പുതിയ രണ്ട് മോട്ടോർസൈക്കിളുകളുമായി റോയൽ എൻഫീൽഡ്

റോയൽ എൻഫീൽഡ് പുതിയ രണ്ട് മോട്ടോർസൈക്കിളുകളെ മറയ്ക്ക് പുറത്തെത്തിച്ചു. മിലാനിൽ വച്ച് നടന്ന ടൂവീലർ ഷോയിലാണ് രണ്ട് മോട്ടോർസൈക്കിളുകളുടെയും അവതരണം നടത്തിയിരിക്കുന്നത്. പുതിയ ഇന്‍റർസെപ്റ്റ്ർ, കോണ്ടിനെന്‍റൽ ജിടി ബൈക്കുകളെയാണ് കമ്പനി അവതരിപ്പിച്ചത്. 650 കപ്പാസിറ്റിയുള്ള പാരലൽ ട്വിൻ എൻജിനുമായാണ് ഈ രണ്ട് ബൈക്കുകളും അവതരിച്ചത്. റോയൽ എൻഫീൽഡിന്‍റെ ചരിത്രത്തിൽ തന്നെ ഇത്യാദമായാണ് പാരലൽ ട്വിൻ എൻജിനുമായി ഒരു ബൈക്ക് അവതരിക്കുന്നത്.



ഇന്‍റർസെപ്റ്റ്ർ മാർക്ക് 1 നെ അടിസ്ഥാനപ്പെടുത്തിയാണ് പുതിയ ഇന്‍റർസെപ്റ്റ്റിനെ പുറത്തിറക്കിയിരിക്കുന്നത്. രണ്ട് വർഷം മുൻപ് റോയൽ എൻഫീൽഡ് പുറത്തിറക്കിയ കഫേ റേസർ കോണ്ടിനെന്‍റൽ ജിടിയുടെ രൂപ ഭാവമാണ് പുതിയ ജിടിക്കുള്ളത്.

47ബിഎച്ച്പി കരുത്തും 52 എൻഎം ടോർക്കും ഉല്പാദിപ്പിക്കുന്നതാണ് 648സിസി കപ്പാസിറ്റിയുള്ള പുതിയ പാരലൽ ട്വിൻ എയർ കൂൾഡ് എൻജിൻ. 6 സ്പീഡ് ട്രാൻസ്മിഷനാണ് ഈ എൻജിനിൽ ഉൾക്കൊള്ളിച്ചിരിക്കുന്നത്. യുകെയിലുള്ള കമ്പനിയുടെ ടെക്ക്നിക്കൽ സെന്‍ററും ചൈനയിലുള്ള ടെക്ക്നിക്കൽ സെന്‍ററും സംയുക്തമായി നിർമിച്ചിതാണ് ഈ എൻജിൻ. 30–140 കിലോമീറ്റർ വേഗതയിൽ ക്രൂസ് ചെയ്യാൻ ഈ ബൈക്കുകൾക്ക് കഴിയുമെന്നാണ് കമ്പനി അവകാശപ്പെടുന്നത്.



അടുത്ത വർഷം ആദ്യത്തോടെ യൂറോപ്പ്യൻ വിപണികളിലെത്തിച്ചേരും. തുടർന്നായിരിക്കും ഇന്ത്യൻ വിപണിയിലേക്കുള്ള വരവ്. റോയൽ എൻഫീൽഡിന്‍റെ ഗ്ലോബൽ വാഹനമായിരിക്കും ഇത്. ഇന്ത്യ, അമേരിക്ക, യൂറോപ്പ്, ബ്രസീൽ, കൊളംബിയ തുടങ്ങിയ വിപണി ലക്ഷ്യമിട്ടാണ് പുതിയ ബൈക്കുകൾ എത്തുന്നത്.