ഒരല്പം ശ്രദ്ധ പുലർത്തിയാൽ സെക്കന്റ് ഹാൻഡ് വാഹനം വാങ്ങുന്നത് ഒരാനകാര്യമൊന്നുമല്ല എന്ന് മനസിലാവും. കൃത്യമായ ഗൃഹപാഠം ചെയ്തു അന്വേഷിച്ചാൽ പുതിയ വാഹനത്തേക്കാൾ ലാഭകരമായി ഒരു സെക്കന്റ് ഹാൻഡ് വാഹനം നിങ്ങളുടെ വീട്ടുമുറ്റത്തെത്തും.
ബഹുഭൂരിപക്ഷം സാധാരണക്കാരുടെയും ജീവിതത്തിലെ ലക്ഷ്യങ്ങളിലൊന്നാകും ഒരു വാഹനം സ്വന്തമാക്കുകയെന്നത്. ചിലർ പണം സ്വരുക്കൂട്ടി വച്ചോ, വായ്പയെടുത്തോ പുതിയ വാഹനം സ്വന്തമാകുമ്പോൾ മറ്റു ചിലർ സെക്കൻഡ് കാർ വാങ്ങിയാവും തങ്ങളുടെ സ്വപ്നം സാക്ഷാത്കരിക്കുക. വാഹന നിർമാതാക്കളുടെ ഗ്യാരന്റിയുള്ളതിനാൽ പുതിയ കാർ വാങ്ങുന്നവർക്ക് താരതമ്യേന സെക്കന്റ് ഹാൻഡ് കാർ വാങ്ങുന്നവരേക്കാൾ തലവേദന കുറവാണ്. ആദ്യ ഒന്ന്, രണ്ടു വർഷങ്ങൾ സെർവീസിനെപ്പറ്റിയോ, സ്പെയർപാർട്സിന്റെ ലഭ്യതയെപറ്റിയോ, ആവലാതിപ്പെടേണ്ട എന്നത് പുത്തൻ വാഹനം വാങ്ങുന്നവർക്ക് ഒരു ആശ്വാസം തന്നെയാണ്.
ഒരല്പം ശ്രദ്ധ പുലർത്തിയാൽ സെക്കന്റ് ഹാൻഡ് വാഹനങ്ങൾ വാങ്ങുന്നതും ഒരാനകാര്യമൊന്നുമല്ല എന്ന് മനസിലാക്കാം. യഥാർത്ഥത്തിൽ, പുതിയ വാഹനം വാങ്ങുന്നതിനേക്കാൾ ലാഭത്തിൽ സെക്കന്റ് ഹാൻഡ് കാർ വാങ്ങാൻ സാധിക്കും. താഴെ പറയുന്ന 7 കാര്യങ്ങൾ വായിച്ചു നോക്കൂ. നിങ്ങൾക്കും ലാഭകരമായി ഒരു സെക്കന്റ് ഹാൻഡ് വാഹനം മോഹവിലയിൽ സ്വന്തമാക്കാം.
1. കൃത്യമായ ഗൃഹപാഠം ചെയ്യുക
സെക്കന്റ് ഹാൻഡ് വാഹനം വാങ്ങാൻ തീരുമാനിച്ചാൽ ആദ്യം കൃത്യമായ ഒരു പ്ലാൻ തയ്യാറുക. ഏതു തരത്തിലുള്ള വാഹനമാണ് (കാർ, എസ്യുവി, മറ്റുള്ളവ) വാങ്ങേണ്ടത്, എത്രയാണ് ബജറ്റ്, എത്ര കാലപ്പഴക്കം വരെയുള്ള വാഹനമാണ് വാങ്ങാൻ ഉദ്ദേശം എന്നി കാര്യങ്ങളെപ്പറ്റി കൃത്യമായ ഒരു അവബോധം ആവശ്യമാണ്.
ഒരു വാഹനനിർമാതാവിന്റെ പ്രത്യേക മോഡൽ നിങ്ങളുടെ മനസിലുണ്ടെകിൽ ആ വാഹനം ഉപയോഗിക്കുന്നവരിൽനിന്നു പെർഫോമൻസ്, സ്പെയർപാർട്സിന്റെ വില, ഇന്ധനക്ഷമത, ശരാശരി ഉപയോഗ ചിലവ് എന്നിവയെപ്പറ്റി കൂടുതൽ അന്വേഷിച്ചറിയുന്നത് നല്ലതാണ്. ഇഷ്ടങ്ങൾക്കുപരി പ്രായോഗികത മുൻനിർത്തി ഒരു വാഹനം തിരഞ്ഞെടുക്കുന്നതാണ് സെക്കന്റ് വിപണിയിൽ ഉത്തമം.
2. പരമാവധി വിവരങ്ങൾ ശേഖരിക്കുക
ഒരു സെക്കന്റ് ഹാൻഡ് കാർ വില്പന കേന്ദ്രത്തിൽ നേരിട്ടുചെന്നു കാർ അന്വേഷിക്കുന്നതിന് മുൻപ്, ഇൻറർനെറ്റിൽ കൂടുതൽ വിവരങ്ങൾ അന്വേഷിക്കുന്നതാണ് നല്ലത്. മാരുതി ട്രൂ വാല്യൂ പോലുള്ള തങ്ങളുടെ സെക്കന്റ് ഹാൻഡ് വാഹനങ്ങൾ മാത്രം വിൽക്കുന്ന വെബ്സൈറ്റുകളും, മഹീന്ദ്ര ഫസ്റ്റ് ചോയ്സ് പോലുള്ള പല വാഹന നിർമാതാക്കളുടെ സെക്കന്റ് ഹാൻഡ് വാഹനങ്ങൾ വിൽക്കുന്ന വെബ്സൈറ്റുകളിലും ധാരാളം വിവരങ്ങൾ ലഭ്യമാണ്.
വാഹനത്തിന്റെ കാലപ്പഴക്കം, ഇതുവരെ എത്ര ഉടമകൾ വാഹനത്തിനുണ്ട്, ഇതുവരെ ഓടിയ ദൂരം, എക്സ്ട്രാ ഫിറ്റിങ്ങുകൾ എന്തെങ്കിലുമുണ്ടോ, ഏകദേശ വില എന്നിവയെപ്പറ്റിയുള്ള വിവരങ്ങൾ ഇത്തരം വെബ്സൈറ്റുകളിൽ കൃത്യമായി ലഭിക്കും. സെക്കന്റ് ഹാൻഡ് കാർ വില്പന കേന്ദ്രത്തിൽ നേരിട്ടുചെന്നു അന്വേഷിക്കുമ്പോൾ ഇത്തരം അടിസ്ഥാന വിവരങ്ങൾ കബളിപ്പിക്കപ്പെടാതിരിക്കാൻ സഹായിക്കും.
3. ചോദ്യങ്ങൾ ചോദിക്കുക
സെക്കന്റ് ഹാൻഡ് ഷോറൂം മാനേജരുടെ മധുരമായ വാക്കുകൾകെട്ടു തിടുക്കത്തിൽ തീരുമാനമെടുക്കാതിരിക്കുക. നിങ്ങളാണ് പണം മുടക്കുന്നത്. അതിനാൽ സമയമെടുത്തു വാഹനവുമായി ബന്ധപ്പെട്ട ഓരോ കാര്യങ്ങളും ചോദിച്ചറിയുക. സംശയം തോന്നുന്ന കാര്യങ്ങളിൽ വ്യക്തത വരുത്തിയതിനു ശേഷം മാത്രം മുന്നോട്ട് പോവുക. ചോദ്യങ്ങൾ ചോദിയ്ക്കാൻ യാതൊരു സങ്കോചവും വേണ്ട. നിങ്ങൾക് ഉത്തരം നൽകേണ്ടത് ഷോറൂം മാനേജരുടെ ജോലിയാണ്.
4. എല്ലാ വിവരങ്ങളും ഒത്തുനോക്കുക
ഒരു വാഹനത്തെ സംബന്ധിച്ച് ഐഡന്റിഫിക്കേഷൻ നമ്പർ, റെജിസ്ട്രേഷൻ നമ്പർ, എൻജിൻ നമ്പർ എന്നിവ പ്രധാനമാണ്. നിങ്ങൾക് ഷോറൂം മാനേജർ നൽകുന്ന കടലാസിലെ നമ്പറുകളും വാഹനത്തിലെ നമ്പറുകളും ഒന്ന് തന്നെയല്ലേ എന്ന് ഉറപ്പിക്കുക. പരസ്യത്തിൽ വാഹനവുമായി ബന്ധപ്പെട്ട ചേർത്തിരിക്കുന്ന വിവരങ്ങളും, എക്സ്ട്രാ ഫിറ്റിങ്ങുകളും യഥാർത്ഥത്തിൽ വാഹനത്തിലുണ്ടെന്നു ഉറപ്പു വരുത്തുക.
5. ഒരു കാർ മെക്കാനിക്കിനെ കൂടെ കൂട്ടുക
നിങ്ങൾക്ക് പരിചയവും വിശ്വാസവമുള്ള ഒരു കാർ മെക്കാനിക്കുണ്ടെങ്കിൽ ആ വ്യക്തിയെ കൂടെ കൂട്ടുന്നത് നല്ലതാണ്. ടെസ്റ്റ് ഡ്രൈവ് ചെയ്യുന്ന സമയത്തു നിങ്ങൾ ശ്രദ്ദിക്കാത്ത പല കാര്യങ്ങൾ ഒരു മെക്കാനിക് ശ്രദ്ധിക്കും. വാഹനത്തിന്റെ യഥാർത്ഥ സ്ഥിതി എന്താണെന്നും, പെട്ടെന്ന് ശ്രദ്ധയിൽ പെടാത്ത എന്തെങ്കിലും ഒടിവോ, ചതവോ വാഹനത്തിനുണ്ടോ എന്നൊക്കെ ഒരു മെക്കാനിക്കിന് എളുപ്പം കണ്ടുപിടിക്കാൻ സാധിക്കും. പ്രസ്തുത വാഹനം വാങ്ങാനോ എന്നും നിങ്ങൾക്ക് സത്യസന്ധമായ നിർദേശം നൽകാനും പരിചയമുള്ള മെക്കാനിക്ക് ഉപകരിക്കും.
6. വിലപേശാൻ മടിച്ചു നിൽക്കേണ്ട
പുതിയ വാഹനങ്ങൾ വാങ്ങുമ്പോൾ ഒരിക്കലും പറ്റാത്തതും, സെക്കന്റ് ഹാൻഡ് വാഹനങ്ങൾ വാങ്ങുമ്പോൾ മാത്രം ഉപയോഗപ്പെടുത്താവുന്നതുമായ ഒന്നാണ് വിലപേശൽ. അല്പം ജാള്യം തോന്നിയാലും വിലപേശുന്നതിൽ ഒരു തെറ്റുമില്ല. സാധാരണ ഗതിയിൽ വിൽക്കുന്നയാൾക്ക് വൻ ലാഭം ലഭിക്കുന്ന രീതിയിലാകും ആദ്യം വില പറയുക. എങ്കിലും, അല്പം വില കുറക്കാൻ അവരെപ്പോഴും തയ്യാറാകും. അതിനാൽ, ചർച്ച ചെയ്തു രണ്ടു കൂട്ടർക്കും അംഗീകരിക്കാവുന്ന തുകക്ക് മാത്രം വാഹനം വാങ്ങുക.
7. രേഖകൾ കൃത്യമെന്നുറപ്പിക്കുക
വാഹനം പരിശോധിക്കുന്നതിനൊപ്പം തന്നെ പ്രധാനമാണ് എല്ലാ രേഖകളും കൃത്യമാണോ എന്ന് ഒത്തു നോക്കുന്നത്. വാഹനത്തിന്റെ റെജിസ്ട്രേഷൻ സർട്ടിഫിക്കറ്റ്, ഇൻഷുറൻസ് കടലാസുകൾ, ആദ്യം വാഹനം വാങ്ങിയതിന്റെ ബിൽ രേഖകൾ, റോഡ് ടാക്സ് അടച്ചതിന്റെ രസീത്, പുക സർട്ടിഫിക്കറ്റ് എന്നിവ കൃത്യമാണോ എന്ന് പരിശോധിക്കണം. വായ്പ കാലാവധിയിലുള്ള വാഹനമാണെങ്കിൽ ഫോം 35-ഉം ബാങ്കിൽ നിന്നുള്ള NOC-യും ഉടമസ്ഥാവകാശം മാറ്റാനായി ആവശ്യം വരും. മേല്പറഞ്ഞ രേഖകളുണ്ടെന്നു ഉറപ്പു വരുത്തി മാത്രം വാഹനം വാങ്ങിക്കുക.
ഒരു സെക്കന്റ് ഹാൻഡ് വാഹനം വാങ്ങാൻ ഒരുപാടു തല പുകയ്ക്കുകയോ, ആശയക്കുഴപ്പത്തിലാവുകയോ വേണ്ട എന്ന് ഇതിനകം മനസിലായികാണുമല്ലോ? മേല്പറഞ്ഞ മാർഗനിർദേശം കൃത്യമായി പിന്തുടർന്നാൽ ലാഭകരമായി ഒരു സെക്കന്റ് ഹാൻഡ് വാഹനം നിങ്ങളുടെ വീട്ടുമുറ്റത്തെത്തിക്കാം.
ബഹുഭൂരിപക്ഷം സാധാരണക്കാരുടെയും ജീവിതത്തിലെ ലക്ഷ്യങ്ങളിലൊന്നാകും ഒരു വാഹനം സ്വന്തമാക്കുകയെന്നത്. ചിലർ പണം സ്വരുക്കൂട്ടി വച്ചോ, വായ്പയെടുത്തോ പുതിയ വാഹനം സ്വന്തമാകുമ്പോൾ മറ്റു ചിലർ സെക്കൻഡ് കാർ വാങ്ങിയാവും തങ്ങളുടെ സ്വപ്നം സാക്ഷാത്കരിക്കുക. വാഹന നിർമാതാക്കളുടെ ഗ്യാരന്റിയുള്ളതിനാൽ പുതിയ കാർ വാങ്ങുന്നവർക്ക് താരതമ്യേന സെക്കന്റ് ഹാൻഡ് കാർ വാങ്ങുന്നവരേക്കാൾ തലവേദന കുറവാണ്. ആദ്യ ഒന്ന്, രണ്ടു വർഷങ്ങൾ സെർവീസിനെപ്പറ്റിയോ, സ്പെയർപാർട്സിന്റെ ലഭ്യതയെപറ്റിയോ, ആവലാതിപ്പെടേണ്ട എന്നത് പുത്തൻ വാഹനം വാങ്ങുന്നവർക്ക് ഒരു ആശ്വാസം തന്നെയാണ്.
ഒരല്പം ശ്രദ്ധ പുലർത്തിയാൽ സെക്കന്റ് ഹാൻഡ് വാഹനങ്ങൾ വാങ്ങുന്നതും ഒരാനകാര്യമൊന്നുമല്ല എന്ന് മനസിലാക്കാം. യഥാർത്ഥത്തിൽ, പുതിയ വാഹനം വാങ്ങുന്നതിനേക്കാൾ ലാഭത്തിൽ സെക്കന്റ് ഹാൻഡ് കാർ വാങ്ങാൻ സാധിക്കും. താഴെ പറയുന്ന 7 കാര്യങ്ങൾ വായിച്ചു നോക്കൂ. നിങ്ങൾക്കും ലാഭകരമായി ഒരു സെക്കന്റ് ഹാൻഡ് വാഹനം മോഹവിലയിൽ സ്വന്തമാക്കാം.
1. കൃത്യമായ ഗൃഹപാഠം ചെയ്യുക
സെക്കന്റ് ഹാൻഡ് വാഹനം വാങ്ങാൻ തീരുമാനിച്ചാൽ ആദ്യം കൃത്യമായ ഒരു പ്ലാൻ തയ്യാറുക. ഏതു തരത്തിലുള്ള വാഹനമാണ് (കാർ, എസ്യുവി, മറ്റുള്ളവ) വാങ്ങേണ്ടത്, എത്രയാണ് ബജറ്റ്, എത്ര കാലപ്പഴക്കം വരെയുള്ള വാഹനമാണ് വാങ്ങാൻ ഉദ്ദേശം എന്നി കാര്യങ്ങളെപ്പറ്റി കൃത്യമായ ഒരു അവബോധം ആവശ്യമാണ്.
ഒരു വാഹനനിർമാതാവിന്റെ പ്രത്യേക മോഡൽ നിങ്ങളുടെ മനസിലുണ്ടെകിൽ ആ വാഹനം ഉപയോഗിക്കുന്നവരിൽനിന്നു പെർഫോമൻസ്, സ്പെയർപാർട്സിന്റെ വില, ഇന്ധനക്ഷമത, ശരാശരി ഉപയോഗ ചിലവ് എന്നിവയെപ്പറ്റി കൂടുതൽ അന്വേഷിച്ചറിയുന്നത് നല്ലതാണ്. ഇഷ്ടങ്ങൾക്കുപരി പ്രായോഗികത മുൻനിർത്തി ഒരു വാഹനം തിരഞ്ഞെടുക്കുന്നതാണ് സെക്കന്റ് വിപണിയിൽ ഉത്തമം.
2. പരമാവധി വിവരങ്ങൾ ശേഖരിക്കുക
ഒരു സെക്കന്റ് ഹാൻഡ് കാർ വില്പന കേന്ദ്രത്തിൽ നേരിട്ടുചെന്നു കാർ അന്വേഷിക്കുന്നതിന് മുൻപ്, ഇൻറർനെറ്റിൽ കൂടുതൽ വിവരങ്ങൾ അന്വേഷിക്കുന്നതാണ് നല്ലത്. മാരുതി ട്രൂ വാല്യൂ പോലുള്ള തങ്ങളുടെ സെക്കന്റ് ഹാൻഡ് വാഹനങ്ങൾ മാത്രം വിൽക്കുന്ന വെബ്സൈറ്റുകളും, മഹീന്ദ്ര ഫസ്റ്റ് ചോയ്സ് പോലുള്ള പല വാഹന നിർമാതാക്കളുടെ സെക്കന്റ് ഹാൻഡ് വാഹനങ്ങൾ വിൽക്കുന്ന വെബ്സൈറ്റുകളിലും ധാരാളം വിവരങ്ങൾ ലഭ്യമാണ്.
വാഹനത്തിന്റെ കാലപ്പഴക്കം, ഇതുവരെ എത്ര ഉടമകൾ വാഹനത്തിനുണ്ട്, ഇതുവരെ ഓടിയ ദൂരം, എക്സ്ട്രാ ഫിറ്റിങ്ങുകൾ എന്തെങ്കിലുമുണ്ടോ, ഏകദേശ വില എന്നിവയെപ്പറ്റിയുള്ള വിവരങ്ങൾ ഇത്തരം വെബ്സൈറ്റുകളിൽ കൃത്യമായി ലഭിക്കും. സെക്കന്റ് ഹാൻഡ് കാർ വില്പന കേന്ദ്രത്തിൽ നേരിട്ടുചെന്നു അന്വേഷിക്കുമ്പോൾ ഇത്തരം അടിസ്ഥാന വിവരങ്ങൾ കബളിപ്പിക്കപ്പെടാതിരിക്കാൻ സഹായിക്കും.
3. ചോദ്യങ്ങൾ ചോദിക്കുക
സെക്കന്റ് ഹാൻഡ് ഷോറൂം മാനേജരുടെ മധുരമായ വാക്കുകൾകെട്ടു തിടുക്കത്തിൽ തീരുമാനമെടുക്കാതിരിക്കുക. നിങ്ങളാണ് പണം മുടക്കുന്നത്. അതിനാൽ സമയമെടുത്തു വാഹനവുമായി ബന്ധപ്പെട്ട ഓരോ കാര്യങ്ങളും ചോദിച്ചറിയുക. സംശയം തോന്നുന്ന കാര്യങ്ങളിൽ വ്യക്തത വരുത്തിയതിനു ശേഷം മാത്രം മുന്നോട്ട് പോവുക. ചോദ്യങ്ങൾ ചോദിയ്ക്കാൻ യാതൊരു സങ്കോചവും വേണ്ട. നിങ്ങൾക് ഉത്തരം നൽകേണ്ടത് ഷോറൂം മാനേജരുടെ ജോലിയാണ്.
4. എല്ലാ വിവരങ്ങളും ഒത്തുനോക്കുക
ഒരു വാഹനത്തെ സംബന്ധിച്ച് ഐഡന്റിഫിക്കേഷൻ നമ്പർ, റെജിസ്ട്രേഷൻ നമ്പർ, എൻജിൻ നമ്പർ എന്നിവ പ്രധാനമാണ്. നിങ്ങൾക് ഷോറൂം മാനേജർ നൽകുന്ന കടലാസിലെ നമ്പറുകളും വാഹനത്തിലെ നമ്പറുകളും ഒന്ന് തന്നെയല്ലേ എന്ന് ഉറപ്പിക്കുക. പരസ്യത്തിൽ വാഹനവുമായി ബന്ധപ്പെട്ട ചേർത്തിരിക്കുന്ന വിവരങ്ങളും, എക്സ്ട്രാ ഫിറ്റിങ്ങുകളും യഥാർത്ഥത്തിൽ വാഹനത്തിലുണ്ടെന്നു ഉറപ്പു വരുത്തുക.
5. ഒരു കാർ മെക്കാനിക്കിനെ കൂടെ കൂട്ടുക
നിങ്ങൾക്ക് പരിചയവും വിശ്വാസവമുള്ള ഒരു കാർ മെക്കാനിക്കുണ്ടെങ്കിൽ ആ വ്യക്തിയെ കൂടെ കൂട്ടുന്നത് നല്ലതാണ്. ടെസ്റ്റ് ഡ്രൈവ് ചെയ്യുന്ന സമയത്തു നിങ്ങൾ ശ്രദ്ദിക്കാത്ത പല കാര്യങ്ങൾ ഒരു മെക്കാനിക് ശ്രദ്ധിക്കും. വാഹനത്തിന്റെ യഥാർത്ഥ സ്ഥിതി എന്താണെന്നും, പെട്ടെന്ന് ശ്രദ്ധയിൽ പെടാത്ത എന്തെങ്കിലും ഒടിവോ, ചതവോ വാഹനത്തിനുണ്ടോ എന്നൊക്കെ ഒരു മെക്കാനിക്കിന് എളുപ്പം കണ്ടുപിടിക്കാൻ സാധിക്കും. പ്രസ്തുത വാഹനം വാങ്ങാനോ എന്നും നിങ്ങൾക്ക് സത്യസന്ധമായ നിർദേശം നൽകാനും പരിചയമുള്ള മെക്കാനിക്ക് ഉപകരിക്കും.
6. വിലപേശാൻ മടിച്ചു നിൽക്കേണ്ട
പുതിയ വാഹനങ്ങൾ വാങ്ങുമ്പോൾ ഒരിക്കലും പറ്റാത്തതും, സെക്കന്റ് ഹാൻഡ് വാഹനങ്ങൾ വാങ്ങുമ്പോൾ മാത്രം ഉപയോഗപ്പെടുത്താവുന്നതുമായ ഒന്നാണ് വിലപേശൽ. അല്പം ജാള്യം തോന്നിയാലും വിലപേശുന്നതിൽ ഒരു തെറ്റുമില്ല. സാധാരണ ഗതിയിൽ വിൽക്കുന്നയാൾക്ക് വൻ ലാഭം ലഭിക്കുന്ന രീതിയിലാകും ആദ്യം വില പറയുക. എങ്കിലും, അല്പം വില കുറക്കാൻ അവരെപ്പോഴും തയ്യാറാകും. അതിനാൽ, ചർച്ച ചെയ്തു രണ്ടു കൂട്ടർക്കും അംഗീകരിക്കാവുന്ന തുകക്ക് മാത്രം വാഹനം വാങ്ങുക.
7. രേഖകൾ കൃത്യമെന്നുറപ്പിക്കുക
വാഹനം പരിശോധിക്കുന്നതിനൊപ്പം തന്നെ പ്രധാനമാണ് എല്ലാ രേഖകളും കൃത്യമാണോ എന്ന് ഒത്തു നോക്കുന്നത്. വാഹനത്തിന്റെ റെജിസ്ട്രേഷൻ സർട്ടിഫിക്കറ്റ്, ഇൻഷുറൻസ് കടലാസുകൾ, ആദ്യം വാഹനം വാങ്ങിയതിന്റെ ബിൽ രേഖകൾ, റോഡ് ടാക്സ് അടച്ചതിന്റെ രസീത്, പുക സർട്ടിഫിക്കറ്റ് എന്നിവ കൃത്യമാണോ എന്ന് പരിശോധിക്കണം. വായ്പ കാലാവധിയിലുള്ള വാഹനമാണെങ്കിൽ ഫോം 35-ഉം ബാങ്കിൽ നിന്നുള്ള NOC-യും ഉടമസ്ഥാവകാശം മാറ്റാനായി ആവശ്യം വരും. മേല്പറഞ്ഞ രേഖകളുണ്ടെന്നു ഉറപ്പു വരുത്തി മാത്രം വാഹനം വാങ്ങിക്കുക.
ഒരു സെക്കന്റ് ഹാൻഡ് വാഹനം വാങ്ങാൻ ഒരുപാടു തല പുകയ്ക്കുകയോ, ആശയക്കുഴപ്പത്തിലാവുകയോ വേണ്ട എന്ന് ഇതിനകം മനസിലായികാണുമല്ലോ? മേല്പറഞ്ഞ മാർഗനിർദേശം കൃത്യമായി പിന്തുടർന്നാൽ ലാഭകരമായി ഒരു സെക്കന്റ് ഹാൻഡ് വാഹനം നിങ്ങളുടെ വീട്ടുമുറ്റത്തെത്തിക്കാം.