ജാപ്പനീസ് കാർ നിർമ്മാതാക്കളായ ടൊയോട്ട ഓരോ രാജ്യങ്ങളിലെയും പ്രാദേശിക അഭിരുചിക്കനുസരിച് ലാൻഡ് ക്രൂയ്സർ എസ്യുവിയുടെ ലിമിറ്റഡ് എഡിഷൻ മോഡലുകൾ പുറത്തിറക്കുകയാണ്. ഈ വർഷത്തിന്റെ തുടക്കത്തിൽ ആണ് അമേരിക്കൻ വിപണിയിൽ കറുപ്പ് നിറമുള്ള ലാൻഡ് ക്രൂയ്സർ ഹെറിറ്റേജ് എഡിഷൻ ടൊയോട്ട അവതരിപ്പിച്ചത്. ഡി പില്ലറിൽ ഹെറിറ്റേജ് ബാഡ്ജ്, റൂഫ് റാക്ക് , ഗോൾഡൻ നിറത്തിലുള്ള അലോയ് വീലുകൾ എന്നിങ്ങനെ ബഹുകേമം ആണ് അമേരിക്കൻ വിപണിക്കുള്ള ലാൻഡ് ക്രൂയ്സർ ഹെറിറ്റേജ് എഡിഷൻ. ഇതിനുശേഷം ഗൾഫ് നാടുകളിലേക്കുള്ള ഹെറിറ്റേജ് എഡിഷൻ ലാൻഡ് ക്രൂയ്സർ മോഡൽ അടുത്തിടെ ടൊയോട്ട പുറത്തിറക്കി.
ടൊയോട്ട ലാൻഡ് ക്രൂയ്സർ എസ്യുവിയുടെ ഗൾഫ് നാടുകളിലെ തേരോട്ടം വിളിച്ചോതുന്ന വിധമാണ് ഹെറിറ്റേജ് എഡിഷന്റെ വരവ്. സ്റ്റാൻഡേർഡ് മോഡലിൽ നിന്നും വ്യത്യസ്തമായ മുൻ ബമ്പറും ടയറുകളുമാണ് ഇതിൽ പ്രധാനം. മാത്രമല്ല V6, V8 എൻജിനുകൾ അനുസരിച്ച് വീണ്ടും മാറ്റങ്ങൾ ഗൾഫ് രാജ്യങ്ങൾക്കായി തയ്യാറാക്കിയ ലാൻഡ് ക്രൂയ്സർ ഹെറിറ്റേജ് എഡിഷനിലുണ്ട്. എൽഇഡി പ്രൊജക്ടർ ഹെഡ്ലാമ്പുകൾ, അലോയ് വീലുകൾ, വിംഗ് പോലുള്ള ഗ്രിൽ എക്സ്റ്റൻഷനുകൾ എന്നിവ V8 എഞ്ചിനുള്ള ഹെറിറ്റേജ് എഡിഷന് മാത്രമായി പരിമിതപ്പെടുത്തിയിട്ടുണ്ട്. V6 എഞ്ചിനുള്ള മോഡലുകൾക്ക് സ്റ്റീൽ വീലുകളാണ്. ആദ്യകാല ലാൻഡ് ക്രൂയ്സർ മോഡലുകളെ ഓർമിപ്പിക്കും വിധം രണ്ടായി തുറക്കവുന്ന ടെയിൽ ഗേറ്റ്, ടെയിൽ ഗെയ്റ്റിൽ ഘടിപ്പിച്ചിരിക്കുന്ന സ്പെയർ വീൽ എന്നിവയാണ് മറ്റുള്ള ആകർഷണങ്ങൾ.
ടോയോട്ടയ്ക്കും ഉണ്ടായിരുന്നു ഒരു 'കൊറോണ' കാലം
സ്പോർട്ടി ലുക്ക് കൂട്ടി ടൊയോട്ട ഫോർച്യൂണർ 'എപിക്'
V6 എഞ്ചിനുള്ള ഹെറിറ്റേജ് എഡിഷൻ ലാൻഡ് ക്രൂയിസറിൽ ഗ്രേ ഫാബ്രിക് അപ്ഹോൾസ്റ്ററി, സിംഗിൾ-സോൺ ക്ലൈമറ്റ് കൺട്രോൾ, സിഡി, യുഎസ്ബി, ഓക്സ്, ബ്ലൂടൂത്ത് കണക്റ്റിവിറ്റിയുള്ള ഓഡിയോ സിസ്റ്റം, 'ഹെറിറ്റേജ് പതിപ്പ്' ബാഡ്ജിംഗ് എന്നിവ ഉൾക്കൊള്ളിച്ചിട്ടുണ്ട്. മാത്രമല്ല ഗിയർ നോബിൾ വുഡ് ഫിനിഷും ചേർത്തിട്ടുണ്ട്. V8 മോഡലിന് ബീജ് ഫാബ്രിക് അപ്ഹോൾസ്റ്ററി ആണ്. മാത്രമല്ല ഹെഡ്റെസ്റ്റുകളിൽ 'ഹെറിറ്റേജ് എഡിഷൻ' എന്ന് എംബ്രോയിഡറി ചെയ്തിട്ടുണ്ട്. 10.0 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, പവർഡ് ഡ്രൈവർ സീറ്റ്, ഡ്യുവൽ സോൺ ക്ലൈമറ്റ് കൺട്രോൾ, സൺറൂഫ്, ടയർ പ്രഷർ മോണിറ്റർ, റിവേഴ്സ് ക്യാമറ, ക്രോൾ കൺട്രോൾ എന്നിവയാണ് ഫീച്ചറുകൾ.
വമ്പൻ മെയ്ക്ഓവറിൽ ഹാരിയർ, ഇനി ടൊയോട്ടയുടെ കളി മാറും
271 എച്ച്പി പവറും, 385 എൻഎം ടോർക്കും നിർമ്മിക്കുന്നതാണ് 4.0 ലിറ്റർ V6 എൻജിൻ. 5 സ്പീഡ് മാനുവൽ ആണ് ഇതോടൊപ്പമുള്ള ഗിയർബോക്സ്. 304 എച്ച്പി പവറും, 439 എൻഎം ടോർക്കും ആണ് 4.6 ലിറ്റർ V8 എൻജിന്റെ ഔട്പുട്ട്. 6 സ്പീഡ് ഓട്ടോ ഗിയർബോക്സ് ആണ് ഈ എൻജിനൊപ്പം.