വണ്ടികൾ ജാക്ക് അപ്പ് ചെയ്യുമ്പോൾ അതീവ ജാഗ്രത വേണം! ശ്രദ്ധിക്കേണ്ട 11 കാര്യങ്ങൾ

'ടൂറിസ്റ്റ് ബസ്സിന്റെ ടയർ മാറ്റുന്നതിനിടെ ജാക്കി തെന്നി മാറി ബസ് ശരീരത്തിലേക്ക് വീണ് മൊബൈൽ പഞ്ചർ ജോലിക്കാരൻ മരിച്ചു'. നമ്മളെല്ലാം അല്പം ദുഖത്തോടെ അടുത്തിടെ പത്രങ്ങളിൽ വായിച്ച ഒരു വാർത്തയാണിത്. ശ്രദ്ധിക്കേണ്ട വസ്തുത ഒരു സാധാരണക്കാരൻ അല്ല വാഹനങ്ങളുടെ ടയർ മാറ്റാനും പഞ്ചർ ഓടിക്കാനും വിദഗ്ധനായ ഒരു യുവാവാണ് ഇവിടെ മരണമടഞ്ഞത്. ജാക്ക് എന്തുകൊണ്ടാണ് തെന്നി മാറിയത് എന്ന് വ്യക്തമല്ല. എങ്കിലും ഈ സംഭവം വാഹനങ്ങൾ റിപ്പയർ ചെയ്യാനോ, ടയർ മാറ്റാനോ, പഞ്ചർ ഒട്ടിക്കാനോ വാഹനം ഉയർത്തുമ്പോൾ അതീവ ശ്രദ്ധ വേണം എന്ന് നമ്മെ ഓർമ്മിക്കുന്നു. ഈ വിഷയത്തിലേക്ക് കൂടുതൽ വെളിച്ചം വീശുന്ന കുറിപ്പ് അടുത്തിടെ സംസ്ഥാന മോട്ടോർ വെഹിക്കിൾ ഡിപ്പാർട്ട്മെന്റ് ഫേസ്ബുക്കിൽ കുറിച്ചിരുന്നു. ജാക്ക് അപ്പ് ചെയ്യുമ്പോൾ ഇക്കാര്യങ്ങൾ ശ്രദ്ധിക്കാം. എന്തുകൊണ്ട് ഇലക്ട്രിക്ക് വാഹനങ്ങൾക്ക് ഗിയറുകൾ ഇല്ല?
വാഹനം പ്രതേകിച്ചു വലിയ വാഹനങ്ങൾ ജാക്ക് വെച്ചു ഉയർത്തി ജോലി ചെയ്യേണ്ടി വരുമ്പോൾ ശ്രദ്ധിക്കേണ്ട കാര്യങ്ങൾ.

1. റോഡിൽ അല്ലെങ്കിൽ റോഡരികിൽ ജാക്ക് വെച്ചുയർത്തുന്നത് പരമാവധി ഒഴിവാക്കുക.
2. ഇനി മറ്റു നിരവഹം ഇല്ല എങ്കിൽ വാർണിങ് ട്രൈയാങ്കിൾ സുരക്ഷയ്ക്കായി ഉപയോഗിക്കുക.
3. രാത്രിയെങ്കിൽ സ്ഥലത്തു ആവശ്യത്തിനു പ്രകാശം കിട്ടുന്നു എന്നു ശ്രദ്ധിക്കുക.
4. വാഹനം ലെവൽ ആയ, കട്ടിയുള്ള പ്രതലത്തിൽ വേണം നിർത്താൻ. ജാക്ക് വെക്കുന്ന പ്രതലം പൂഴി മണ്ണോ, താഴ്ന്നുപോകുന്ന സ്ഥലമോ ആകരുത്.
5. വാഹനം ഹാൻഡ് ബ്രേക്ക് ഇട്ടിരിക്കണം.
6. ഉയർത്തുന്ന ആക്സിൽ ഒഴികെ ബാക്കി വീലുകൾ, വീൽ ചോക്ക് അല്ലെങ്കിൽ തടകൾ വെച്ചു വാഹനം ഉരുണ്ടുപോകാതെ നോക്കണം.

ആർടിഒ ഓഫീസിലേക്ക് ഓടേണ്ട, ഡ്രൈവിങ് ലൈസൻസ് ഓൺലൈനായി അപേക്ഷിക്കാം; സ്റ്റെപ്പ് ബൈ സ്റ്റെപ്പ് ​ഗൈഡിതാ
7. വാഹനത്തിന്റെ ചാവി ഊരി മാറ്റി വെക്കണം, പറ്റുമെങ്കിൽ അത് ജോലിചെയ്യുന്ന ആൾ പോക്കറ്റിൽ ഇടുന്നത് നല്ലതായിരിക്കും.
8. ജാക്കുകൾ അനുവദിച്ചിരിക്കുന്ന ഭാരപരിധിക്കു അനുയോജ്യമായിരിക്കണം.
9. വാഹനത്തിൽ ജാക്ക് വെക്കാൻ അനുവദിച്ചിരിക്കുന്ന പോയിന്റുകൾ ഓണേഴ്‌സ് മനുവലിൽ പറഞ്ഞിട്ടുണ്ടാകും അവിടെ മാത്രം ജാക്ക് കൊള്ളിക്കുക.
10. ജാക്കുകൾ (സ്ക്രു, ഹൈഡ്രോളിക്, നുമാറ്റിക്) അങ്ങനെ ഏതുതരവും ആയിക്കോട്ടെ അതിൽ മാത്രം വാഹനം ഉയർത്തി വെച്ചു ജോലിചെയ്യരുത്.
11. വാഹനം ഉയർത്തി കഴിഞ്ഞു ആക്സിൽ സ്റ്റാൻഡിൽ (കുതിരയിൽ) ഇറക്കി നിർത്തിയശേഷം, സുരക്ഷ ഉറപ്പു വരുത്തി മാത്രം ടയർ മാറാനോ, അടിയിൽ കയറാനോ പാടുള്ളൂ...