കാറോടിക്കുമ്പോൾ നിർബന്ധമായും കയ്യിലുണ്ടാവണം ഈ 5 രേഖകൾ

ഡ്രൈവിംഗ്, പലർക്കും ഹരമാണിത്. പലരുടെയും ഹോബികളിൽ ഒന്നാം സ്ഥാനം ഡ്രൈവിങ്ങായിരിക്കും. ചിലർ കാഴ്ചകൾ ഒക്കെ ആസ്വദിച്ചു പതിയെ ഡ്രൈവ് ചെയ്യുമ്പോൾ മറ്റു ചിലർക്ക് സ്പീഡിൽ വാഹനം ഓടിക്കാൻ ആയിരിക്കും താല്പര്യം. ഇഷ്ടപെട്ട ഒരു വണ്ടി കൂടെ കിട്ടിയാൽ പിന്നെ ഡ്രൈവിംഗ് ആസ്വദിക്കാത്ത എത്ര പേരുണ്ടാവും? അതിനു മുൻപ് പൊതു നിരത്തിൽ ഒരു വാഹനമായി ഡ്രൈവിങ്ങിന് ഇറങ്ങി പുറപ്പെടുന്നതിന് മുൻപ് ചില രേഖകൾ നിർബന്ധമായും കയ്യിൽ കരുത്തേണ്ടതുണ്ട്. പലർക്കും എന്തൊക്കെ രേഖകൾ ആണ് വാഹനത്തിൽ വയ്ക്കേണ്ടത് എന്നതിനെപ്പറ്റി ധാരണയില്ല. വെറും അഞ്ച് രേഖകൾ മാത്രം കൈയ്യിൽ കരുതിയാൽ മതി.

1. ഡ്രൈവിംഗ് ലൈസൻസ് - നിയമസാധുതയുള്ള ഒരു ഡ്രൈവിംഗ് ലൈസൻസ് ഇല്ലാതെ യാതൊരു കാരണവശാലും വാഹനമോടിക്കരുത്. കാലാവധി കഴിഞ്ഞതോ, ഏതെങ്കിലും പ്രത്യേക വാഹന വിഭാഗത്തിന് മാത്രമുള്ള (ലൈറ്റ് മോട്ടോർ വെഹിക്കിൾ, ഇരുചക്ര വാഹനങ്ങൾ, വാണിജ്യ വാഹനങ്ങൾ) ലൈസൻസ് ഉപയോഗിച്ച് മറ്റുള്ള വിഭാഗത്തിലെ വാഹനങ്ങളോ ഓടിക്കാതിരിക്കുക.

Also read: ഡ്രൈവിംഗ് ലൈസൻസ് പുതുക്കാം ഈസിയായി

2. റെജിസ്ട്രേഷൻ സർട്ടിഫിക്കറ്റ് (ആർസി) - റോഡിലുപയോഗിക്കാൻ ഒരു വണ്ടിക്ക് നിയമം അനുവദിക്കുന്ന രേഖയാണ് ആർസി. ഇന്ത്യയൊട്ടാകെ ഇപ്പോൾ ഓൺലൈൻ ആയി രെജിസ്റ്റർ ചെയ്യുന്ന ഈ നമ്പർ വാഹന ഉടമയുടെ ഏറ്റവും അടുത്തുളള ആർടിഓയിൽ നിന്ന് എടുക്കേണ്ടത്. വാഹനം വാങ്ങി 7 ദിവസത്തിനുള്ളിൽ ആർസി ബുക്കും/കാർഡും വാഹനത്തിൽ കരുതണം.


3. പുക സർട്ടിഫിക്കറ്റ് - പൊല്യൂഷൻ അണ്ടർ കണ്ട്രോൾ സർട്ടിഫിക്കറ്റ് (പിയുസി) ഒരു വാഹനത്തിൽ നിർബന്ധമായും കരുതേണ്ട രേഖയാണ്. നിലവിലെ മലിനീകരണ നിയന്ത്രണ മാനദണ്ഡങ്ങൾ പാലിക്കുന്ന വാഹനമാണ് നിങ്ങളുടേത് എന്ന് പുക സർട്ടിഫിക്കറ്റ് ഉറപ്പു വരുത്തുന്നു. അംഗീകൃത ടെസ്റ്റിംഗ് സെന്ററുകളിൽ വാഹനം പരിശോധിച്ച് കാലാവധി കഴിയാത്ത പൊല്യൂഷൻ അണ്ടർ കണ്ട്രോൾ സർട്ടിഫിക്കറ്റ് നിങ്ങളുടെ വാഹനത്തിനുണ്ടെന്ന് ഉറപ്പ് വരുത്തുക.

Also read: പുസ്തക രൂപത്തിലുള്ള ഡ്രൈവിംഗ് ലൈസൻസ് എങ്ങിനെ കാർഡാക്കി മാറ്റം?

4. ഇൻഷുറൻസ് പോളിസി - 1988-ലെ മോട്ടോർ വെഹിക്കിൾസ് ആക്റ്റ് പ്രകാരം പൊതുനിരത്തിൽ ഓടിക്കാൻ ഇന്ത്യയിൽ ഏതൊരു വാഹനവും ഇൻഷുവർ ചെയ്യണം. തേർഡ് പാർട്ടി പരിരക്ഷയാണ് ആണ് ഇൻഷുറൻസിന്റെ ഏറ്റവും കുറഞ്ഞ നില. കാർ ഉടമയ്ക്ക് അധിക പരിരക്ഷ ആവശ്യമാണെങ്കിൽ, സമഗ്ര കാർ ഇൻഷുറൻസ് പദ്ധതി തിരഞ്ഞെടുക്കാം. വാഹനം റോഡിൽ ആയിരിക്കുമ്പോൾ ഇൻഷുറൻസ് സർട്ടിഫിക്കറ്റ് കൈവശം വയ്ക്കേണ്ടത് ആവശ്യമാണ്.

5. ഫിറ്റ്നസ് സർട്ടിഫിക്കറ്റ്/പെർമിറ്റ് - ഒരു പക്ഷെ നിങ്ങൾ വാണിജ്യ ആവശ്യങ്ങൾക്കുള്ള കൊമേർഷ്യൽ വാഹനങ്ങളാണ് ഉപയോഗിക്കുന്നതെങ്കിൽ ഇത്തരത്തിലുള്ള വാഹനങ്ങൾ പൊതുനിരത്തിൽ ഓടിക്കാൻ അനുവാദം തരുന്ന പെർമിറ്റ് വാഹനത്തിൽ കരുതണം. മാത്രമല്ല പൊതു നിരത്തിൽ നിങ്ങളുടെ വാണിജ്യ വാഹനം ഓടിക്കാൻ യോഗ്യമാണ് എന്ന് ഉറപ്പിക്കുന്ന ഫിറ്റ്നസ് സർട്ടിഫിക്കറ്റും കൂടെ കരുതുക.

Also read: ഗതാഗതക്കുരുക്ക് എങ്ങനെ ഒഴിവാക്കി യാത്ര ചെയ്യാം?

പൊലീസോ, ട്രാഫിക് അധികാരികളോ നിങ്ങളോട് മേല്പറഞ്ഞ ഏതെങ്കിലും രേഖ പരിശോധനയുടെ ഭാഗമായി കാണിക്കാൻ ആവശ്യപ്പെട്ടാൽ നിങ്ങളുടെ പക്കൽ ഇവയുണ്ടാവണം. ഒറിജിനൽ രേഖയോ, ഫോട്ടോസ്റ്റാറ് കോപ്പിയോ, ഡിജിറ്റൽ രേഖയോ നിങ്ങൾക്ക് സമർപ്പിക്കാം. ഏതെങ്കിലും സർട്ടിഫിക്കറ്റ് ഇല്ലാത്ത പക്ഷം പിഴത്തുക ഒടുക്കാൻ നിങ്ങൾ ബാധ്യസ്ഥാനാണ്. അതെ സമയം ലൈസൻസ് ഇല്ലാതെയോ ഇൻഷുറൻസ് രേഖയില്ലാതെയോ വാഹനമോടിച്ചാൽ പിഴയ്ക്ക് പുറമെ ജയിൽ ശിക്ഷയും ലഭിക്കാനിടയുണ്ട്.