ഡൈനാമിക് ലൈൻ, പെർഫോമൻസ് ലൈൻ എന്നിങ്ങനെ രണ്ട് ശ്രേണിയിലാണ് ഫോക്സ്വാഗൺ ടൈഗൂൺ വാങ്ങാവുക. ഡൈനാമിക് ലൈനിന് കീഴെ കംഫർട്ട്ലൈൻ, ഹൈലൈൻ, ടോപ്‌ലൈൻ എന്നിങ്ങനെ മൂന്ന് ട്രിം ലെവലിലും പെർഫോമൻസ് ലൈനിൽ ജിടി, ജിടി പ്ലസ് എന്നിങ്ങനെ രണ്ട് ട്രിം ലെവലിലുമാണ് എസ്‌യുവി വിപണിയിലെത്തിയിരിക്കുന്നത്.
10.50 ലക്ഷം മുതൽ 17.50 ലക്ഷം വരെ
ഫോക്സ്വാഗൺ ടൈഗൂണിന് 10.50 ലക്ഷം മുതൽ 17.50 ലക്ഷം വരെയാണ് എക്‌സ്-ഷോറൂം വില. MQB A0-IN പ്ലാറ്റ്‌ഫോമിൽ തന്നെ തയ്യാറാക്കുന്ന സ്കോഡ ബ്രാൻഡിൻ്റെ അടുത്തിടെ വിപണിയിലെത്തിയ കുഷാക്ക് എസ്‌യുവിയുടെ ഏറെക്കുറെ സമാനമായ വിലയാണ് ഫോക്സ്വാഗൺ ടൈഗൂണിനും.
- കംഫർട്ട്ലൈൻ 1.0 TSI MT - 10.50 ലക്ഷം രൂപ
- ഹൈലൈൻ 1.0 TSI MT - 12.80 ലക്ഷം രൂപ
- ഹൈലൈൻ 1.0 TSI AT - 14.10 ലക്ഷം രൂപ
- ടോപ്പ്ലൈൻ 1.0 TSI MT - 14.57 ലക്ഷം രൂപ
- ടോപ്പ്ലൈൻ 1.0 TSI AT - 15.91 ലക്ഷം രൂപ
- ജിടി 1.5 TSI MT - 15.00 ലക്ഷം രൂപ
- ജിടി പ്ലസ് 1.5 TSI AT - 17.50 ലക്ഷം രൂപ
എക്സ്റ്റീരിയർ
ഫോക്സ്വാഗൺ ആഗോള നിരയിലെ ടി-ക്രോസ്സ് എസ്‌യുവിയുമായി സാമ്യം ഏറെയുണ്ടെങ്കിലും ടൈഗൺ വലിപ്പത്തിലും, ഇന്റീരിയർ സ്പേസിന്റെ കാര്യത്തിലും ടി-ക്രോസ്സിനേക്കാൾ മുൻപാണ് ആണ് ടൈഗൂൺ. ക്രോമിന്റെ ധാരാളിത്തമുള്ള മുഖം ആണ് ടൈഗൂൺ എസ്‌യുവിക്ക്. റ്റിഗുവാൻ ഓൾസ്പേസ് എസ്‌യുവിയ്ക്ക് സമാനമായ ഗ്രില്ലും, ഹെഡ്‍ലാംപും ചേർന്ന ക്ലസ്റ്റർ മനോഹരമാണ്. മുൻ പിൻ ബമ്പറിലും ക്രോം ലൈനിങ് കാണാം. എൽഇഡി ലൈറ്റ് ബാറുകൾ കൊണ്ട് കണക്റ്റ് ചെയ്തിരിക്കുന്ന ടെയിൽ-ലൈറ്റുകൾ, 17-ഇഞ്ച് ടു ടോൺ അലോയ് വീലുകൾ എന്നിവയാണ് മറ്റുള്ള ആകർഷണങ്ങൾ.
വൈൽഡ് ചെറി റെഡ്, കുർക്കുമ യെല്ലോ, കാൻഡി വൈറ്റ്, റിഫ്ലെക്സ് സിൽവർ, കാർബൺ സ്റ്റീൽ ഗ്രേ എന്നീ എക്സ്റ്റീരിയർ നിറങ്ങളിലാണ് ഫോക്സ്വാഗൺ ടൈഗൂൺ വാങ്ങാനാവുക.
സ്‌പോർട്ടി ലുക്കിൽ കിയ സെൽറ്റോസ് X-ലൈൻ വിപണിയിൽ
ഇന്റീരിയർ, ഫീച്ചറുകൾ
ലളിതമായ എന്നാൽ ആധുനികമായ ഇന്റീരിയർ ആണ് ടൈഗൂണിന്. 10-ഇഞ്ച് ടച്സ്‌ക്രീൻ ഇന്ഫോടെയ്ന്മെന്റ് സിസ്റ്റം മധ്യ ഭാഗത്തായി ക്രമീകരിച്ചിരിക്കുന്ന വിധമാണ് ഡാഷ്‌ബോർഡ് ക്രമീകരിച്ചിരിക്കുന്നത്. ആപ്പിൾ കാർപ്ലേയ്, ആൻഡ്രോയിഡ് ഓട്ടോ, മൈ ഫോക്സ്വാഗൺ കണക്ട് ആപ്പ് സൗകര്യങ്ങൾ ഈ ഇൻഫോടെയ്ൻമെൻറ് സിസ്റ്റത്തിലുണ്ട്. 8 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്റർ, ലെതറെറ്റ് അപ്ഹോൾസ്റ്ററി, ആംബിയന്റ് ലൈറ്റിംഗ്, ഓട്ടോമാറ്റിക് ക്ലൈമറ്റ് കൺട്രോൾ, യുഎസ്ബി ടൈപ്പ്-സി പോർട്ടുകൾ, വയർലെസ് ചാർജിംഗ് പാഡ്, കൂൾഡ് ഗ്ലൗബോക്സ്, സൺറൂഫ്, കൂൾഡ് ഫ്രണ്ട് സീറ്റുകൾ എന്നിവയാണ് മറ്റുള്ള പ്രധാന ഫീച്ചറുകൾ.
ആറ് എയർബാഗുകൾ, ഇബിഡിയോടുകൂടിയ എബിഎസ്, ഇഎസ്‌സി (എല്ലാ ട്രിമ്മുകളിലുടനീളം സ്റ്റാൻഡേർഡ്), ഹിൽ ഹോൾഡ് കൺട്രോൾ, ടയർ പ്രഷർ ഡിഫ്ലേഷൻ വാണിംഗ്, പാർക്കിംഗ് ക്യാമറ, ISOFIX ചൈൽഡ് സീറ്റ് മൗണ്ടുകൾ എന്നിവയാണ് സുരക്ഷാ ഫീച്ചറുകൾ.
ജി-ക്ലാസ്സിന് പുറകെ ലാൻഡ് റോവർ ഡിഫൻഡർ സ്വന്തമാക്കി ദുൽഖർ സൽമാൻ
എൻജിൻ, ഗിയർബോക്‌സ്
രണ്ട് പെട്രോൾ എഞ്ചിനിലാണ് ഫോക്സ്വാഗൺ ടൈഗൂൺ വിപണിയിലെത്തിയിരിക്കുന്നത്. 115 ബിഎച്ച്പി പവറും 175 എൻഎം ടോർക്കും നിർമിക്കുന്ന 1.0 ലിറ്റർ, 3 സിലിണ്ടർ ടർബോ-പെട്രോൾ എൻജിൻ 6-സ്പീഡ് മാന്വൽ, 6 സ്പീഡ് ടോർക്ക് കൺവെർട്ടർ ഓട്ടോമാറ്റിക് എന്നിങ്ങനെ രണ്ട് ഗിയർബോക്‌സ് ഓപ്ഷനൊപ്പം ലഭിക്കും. 147 ബിഎച്ച്പി പവറും 250 എൻഎം ടോർക്കും നിർമിക്കുന്ന 1.5-ലിറ്റർ ടർബോ-പെട്രോൾ നാല് സിലിണ്ടർ എൻജിൻ 6-സ്പീഡ് മാന്വൽ, 7-സ്പീഡ് ഡിസിടി ഓട്ടോമാറ്റിക് ഗിയർബോക്‌സുകളിൽ ലഭിക്കും. 7-സ്പീഡ് ഡിസിടി ഗിയർബോക്‌സുള്ള പതിപ്പിന് ജിടി ബ്രാൻഡിങും ഉണ്ടായിരിക്കും.