പുതിയ ഹോണ്ട ആക്ടീവ ഐ അവതരിച്ചു; വില 50,010 രൂപ

2018 ആക്ടീവ ഐ സ്കൂട്ടറുമായി ഹോണ്ട ഇന്ത്യയിൽ. ഡൽഹി എക്സ്ഷോറൂം 50,010 രൂപ പ്രൈസ് ടാഗിലാണ് ആക്ടീവ ഐവിപണി പിടിച്ചിരിക്കുന്നത്. അധിക ഫീച്ചറുകൾക്കൊപ്പം ചില്ലറ കോസ്മെറ്റിക് അപ്ഡേഷനുകളോടെയാണ് പുതിയ ആക്ടീവ ഐയുടെ വരവ്. നിലവിലുള്ള ആക്ടീവയെക്കാളും വളരെ ഒതുങ്ങിയ ഡിസൈനും ഭാരക്കുറവുമാണ് ആക്ടീവ ഐയുടെ പ്രധാന ഹൈലേറ്റായി പറയാവുന്നത്.

ഇന്ത്യയിലെ യുവാക്കളെയും സ്ത്രീകളെയും മുന്നിൽ കണ്ടുകൊണ്ടാണ് ഹോണ്ട ഈ നീക്കം. കാൻഡി ജാസി ബ്ലൂ, ഇംപീരിയൽ റെഡ് മെറ്റാലിക്, ലഷ് മാഗ്നെറ്റ മെറ്റാലിക്, മാറ്റ് ആക്സിസ് ഗ്രെ മെറ്റാലിക്, ഓർക്കിഡ് പർപ്പിൾ മെറ്റാലിക് എന്നീ നിറങ്ങളിലായിരിക്കും പുത്തൻ ആക്ടീവ ഐ ലഭ്യമാവുക.

ഡ്യുവൽ ടോൺ നിറം, ബോഡി ഗ്രാഫിക്സ്, മെറ്റാലിക് മഫ്ലർ പ്രോട്ടക്ടർ, ബോഡി കളർ മിറർ, ഡൈനാമിക് ഇൻസ്ട്രമെന്‍റ് ക്ലസ്റ്റർ, 18 ലിറ്റർ സ്റ്റോറേജ്, മൊബൈൽ ചാർജിങ് എന്നിവയാണ് പ്രധാന സവിശേഷതകൾ. 8ബിഎച്ച്പിയും 8.94 എൻഎം ടോർക്കും നൽകുന്ന 109.19 സിസി ഫോർ സ്ട്രോക്ക് എയർ കൂൾഡ് എൻജിനാണ് ആക്ടീവ ഐയുടെ കരുത്ത്.

10 ഇഞ്ച് ട്യൂബ് ലെസ് ടയറുകളാണ് സ്കൂട്ടറിൽ ഘടിപ്പിച്ചിരിക്കുന്നത്. കോംബി ബ്രേക്കിങ് സിസ്റ്റത്തോടൊപ്പം 130mm ഡ്രം ബ്രേക്കുകളാണ് ബ്രേക്കിങ് സാധ്യമാക്കുന്നത്. ഇരുവശങ്ങളിലും ഹൈഡ്രൂലിക് സസ്പെൻഷനാണ് നൽകിയിരിക്കുന്നത്. ടിവിഎസ് സ്കൂട്ടി സെസ്റ്റ്, ഹീറോ പ്ലഷർ, സസൂക്കി ലെറ്റ്സ് എന്നിവരിൽ നിന്നാണ് ആക്ടീവ ഐയ്ക്ക് പ്രധാന വെല്ലുവിളി നേരിടേണ്ടി വരിക.