അളവുകൾ
മാരുതി സുസുക്കി ഫ്രോങ്ക്സിന് 3995 എംഎം നീളവും 1765 എംഎം വീതിയും 1550 എംഎം ഉയരവും 2520 എംഎം വീൽബേസുമാണ് ഉള്ളത്. വാഹനത്തിന് 308 ലിറ്റർ ബൂട്ട് സ്‌പേസും 4.9 മീറ്റർ ടേണിങ് റേഡിയസുമുണ്ട്. മഹീന്ദ്ര XUV300ന് 3995 എംഎം നീളവും 1821 എംഎം വീതിയും 1617 എംഎം ഉയരവും 2600 എംഎം വീൽബേസുമുണ്ട്. 257 ലിറ്റർ ബൂട്ട് സ്പേസുള്ള വാഹനത്തിന് 5.3 മീറ്റർ ടേണിങ് റേഡിയസുണ്ട്.
Read More: മാരുതി സുസുക്കി ഫ്രോങ്ക്സ് vs ബലേനോ: ആരാണ് കേമൻ
എക്സ്റ്റീരിയർ
മാരുതി സുസുക്കി ഫ്രോങ്ക്സിൽ എൽഇഡി ഹെഡ്‌ലാമ്പുകളും എൽഇഡി ഡിആർഎല്ലുകളുമുണ്ട്. മഹീന്ദ്ര XUV300ന് ഹാലൊജൻ ഹെഡ്‌ലാമ്പ് സെറ്റപ്പും എൽഇഡി ഡിആർഎല്ലുമാണുള്ളത്. രണ്ട് കാറുകൾക്കും പിൻ വൈപ്പറുകളും വാഷറുമുണ്ട്. എൽഇഡി ടെയിൽ ലാമ്പ് സെറ്റപ്പും വാഹനങ്ങളിൽ ഉണ്ട്. XUV300ൽ 17 ഇഞ്ച് ഡയമണ്ട് കട്ട് അലോയ് വീലുകളും ഫ്രോങ്ക്സിൽ 16 ഇഞ്ച് ഡയമണ്ട് കട്ട് അലോയ് വീലുകളുമാണുള്ളത്.
മാരുതി സുസുക്കി ഫ്രോങ്ക്സ് ഇന്റീരിയർ
രണ്ട് എസ്‌യുവികൾക്കും ഡ്യുവൽ ടോൺ ഇന്റീരിയർ സ്കീമാണുള്ളത്. ഫ്രോങ്ക്സിൽ ഓട്ടോമാറ്റിക് എൽഇഡി ഹെഡ്‌ലാമ്പുകൾ, ആപ്പിൾ കാർപ്ലേ, ആൻഡ്രോയിഡ് ഓട്ടോ, കണക്റ്റഡ് കാർ ടെക്‌നോടുകൂടിയ 9 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, അർകമിസ് ട്യുൺ ചെയ്ത സൗണ്ട് സിസ്റ്റം, ക്രൂയിസ് കൺട്രോൾ, ഉയരം ക്രമീകരിക്കാവുന്ന ഡ്രൈവർ സീറ്റ്, ഓട്ടോമാറ്റിക് എസി, പിൻഭാഗത്ത് എസി വെന്റുകൾ, ഓട്ടോ-ഡിമ്മിങ് IRVM, HUD ഡിസ്‌പ്ലേ, 360-ഡിഗ്രി ക്യാമറ, 6 എയർബാഗുകൾ, ഇബിഡി ഉള്ള എബിഎസ്, ഹിൽ-ഹോൾഡ് അസിസ്റ്റുള്ള ഇഎസ്പി, വയർലെസ് ചാർജിങ് എന്നിവയുണ്ട്.
Read More: സൂപ്പർ മെറ്റിയോർ 650, ഇന്റർസെപ്റ്റർ 650, കോണ്ടിനന്റർ ജിടി 650; ഏതാണ് കേമൻ
മഹീന്ദ്ര XUV300 ഇന്റീരിയർ
മഹീന്ദ്ര XUV300ൽ ഓട്ടോമാറ്റിക് ഹെഡ്‌ലാമ്പും വൈപ്പറുകളുമുണ്ട്. ഓട്ടോ-ഡിമ്മിങ് ഐആർവിഎം, ആപ്പിൾ കാർപ്ലേ/ആൻഡ്രോയിഡ് ഓട്ടോ എന്നിവയുള്ള 7.0 ഇഞ്ച് ഇൻഫോടെയ്ൻമെന്റ് സിസ്റ്റം, ക്രൂയിസ് കൺട്രോൾ, ഉയരം ക്രമീകരിക്കുന്ന സീറ്റ് ബെൽറ്റ്, ഉയരം ക്രമീകരിക്കാവുന്ന ഡ്രൈവർ സീറ്റ്, ഡ്യുവൽ സോൺ എസി, ഫ്രണ്ട് പാർക്കിങ് സെൻസറുകൾ, ടിപിഎംഎസ്, റിയർ ആംറെസ്റ്റ്, സൺറൂഫ്, സ്റ്റിയറിങ് മോഡുകൾ, 7 എയർബാഗുകൾ, ഇബിഡി ഉള്ള എബിഎസ്, ഇഎസ്പി, ട്രാക്ഷൻ കൺട്രോൾ, റിയർ ഡിസ്ക് ബ്രേക്കുകൾ എന്നീ സവിശേഷതകളും വാഹനത്തിലുണ്ട്.
മാരുതി സുസുക്കി ഫ്രോങ്ക്സ് എഞ്ചിൻ
മാരുതി സുസുക്കി ഫ്രോങ്ക്സിൽ രണ്ട് എഞ്ചിൻ ഓപ്ഷനുകളുണ്ട്. 1.2 ലിറ്റർ എൻഎ 4-സിലിണ്ടർ പെട്രോൾ എഞ്ചിൻ 89 ബിഎച്ച്പി കരുത്തും 113 എൻഎം ടോർക്കും ഉത്പാദിപ്പിക്കുന്നു. ഈ എഞ്ചിനൊപ്പം 5 സ്പീഡ് മാനുവൽ, എഎംടി ട്രാൻസ്മിഷൻ ലഭിക്കും. 100 ബിഎച്ച്പി കരുത്തും 148 എൻഎം ടോർക്കും നൽകുന്ന 1.0 ലിറ്റർ, 3-സിലിണ്ടർ ടർബോചാർജ്ഡ് ബൂസ്റ്റർ ജെറ്റ് പെട്രോൾ എഞ്ചിനും വാഹനത്തിനുണ്ട്. 5 സ്പീഡ് മാനുവൽ, 6 സ്പീഡ് ഓട്ടോമാറ്റിക് ഓപ്ഷനുകളിലാണ് ഇത് ലഭ്യമാകുന്നത്.
Read More: Maruti Suzuki Jimny Vs Mahindra Thar: ആരാണ് കരുത്തൻ, ആരാണ് കേമൻ
മഹീന്ദ്ര XUV30 എഞ്ചിൻ
മഹീന്ദ്ര XUV30 മൂന്ന് എഞ്ചിൻ ഓപ്ഷനുകളിൽ ലഭ്യമാണ്. 1.5 ലിറ്റർ ഡീസൽ എഞ്ചിനും 1.2 ലിറ്റർ, 3-സിലിണ്ടർ ടർബോചാർജ്ഡ് പെട്രോൾ എഞ്ചിനുകൾ രണ്ട് ട്യൂണുകളിലും ലഭിക്കും. 1.5 ലിറ്റർ ഡീസൽ എഞ്ചിൻ 115 ബിഎച്ച്പി കരുത്തും 300 എൻഎം ടോർക്കും ഉത്പാദിപ്പിക്കുന്നു. 1.2 ലിറ്റർ ടർബോ പെട്രോൾ എഞ്ചിൻ 108 ബിഎച്ച്പി കരുത്തും 200 എൻഎം ടോർക്കും ഉത്പാദിപ്പിക്കും. ഈ എഞ്ചിന്റെ മറ്റൊരു ട്യൂൺ 128 ബിഎച്ച്പി കരുത്തും 230 എൻഎം ടോർക്കും ഉത്പാദിപ്പിക്കുന്നു.