Royal Enfield Super Meteor 650 Vs Continental Gt Vs Interceptor 650; Which Is The Best
Royal Enfield | സൂപ്പർ മെറ്റിയോർ 650, ഇന്റർസെപ്റ്റർ 650, കോണ്ടിനന്റർ ജിടി 650; ഏതാണ് കേമൻ
Royal Enfield | റോയൽ എൻഫീൽഡ് സൂപ്പർ മെറ്റിയോർ 650ക്ക് ഇന്ത്യയിൽ മത്സരിക്കാനുള്ളത് കമ്പനിയുടെ തന്നെ 650 ബൈക്കുകളായ ഇന്റർസെപ്റ്റർ 650, കോണ്ടിനന്റർ ജിടി 650 എന്നിവയോടാണ്.
Authored byദീനദയാൽ എം | Samayam Malayalam20 Jan 2023, 10:13 am
റോയൽ എൻഫീൽഡ് (Royal Enfield) അടുത്തിടെയാണ് 650 സിസി ലൈനപ്പിലെ മൂന്നാമത്തെ മോട്ടോർസൈക്കിളായ സൂപ്പർ മെറ്റിയോർ 650 വിപണിയിലെത്തിച്ചത്. ഈ ട്വിൻ സിലിണ്ടർ ക്രൂയിസർ ബൈക്കുമായി മത്സരിക്കുന്നത് അതേ എഞ്ചിനുമായി വരുന്ന റോയൽ എൻഫീൽഡ് ഇന്റർസെപ്റ്റർ 650, കോണ്ടിനന്റർ ജിടി 650 എന്നിവയാണ്. ഈ മൂന്ന് ബൈക്കുകളുടെയും പ്രധാന സവിശേഷതകൾ നോക്കാം.
ഡിസൈൻ
റോഡ്സ്റ്റർ ബൈക്കായ കോണ്ടിനെന്റൽ ജിടി 650യിൽ നിന്നും കഫേ റേസറായ ഇന്റർസെപ്റ്റർ 650യിൽ നിന്നും വ്യത്യസ്തമായി സൂപ്പർ മെറ്റിയർ 650 ഒരു പരമ്പരാഗത ക്രൂയിസർ ഡിസൈനുമായി വരുന്നു. അതുകൊണ്ട് തന്നെ ഫോർവേഡ്-സെറ്റ് ഫുട്പെഗുകളും 100 എംഎം നീളമുള്ള വീൽബേസുള്ള താഴ്ന്ന സീറ്റുമാണ് പുതിയ ബൈക്കിലുള്ളത്.
ഭാരം
സൂപ്പർ മെറ്റിയർ 650ക്ക് 740 എംഎം സീറ്റ് ഉയരമേ ഉള്ളു ഇത് മറ്റ് രണ്ട് ബൈക്കുകളെക്കാൾ 64 എംഎം കുറവാണ്. ഇന്ത്യയിൽ ലഭ്യമായതിൽ വച്ച് ഏറ്റവും ഭാരം കൂടിയ റോയൽ എൻഫീൽഡ് ബൈക്ക് സൂപ്പർ മെറ്റിയർ 650 ആണ്. 241 കിലോഗ്രാം (90% ഇന്ധനവും ഓയിലും ഉള്ളത്) ഭാരമാണ് ഈ വാഹനത്തിന്. ഇന്റർസെപ്റ്റർ 650, കോണ്ടിനെന്റൽ ജിടി 650 എന്നിവയ്ക്ക് 202 കിലോഗ്രാം ഭാരമാണുള്ളത്.
കോണ്ടിനെന്റൽ ജിടി 650, ഇന്റർസെപ്റ്റർ 650 എന്നിവയുടെ അതേ പ്ലാറ്റ്ഫോമിലാണ് സൂപ്പർ മെറ്റിയർ 650 നിർമ്മിച്ചിരിക്കുന്നതെങ്കിലും, ക്രൂയിസർ സവിശേഷതകൾ ചേർത്തിരിക്കുന്നതിനാൽ ഒരു പുതിയ ഫ്രെയിമാണ് വാഹനത്തിലുള്ളത്. ഈ പുതിയ ഫ്രെയിം 43 എംഎം ഫ്രണ്ട് ഫോർക്കിൽ സസ്പെൻഡ് ചെയ്തിരിക്കുന്നു. പിന്നിൽ പ്രീ-ലോഡ് അഡ്ജസ്റ്റ് ചെയ്യാവുന്ന ഡ്യൂവൽ ഷോക്കുകളാണുള്ളത്.
കോണ്ടിനെന്റൽ ജിടി 650, ഇന്റർസെപ്റ്റർ 650 എന്നിവയിൽ മുൻവശത്ത് ഒരു ടെലിസ്കോപ്പിക് ഫോർക്കാണ് ഉപയോഗിക്കുന്നത്. യുഎസ്ഡി ഫോർക്ക് സസ്പെൻഷൻ സെറ്റപ്പോടെയുള്ള ആദ്യ റോയൽ എൻഫീൽഡ് മോട്ടോർസൈക്കിളാണ് സൂപ്പർ മെറ്റിയർ 650.
ടയറുകൾ
കോണ്ടിനെന്റൽ ജിടിയും ഇന്റർസെപ്റ്ററും 100/90 R18 ഫ്രണ്ട് ടയറുകളും 130/70 R18 പിൻ ടയറുകളുമായി വരുന്നു. ഇവ സ്പോക്ക് വീലുകളോട് കൂടിയാണ് വരുന്നത്. സൂപ്പർ മെറ്റിയോർ 650യിൽ 100/90 R19 ഫ്രണ്ട് ടയറും 150/80 R16 സെക്ഷൻ പിൻ ടയറും ഉപയോഗിക്കുന്നു. കോണ്ടിനന്റൽ, ഇന്റർസെപ്റ്റർ എന്നിവയിൽ നിന്ന് വ്യത്യസ്തമായി അലോയ് വീലുകളോട് കൂടിയ ട്യൂബ് ലെസ് ടയറുകളാണ് സൂപ്പർ മെറ്റിയറിലുള്ളത്.
ബ്രേക്കുകൾ
മൂന്ന് 650 സിസി റോയൽ എൻഫീൽഡ് മോട്ടോർസൈക്കിളുകളുടെയും ബ്രേക്കിങ്ങ് മുൻവശത്ത് സമാനമാണ്. 320 എംഎം ഡിസ്കാണ് ഫ്രണ്ട് ബ്രേക്ക് കൈകാര്യം ചെയ്യുന്നത്. പുതിയ സൂപ്പർ മെറ്റിയോറിന് പിന്നിൽ ഒരു പുതിയ 300 mm ഡിസ്ക് നൽകിയിട്ടുണ്ട്. കോണ്ടിനെന്റൽ ജിടിയും ഇന്റർസെപ്റ്ററും 240 mm ഡിസ്കുമായിട്ടാണ് വരുന്നത്.
വലിയ വിൻഡ്ഷീൽഡ്, എൽഇഡി ഇൻഡിക്കേറ്ററുകൾ, പാസഞ്ചർ ബാക്ക്റെസ്റ്റ്, ഫുട്പെഗുകൾ, ഹാർഡ് പാനിയറുകൾ എന്നിവയും ഉൾപ്പെടുന്ന നിരവധി ആക്സസറികളോടെയാണ് സൂപ്പർ മെറ്റിയർ 650 വാഗ്ദാനം വരുന്നത്. ട്രിപ്പർ നാവിഗേഷൻ സിസ്റ്റത്തിനൊപ്പം ഫ്ലോട്ടിംഗ് എൽസിഡി സ്ക്രീനും പുതിയ ഡിജി-അനലോഗ് ഇൻസ്ട്രുമെന്റ് ക്ലസ്റ്ററും സൂപ്പർ മെറ്റിയർ 650യിലുണ്ട്. കോണ്ടിനെന്റൽ ജിടിയും ഇന്റർസെപ്റ്ററും ഒരു സ്റ്റാൻഡേർഡ് അനലോഗ് ഇൻസ്ട്രുമെന്റ് ക്ലസ്റ്ററുമായി വരുന്നു.
വില
ഇന്റർസെപ്റ്റർ 650, കോണ്ടിനെന്റൽ ജിടി 650 എന്നിവയിൽ നിന്ന് പുതിയ സൂപ്പർ മെറ്റിയർ 650യെ മാറ്റി നിർത്തുന്ന പ്രധാന ഘടകമാണ് വിലയാണ്. ഇന്റർസെപ്റ്റർ 650യാണ് ഏറ്റവും വില കുറഞ്ഞ മോഡൽ, ഈ ബൈക്കിന് 2.89 ലക്ഷം രൂപ മുതലാണ എക്സ് ഷോറൂം വില. സൂപ്പർ മെറ്റിയർ 650യുടെ എക്സ് ഷോറൂം വില 3.49 ലക്ഷം രൂപ മുതൽ 3.79 ലക്ഷം രൂപ വരെയാണ്. കോണ്ടിനെന്റൽ ജിടി 650ക്ക് 3.06 ലക്ഷം രൂപ മുതൽ 3.32 ലക്ഷ രൂപ വരെ വിലയുണ്ട്.
മാധ്യമ മേഖലയിൽ നാല് വർഷമായി പ്രവർത്തിക്കുന്ന ഡിജിറ്റൽ ജേണലിസ്റ്റാണ് ദീനദയാൽ എം. ഡിജിറ്റൽ മീഡിയയിൽ തന്നെ കരിയർ ആരംഭിച്ച അദ്ദേഹം വീഡിയോ പ്രൊഡക്ഷൻ, രാഷ്ട്രീയം, ടെക്നോളജി, ഓട്ടോമൊബൈൽ എന്നീ മേഖലകളിൽ വൈദഗ്ദ്ധ്യം നേടിയിട്ടുണ്ട്. കഴിഞ്ഞ മൂന്ന് വർഷമായി ദീനദയാൽ ടെക്നോളജി, ഓട്ടോമൊബൈൽ മേഖലയുമായി ബന്ധപ്പെട്ട ലേഖനങ്ങൾ എഴുതുന്നു. ജോലിയുമായി ബന്ധപ്പെട്ട പ്രവർത്തനങ്ങൾക്ക് പുറമേ വായന, സിനിമ, ഫോട്ടോഗ്രാഫി, യാത്ര എന്നിവയിൽ ദീനദയാലിന് താല്പര്യമുണ്ട്. ഈ ഹോബികൾ സർഗ്ഗാത്മകമായ കഴിവുകൾ വർധിപ്പിക്കാനും വർക്ക് ലൈഫ് ബാലൻസ് നൽകുന്നതിനും അദ്ദേഹത്തെ സഹായിക്കുന്നു. പ്രേക്ഷകരെ എൻഗേജ് ചെയ്യിക്കുന്നതും വിവരങ്ങൾ നൽകുന്നതുമായ ഉയർന്ന നിലവാരമുള്ള ലേഖനങ്ങൾ എഴുതുന്നതിനൊപ്പം താൻ ഇടപെടുന്ന വിഷയങ്ങളിൽ പുതിയ വീക്ഷണം കൊണ്ടുവരാനും ദീനദയാൽ ശ്രമിക്കുന്നു.... കൂടുതൽ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.