.
മുകളിൽ ഒരു ഫാബ്രിക് മെറ്റീരിയലും ക്യാബിന്റെ വീതിയിൽ പ്രവർത്തിക്കുന്ന ഒരു കോപ്പർ ഫിനിഷ്ഡ് സ്ട്രിപ്പും ചുവടെ കറുപ്പ് നിറത്തിൽ പ്രത്യേക ഡിസൈനുമായി ത്രീ ലെയർ ഡാഷ്ബോർഡ് ആണ് കർവ്വിന്റെ ഇന്റീരിയറിൽ ക്രമീകരിച്ചിരുക്കുന്നത്. രണ്ട് ഫ്രീ-സ്റ്റാൻഡിംഗ് ഡിജിറ്റൽ സ്ക്രീനുകൾ, ഒന്ന് ഇൻഫോടെയ്ൻമെന്റ് സിസ്റ്റത്തിനും മറ്റൊന്ന് ഇൻസ്ട്രുമെന്റ് ക്ലസ്റ്ററിനും, ഡാഷ്ബോർഡിന്റെ ഭംഗി വർദ്ധിപ്പിക്കുന്നുണ്ട്. ഒപ്പം പുതിയ ടു-സ്പോക്ക് ഫ്ലാറ്റ് ബോട്ടം സ്റ്റിയറിംഗ് വീൽ ഡിസൈനും വാഹനത്തിന്റെ ഭംഗി വർദ്ധിപ്പിക്കുന്നുണ്ട്.
ഒന്നിലധികം ബോഡിസ്റ്റൈലുകളും പവർട്രെയിൻ ഓപ്ഷനുകളും ഉൾക്കൊള്ളുന്നതിനായി രൂപകൽപ്പന ചെയ്തിരിക്കുന്ന ടാറ്റയുടെ ജനറേഷൻ 2 ഇവി ആർക്കിടെക്ചറിലാണ് Curvv കോൺസെപ്റ്റിന്റെ വില്പനക്കൊരുങ്ങുന്ന പതിപ്പ് തയ്യാറാക്കുക. വലിയ ബാറ്ററികൾക്കും മികച്ച പവർട്രെയിൻ ഓപ്ഷനുകൾക്കും അനുയോജ്യമായ രീതിയിൽ പരിഷ്ക്കരിച്ച ഈ പ്ലാറ്റ്ഫോമിന് ഓൾ-വീൽ ഡ്രൈവ് ലേഔട്ട് നൽകുന്ന ഡ്യുവൽ മോട്ടോർ സെറ്റപ്പ് ഘടിപ്പിക്കാൻ കഴിയും.
ഇലക്ട്രിക്ക് എസ്യുവി ആയാണ് കർവ്വ് വില്പനക്കെത്തുക എങ്കിലും പിന്നീട് ഇന്റെർനൽ കാംപൽഷൻ (പെട്രോൾ അല്ലെങ്കിൽ ഡീസൽ) എൻജിനിലും കർവ്വിനെ ടാറ്റ മോട്ടോർസ് അവതരിപ്പിക്കും. 400-500 കിലോമീറ്റർ സർട്ടിഫൈഡ് റേഞ്ച് ഇലക്ട്രിക് പതിപ്പിനുണ്ടാവും എന്നാണ് റിപോർട്ടുകൾ.
മുകളിൽ ഒരു ഫാബ്രിക് മെറ്റീരിയലും ക്യാബിന്റെ വീതിയിൽ പ്രവർത്തിക്കുന്ന ഒരു കോപ്പർ ഫിനിഷ്ഡ് സ്ട്രിപ്പും ചുവടെ കറുപ്പ് നിറത്തിൽ പ്രത്യേക ഡിസൈനുമായി ത്രീ ലെയർ ഡാഷ്ബോർഡ് ആണ് കർവ്വിന്റെ ഇന്റീരിയറിൽ ക്രമീകരിച്ചിരുക്കുന്നത്. രണ്ട് ഫ്രീ-സ്റ്റാൻഡിംഗ് ഡിജിറ്റൽ സ്ക്രീനുകൾ, ഒന്ന് ഇൻഫോടെയ്ൻമെന്റ് സിസ്റ്റത്തിനും മറ്റൊന്ന് ഇൻസ്ട്രുമെന്റ് ക്ലസ്റ്ററിനും, ഡാഷ്ബോർഡിന്റെ ഭംഗി വർദ്ധിപ്പിക്കുന്നുണ്ട്. ഒപ്പം പുതിയ ടു-സ്പോക്ക് ഫ്ലാറ്റ് ബോട്ടം സ്റ്റിയറിംഗ് വീൽ ഡിസൈനും വാഹനത്തിന്റെ ഭംഗി വർദ്ധിപ്പിക്കുന്നുണ്ട്.
ഒന്നിലധികം ബോഡിസ്റ്റൈലുകളും പവർട്രെയിൻ ഓപ്ഷനുകളും ഉൾക്കൊള്ളുന്നതിനായി രൂപകൽപ്പന ചെയ്തിരിക്കുന്ന ടാറ്റയുടെ ജനറേഷൻ 2 ഇവി ആർക്കിടെക്ചറിലാണ് Curvv കോൺസെപ്റ്റിന്റെ വില്പനക്കൊരുങ്ങുന്ന പതിപ്പ് തയ്യാറാക്കുക. വലിയ ബാറ്ററികൾക്കും മികച്ച പവർട്രെയിൻ ഓപ്ഷനുകൾക്കും അനുയോജ്യമായ രീതിയിൽ പരിഷ്ക്കരിച്ച ഈ പ്ലാറ്റ്ഫോമിന് ഓൾ-വീൽ ഡ്രൈവ് ലേഔട്ട് നൽകുന്ന ഡ്യുവൽ മോട്ടോർ സെറ്റപ്പ് ഘടിപ്പിക്കാൻ കഴിയും.
ഇലക്ട്രിക്ക് എസ്യുവി ആയാണ് കർവ്വ് വില്പനക്കെത്തുക എങ്കിലും പിന്നീട് ഇന്റെർനൽ കാംപൽഷൻ (പെട്രോൾ അല്ലെങ്കിൽ ഡീസൽ) എൻജിനിലും കർവ്വിനെ ടാറ്റ മോട്ടോർസ് അവതരിപ്പിക്കും. 400-500 കിലോമീറ്റർ സർട്ടിഫൈഡ് റേഞ്ച് ഇലക്ട്രിക് പതിപ്പിനുണ്ടാവും എന്നാണ് റിപോർട്ടുകൾ.