ഡ്രൈവിംഗ് ലൈസൻസ് പുതുക്കൽ, വാഹനത്തിന്റെ രജിസ്ട്രേഷൻ സർട്ടിഫിക്കറ്റ് (ആർസി) പുതുക്കൽ തുടങ്ങിയ സേവനങ്ങൾക്കായി ഇനി റീജിയണൽ ട്രാൻസ്സ്പോർട്ട് ഓഫീസിൽ (ആർടിഓ) കയറിയിറങ്ങേണ്ട. ആർടിഓ ഓഫീസുമായി ബന്ധപ്പെട്ട 18 സേവനങ്ങൾ ഇപ്പോൾ പൂർണ്ണമായും ഓൺലൈനിൽ ചെയ്യാമെന്ന് റോഡ് ഗതാഗത, ദേശീയപാത മന്ത്രാലയം (MoRTH) സർക്കുലറിൽ വ്യക്തമാക്കി. കേന്ദ്ര സർക്കാർ വിജ്ഞാപനം അനുസരിച്ച് ആധാർ കാർഡ് ഓതന്റിക്കേഷൻ അനുസരിച്ചാണ് ഈ സേവനങ്ങൾ പ്രയോജനപ്പെടുത്താൻ സാധിക്കുക. സേവനങ്ങൾ കാര്യക്ഷമമാക്കുകയും, തടസ്സരഹിതവും, സമ്പർക്കരഹിതവുമാക്കുകയും ചെയ്യുക എന്നതാണ് പൂർണമായും ഓൺലൈൻ ആക്കുന്നതിന്റെ ലക്ഷ്യത്തെ എന്ന് റോഡ് ഗതാഗത, ദേശീയപാത മന്ത്രാലയം വ്യക്തമാക്കി. ഡിജിറ്റൽ പ്ലാറ്റ്ഫോമുകൾ ഉപയോഗിക്കുന്നതിന് ഇലക്ട്രോണിക്സ്, ഇൻഫർമേഷൻ ടെക്നോളജി മന്ത്രാലയത്തിൽ നിന്ന് എല്ലാ അനുമതികളും ലഭിച്ചതായി MoRTH ഇന്ത്യ സർക്കുലറിൽ അറിയിച്ചു. സമ്പർക്കരഹിതമായ സേവനങ്ങൾ ലഭ്യമാക്കുന്നതിന് ആധറിന്റെ ആവശ്യകതയെക്കുറിച്ച് പൗരന്മാരെ ബോധവാന്മാരാക്കും. ഇതിനായി മാധ്യമങ്ങളിലൂടെയും വ്യക്തിഗത അറിയിപ്പുകളിലൂടെയും വ്യാപകമായ പ്രചാരണത്തിനുള്ള എല്ലാ ക്രമീകരണങ്ങളും നടത്തുമെന്നും മന്ത്രാലയം അറിയിച്ചു.
ഫാസ്റ്റ്ടാഗ്; എവിടെ നിന്ന് വാങ്ങാം? വിലയെത്ര? എങ്ങനെ റീചാർജ് ചെയ്യാം?
ഈ മാസം മൂന്നാം തിയതി മുതൽ ഓൺലൈൻ ആക്കിയ 18 സേവനങ്ങൾ ചുവടെ
"പൗരന്മാർക്കുള്ള സേവങ്ങൾ ലഭ്യമാക്കാനുള്ള ഭാരം കുറയ്ക്കുകയും, തടസ്സരഹിതവും, സമ്പർക്കരഹിതവുമായ രീതിയിൽ ഈ സേവനങ്ങൾ നേടാനും പുതിയ സംവിധാനം സഹായിക്കും. ഇത് ആർടിഒ ഓഫീസിലേക്കുള്ള ഞങ്ങളുടെ വരവ് കുറയ്ക്കും. ആർടിഒ ഓഫീസുകളുടെ കാര്യക്ഷമത വർദ്ധിപ്പിക്കും," MoRTH ട്വീറ്റ് ചെയ്തു.
ഫാസ്റ്റ്ടാഗ്; എവിടെ നിന്ന് വാങ്ങാം? വിലയെത്ര? എങ്ങനെ റീചാർജ് ചെയ്യാം?
ഈ മാസം മൂന്നാം തിയതി മുതൽ ഓൺലൈൻ ആക്കിയ 18 സേവനങ്ങൾ ചുവടെ
- ലേണേഴ്സ് ലൈസൻസ്.
- ഡ്രൈവിംഗ് ലൈസൻസ് പുതുക്കൽ (ഡ്രൈവ് ടെസ്റ്റ് ആവശ്യമില്ലാത്തത്).
- ഡ്യൂപ്ലിക്കേറ്റ് ഡ്രൈവിംഗ് ലൈസൻസ്.
- ഡ്രൈവിംഗ് ലൈസൻസിലും രജിസ്ട്രേഷൻ സർട്ടിഫിക്കറ്റിലും വിലാസം മാറ്റുക.
- ഇന്റർനാഷണൽ ഡ്രൈവിംഗ് പെർമിറ്റ് ഇഷ്യു.
- ലൈസൻസിൽ നിന്ന് ക്ലാസ് ഓഫ് വെഹിക്കിൾ സറണ്ടർ ചെയ്യാൻ.
- മോട്ടോർ വാഹനത്തിന്റെ താൽക്കാലിക രജിസ്ട്രേഷന് അപേക്ഷ.
- പൂർണ്ണമായും നിർമ്മിച്ച ബോഡി ഉള്ള മോട്ടോർ വാഹനം രജിസ്റ്റർ ചെയ്യുന്നതിനുള്ള അപേക്ഷ.
- ഡ്യൂപ്ലിക്കേറ്റ് 'സർട്ടിഫിക്കറ്റ് ഓഫ് രജിസ്ട്രേഷൻ' ലഭിക്കുന്നതിനുള്ള അപേക്ഷ.
- രജിസ്ട്രേഷൻ സർട്ടിഫിക്കറ്റിനായി എൻഒസി ലഭിക്കുന്നതിനുള്ള അപേക്ഷ.
- മോട്ടോർ വാഹനത്തിന്റെ ഉടമസ്ഥാവകാശം കൈമാറുന്നതിനുള്ള അറിയിപ്പ്.
- മോട്ടോർ വാഹനത്തിന്റെ ഉടമസ്ഥാവകാശം കൈമാറുന്നതിനുള്ള അപേക്ഷ.
- രജിസ്ട്രേഷൻ സർട്ടിഫിക്കറ്റിൽ വിലാസം മാറ്റുന്നതിനെക്കുറിച്ചുള്ള അറിയിപ്പ്.
- അംഗീകൃത ഡ്രൈവർ പരിശീലന കേന്ദ്രത്തിൽ നിന്ന് ഡ്രൈവർ പരിശീലനത്തിനായി രജിസ്ട്രേഷന് അപേക്ഷ.
- ഡിപ്ലോമാറ്റിക് ഓഫീസറുടെ മോട്ടോർ വാഹനം രജിസ്റ്റർ ചെയ്യുന്നതിനുള്ള അപേക്ഷ.
- ഡിപ്ലോമാറ്റിക് ഓഫീസറുടെ മോട്ടോർ വാഹനത്തിന്റെ പുതിയ രജിസ്ട്രേഷൻ മാർക്ക് നൽകാനുള്ള അപേക്ഷ.
- വാടക-വാങ്ങൽ കരാറിന്റെ അംഗീകാരം ലഭിക്കാൻ
- വാടക-വാങ്ങൽ കരാർ അവസാനിപ്പിക്കുന്നതിനുള്ള അപേക്ഷ
"പൗരന്മാർക്കുള്ള സേവങ്ങൾ ലഭ്യമാക്കാനുള്ള ഭാരം കുറയ്ക്കുകയും, തടസ്സരഹിതവും, സമ്പർക്കരഹിതവുമായ രീതിയിൽ ഈ സേവനങ്ങൾ നേടാനും പുതിയ സംവിധാനം സഹായിക്കും. ഇത് ആർടിഒ ഓഫീസിലേക്കുള്ള ഞങ്ങളുടെ വരവ് കുറയ്ക്കും. ആർടിഒ ഓഫീസുകളുടെ കാര്യക്ഷമത വർദ്ധിപ്പിക്കും," MoRTH ട്വീറ്റ് ചെയ്തു.